Bill Qeyts Hindistanda keçirilən AI sammitində iştirakdan imtina edib

Bakı:

24 °C

62 %

1 m/s

Əlaqə

AZ RU EN

Ana səhifə / Dünya / Bill Qeyts Hindistanda keçirilən AI sammitində iştirakdan imtina edib

Bill Qeyts Hindistanda keçirilən AI sammitində iştirakdan imtina edib

19.02.2026 [19:52]

Bill Qeyts cümə axşamı planlaşdırılan çıxışından bir neçə saat əvvəl Hindistan Süni İntellekt Təsiri Sammitində iştirakını ləğv edib. Bu, artıq təşkilati problemlər, robototexnika nümayişi ilə bağlı mübahisələr və nümayəndə heyətinin nəqliyyatdakı fasilələrlə bağlı şikayətləri ilə üzləşən flaqman tədbirinə daha bir zərbədir. Qeytsin iştirak etməməsi və ardınca “Nvidia” şirkətinin rəhbəri Censen Huanqın tədbirə qatılmaqdan imtinası Hindistanın qlobal süni intellektin idarə olunmasında liderlik rolunu axtardığı Qlobal Cənubda süni intellekt üzrə ilk böyük forum kimi təqdim edilən sammit üçün onsuz da çətin olan vəziyyəti daha da ağırlaşdırır.

AZƏRTAC xəbər verir ki, Qeyts Fondu milyarderin süni intellekt üzrə əsas prioritetlərinə diqqət yetirmək mövzusunda çıxış etməyəcəyini açıqlayıb. “Reuters”in məlumatına görə, cəmi bir neçə gün əvvəl bu fond onun iştirak etməməsi ilə bağlı şayiələri təkzib etmişdi və çıxışın planlaşdırdığı məsələsində israrlı idi.

Bu imtina ABŞ Ədliyyə Nazirliyinin ötən ay seksual cinayətkar kimi məhkum edilmiş mərhum maliyyəçi Ceffri Epşteyn ilə Qeyts Fondunun işçiləri arasında yazışmaları ehtiva edən elektron poçtların yayımlanmasından sonra baş verib. Qeyts iddia edirdi ki, onun həmin şəxs ilə münasibətləri xeyriyyəçiliklə bağlı müzakirələrlə məhdudlaşıb və Epşteynlə görüşmək səhv olub.

Hindistanda keçirilən ilk böyük süni intellekt sammiti iştirakçıları şoka salan və qəzəbləndirən rəhbərliyin səhv addımları ilə pozulub. Onlar Hindistan hökumətinin planlaşdırma çatışmazlığından narahatlıq ifadə ediblər.

Cümə axşamı günü sammitin sərgi salonları ictimaiyyət üçün gözlənilmədən bağlanıb, bu da köşk və pavilyonlar quran şirkətlər arasında narazılığı daha da artırıb. Tədbirin keçirildiyi ərazi üçgünlük böyük izdihamdan sonra demək olar ki, boş qalıb.

Çərşənbə günü Hindistanın Galgotias Universitetindən bir işçinin Çin istehsalı olan robot itini universitetin öz inkişafı kimi təqdim etməsindən və ictimai etirazlara səbəb olmasından sonra onun stendini boşaltması istənilib.

Polis sammitdə iştirak edən yüksəkvəzifəli şəxslərin prioritet hərəkətini təmin etmək üçün yolları bağlayıb və bu da 20 milyon əhalisi olan şəhərdə xaosa səbəb olub.

Çərşənbə günü sosial mediada onlarla sammit iştirakçısının Yeni Dehlinin mərkəzindən bir neçə kilometr məsafə qət etdiyini göstərən videolar yayıldı, çünki yollar nəqliyyatın hərəkəti üçün bağlanmışdı və taksi və ya avtobuslar yox idi.

Bu videolardan birini paylaşan müxalifət lideri Mahua Moytra “X” sosial media platformasında yazıb ki, zəif idarəetmə Hindistanın dünya miqyasında nüfuzuna xələl gətirib.

Paylaş:

Baxılıb: 442 dəfə