Ağır iqtisadi vəziyyət, siyasi böhran Ermənistanı tənəzzülün son həddinə çatdırıb

Bakı:

2 °C

80 %

10 m/s

Əlaqə

AZ RU EN

Ana səhifə / Dünya / Ağır iqtisadi vəziyyət, siyasi böhran Ermənistanı tənəzzülün son həddinə çatdırıb

Ağır iqtisadi vəziyyət, siyasi böhran Ermənistanı tənəzzülün son həddinə çatdırıb

11.09.2015 [10:08]

Miqrasiya edənlərin sayının artması ilə yanaşı, işğalçı ölkəyə gələnlərin sayı da rekord səviyyədə azalıb
Son dövrlərdə Ermənistanın siyasi, sosial-iqtisadi vəziyyəti daha da pisləşib. İşğalçı ölkədə məmur özbaşınalığı geniş vüsət alıb, yoxsulluğun səviyyəsi yüksəlib. Mövcud korrupsiya, inhisarçılıq, inflyasiya, ifrat yoxsulluq, orduda özbaşınalıq, yaşanan siyasi böhran, eləcə də cinayətkarlıq, miqrasiya hallarının artması Ermənistanda həyat səviyyəsinin getdikcə pisləşməsinə yol açıb. Elə bu səbəbdəndir ki, işğalçı ölkədən miqrasiya edənlərin sayı durmadan artır. Görünən odur ki, ermənilər öz ölkələrini tərk etməkdə maraqlıdırlar və miqrasiya prosesinin indiki templə davam edəcəyi təqdirdə Ermənistanın əhalisiz ölkəyə çevriləcəyi erməni sosioloqlarının özləri tərəfindən də açıq etiraf olunur. Məsələ burasındadır ki, hazırkı iqtidar miqrasiyanın qarşısının alınmasında acizdir.
Vurğulandığı kimi, miqrasiyanın ildən-ilə artmasının arxasında duran səbəblərdən ən əsası iqtisadi diskriminasiyadır. Məhz Ermənistan hakimiyyətinin apardığı siyasət nəticəsində ölkədə iqtisadi distabillik hökm sürür, əhalinin yoxsulluq səviyyəsi artır. Qeyd edək ki, bir sıra xarici sorğu mərkəzlərinin apardığı sorğularda ortaya çıxan rəqəmlər də bunu sübut edir. Sorğuda iştirak edən Ermənistan vətəndaşları işsizliyin təhlükəli həddə olduğunu bildirib, inflyasiyanı təhlükəli problem kimi dəyərləndiriblər. Eləcə də işğalçı ölkədə baş alıb gedən korrupsiyanın əhalinin sosial durumuna ciddi təsir etdiyi vurğulanıb.
Ən əsası isə, Ermənistanda bölgələrin inkişafı yox dərəcədədir. Qeyd edək ki, miqrasiyanın həddinin artması kəndlərin tam şəkildə boşalmasına yol açıb. Sadə ermənilər isə işsizlik səbəbindən ölkəni tərk etməyə məcbur olduqlarını dilə gətiriblər. Bundan başqa, bölgələrdə işsizliyin artması kriminal hadisələrin də çoxalmasına yol açır. Bu faktlar isə özlüyündə Ermənistanın durumunun ağırlığını göz önünə gətirir.
İşğalçı ölkədən miqrasiya edənlərin sayının artması fonunda Ermənistana səfər edənlərin sayı da durmadan azalır.
Qeyd etdiyimiz kimi, yaşanan aclıq, səfalət, işsizliyin artması faktları işğalçı ölkədə kriminal halların artmasına, eləcə də intiharların sayının çoxalmasına gətirib çıxarıb. Bu arada Ermənistanın hökumət binasında intihar hadisəsi baş verib. KİV-lərdə yayılan məlumatlarda bildirilir ki, binanın mühafizə xidmətinin əməkdaşı, 32 yaşlı Lüdviq Ovanisyan silahla atəş açaraq özünü öldürməyə cəhd edib. O, xəstəxanaya yerləşdirilib. Hökumətin aparat rəhbəri David Artunyan faktı təsdiqləyib və həmin şəxsin öz əməkdaşları deyil, mühafizə xidməti göstərən şirkətin əməkdaşı olduğunu bildirib. L.Ovanisyan intihar cəhdindən əvvəl məktub yazıb. Lakin məktubun mətni hələlik açıqlanmayıb.
Bir sözlə, Ermənistanda son bir neçə ayda baş verən mitinqlər, etirazlar bir daha göstərdi ki, əhali ilə iqtidar arasında yaranan uçurum dərinləşməkdədir. Əhalidə hakimiyyətə qarşı yaranan narazılığın günü-gündən artması isə Sarkisyan rejiminin daha da azğınlaşmasına yol açıb. Hətta bu qədər dözülməz iqtisadi durumun hökm sürdüyü zamanda əhaliyə satılan təbii qazın qiymətlərinin artırılması, enerji daşıyıcılarının qiymətlərini fantastik həddə çatdırması Sarkisyan hakimiyyətinin öz xalqına qarşı yürütdüyü siyasətin əsl mahiyyətini açır. Eyni zamanda, ərzaq və qeyri-ərzaq məhsullarının, xidmət tariflərinin və digər məhsulların qiymətlərindəki yüksəliş onsuz da ağır durumda olan Ermənistanda yaxın zaman ərzində yenidən inflyasiyanın dözülməz həddə çatacağından xəbər verir.
PƏRVİZ

Paylaş:

Baxılıb: 1171 dəfə