Heydər Əliyev
yeni azerbaycan logo

Ana səhifə / Dünya / ABŞ-nin “Bone” ləqəbli bombardmançı təyyarəsi Böyük Britaniyaya enib

ABŞ-nin “Bone” ləqəbli bombardmançı təyyarəsi Böyük Britaniyaya enib

07.03.2026 [19:20]

ABŞ-yə məxsus B-1 “Lancer” bombardmançı təyyarəsi Böyük Britaniyaya gətirilib.

AZƏRTAC “The Independent”ə istinadla xəbər verir ki, bu addım ABŞ-nin İrana qarşı zərbələrin artırılacağı barədə xəbərdarlıqdan sonra atılıb.

Məlumata görə, bombardmançı təyyarə martın 6-da İngiltərənin Qlosterşir qraflığında yerləşən “RAF Feyrford” hərbi hava bazasına enib. Dörd nəfərlik ekipaj tərəfindən idarə olunan və “Bone” ləqəbi ilə tanınan təyyarə hədəfləri dəqiq vurmaq üçün inkişaf etmiş radar və GPS sistemləri ilə təchiz edilib. Bundan əlavə, düşmən hücumlarından qorunmaq üçün elektron maneə sistemləri, radar xəbərdarlıq və aldadıcı hədəf mexanizmləri ilə təchiz olunub.

Təyyarə eyni zamanda 24 qanadlı raket daşımaq imkanına malikdir. B-1 “Lancer” daha əvvəl Suriya, Liviya, Əfqanıstan və İraqda həyata keçirilən əməliyyatlarda istifadə edilib və ümumilikdə 34 tona qədər silah və hərbi avadanlıq daşıya bilir.

Qeyd edək ki, Böyük Britaniyanın Baş naziri Kir Starmer ABŞ-yə Britaniya bazalarından İranın raket obyektlərinə qarşı müdafiə xarakterli zərbələr endirməyə icazə verib.

Paylaş:
Baxılıb: 320 dəfə

Xəbər lenti

Hamısına bax

Ədəbiyyat

Analitik

Ədəbiyyat

Serial oxucusu

25 Aprel 08:50

Ədəbiyyat

Şənbə üçün nəzm

25 Aprel 08:38  

Arxiv
B Be Ça Ç Ca C Ş
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30