Ermənistandakı səfalət əxlaqsızlığın tüğyan etməsinə şərait yaradır

Bakı:

3 °C

70 %

6 m/s

Əlaqə

AZ RU EN

Ana səhifə / Dünya / Ermənistandakı səfalət əxlaqsızlığın tüğyan etməsinə şərait yaradır

Ermənistandakı səfalət əxlaqsızlığın tüğyan etməsinə şərait yaradır

29.08.2019 [09:03]

Erməni qızları kütləvi şəkildə Türkiyəyə aparılır, Yerevanda qalanlar isə İrandan gələn kişilərə “xidmət göstərirlər”
Ötən yazımızda Rusiya mətbuatında yer alan faktlar əsasında Ermənistanda mövcud olan kriminal rejimin sayəsində əxlaqsızlığın ölkədə baş alıb getməsindən, hakimiyyət dəyişikliyinə baxmayaraq, bütün sahələrdə olduğu kimi, cəmiyyətdə əxlaqsızlıq və zorakılığın qarşısını almağın qeyri-mümkünlüyü barədə yazmışdıq. Təbii olaraq ənənəvi Ermənistan mətbuatının erməni cəmiyyətinin acınacaqlı vəziyyətini qabartmaqdan çəkindiyini də xatırlatmışdıq. Amma Ermənistan cəmiyyətində əxlaqsızlıq o həddə çatıb ki, artıq mövcud acınacaqlı durumu gizlətmək mümkün deyil. Sosial şəbəkələrdə qısa araşdırma aparanda işğalçı dövlətdə məlum sahədə vəziyyətin doğrudan da dəhşətli olduğu ortaya çıxır.
Ermənistanda əxlaqsızlığın yaş həddi 11-ə qədər enib
Məsələn, “Həqiqətlər kanalı-5”də “Ermənistanda əxlaqsızlıq” adlı süjetdə işğalçı ölkədə əxlaqsızlığın belə geniş yayılmasının səbəbi kimi iqtisadi böhran və yoxsulluq göstərilir. Ona görə ki, uzun illərin sınaqdan keçmiş təcrübəsi göstərir ki, belə cəmiyyətlərdə narkomaniya, əxlaqsızlıq və əyyaşlıq “çiçəklənir”. Ermənistanda səfalət və aclıq səviyyəsini müəyyənləşdirən isə, bu gün Yerevanda gecə “müştəri” axtarışına çıxanların yaş həddinin 11-12-yə qədər enməsidir. Belə ki, erməni valideynlər ərzaq məhsulları qarşılığında həmin uşaqları buna vadar edir, ya da bu yola getmələrinə göz yumur və bundan utanmırlar.
1 banka “tuşenka” qarşılığında azyaşlı erməni qızların xidmətindən istifadə etmək olar
Materialda belə bir müqayisə də aparılır: bir neçə il bundan qabaq Konqoda zabitlər yerli azyaşlıların xidmətindən ərzaq məhsulları əvəzində yararlanırdılar. İndi Ermənistanda lap Konqodakı kimi, azyaşlı qızların xidmətindən bir paket düyü və ya 1 banka hisə verilmiş ət konservi (“tuşenka”) qarşılığında istifadə etmək olar.
Hətta ABŞ-ın Ermənistandakı səfiri bu ölkədə mövcud vəziyyətdən şoka düşüb. Belə ki, səfir mütəmadi olaraq azyaşlı qızlarla dolu avtobusların Türkiyəyə göndərilməsinin şahidi olub və belə bir qənaətə gəlib ki, həmin uşaqların valideynlərinin onların qonşu ölkəyə hansı məqsədlə aparıldıqlarından xəbərləri var. ABŞ səfiri onu da əlavə edib ki, əhali Ermənistanı sürətlə tərk edir.
Digər maraqlı məqam iranlı kişilərin Novruz bayramı tətilində ölkədən xaricdə, xüsusilə Ermənistanda istirahət etməyi üstün tutmalarıdır. İlboyu iranlı kişilərə xidmət edən erməni qızlar bayram vaxtı gərgin rejimdə işləyirlər.
Erməni valideynlər Cinsi istismara məruz qalacağını bilə-bilə qız və oğlan uşaqlarını 1500 ABŞ dollarına satırlar
Ermənistanda uşaqbazlığın səviyyəsinə gəlincə, “Ümid və kömək” ictimai təşkilatının sədri Yenok Şatvoryan yetkinlik yaşına çatmayanlara qarşı cinsi istismarın acınacaqlı hal aldığını dilə gətirir. Məsələnin acınacaqlı tərəfi odur ki, Ermənistanda əhalinin 70 faizi aclıq həddində olduğuna görə valideynlər uşaqlarını bilə-bilə satırlar. Erməni oğlan və ya qızın qiyməti nağd şəkildə 1500 ABŞ dolları həddindədir. Satılan erməni yeniyetmələrin orta yaş həddi 14-15-dir.
Ermənistanda yaranmış sosial-iqtisadi vəziyyətlə də əlaqələndirilən indiki durumun səviyyəsini erməni qızlarının kütləvi şəkildə Türkiyəyə aparılması faktları daha da möhkəmləndirir. Çünki Ermənistandan Türkiyəyə və ərəb ölkələrinə gedən erməni qadınların sayı azalmır, əksinə artır.
Erməni qızların ərəb ölkələrində sayını dəqiqləşdirmək çətindir, çünki onların viza sənədlərində ya “özbək”, ya da “rus” yazılır. Onlar özlərini həmin ölkələrdə daha azad və xoşbəxt hesab edirlər. Çünki bəziləri yerli ərəblərə ərə gedir və onların çoxsaylı arvadlarından biri olurlar.
Ermənistandan Türkiyəyə gedən qızların əksəriyyəti əxlaqsızlıqla məşğul olurlar
Ərəb ölkələrindən fərqli olaraq heç bir diplomatik əlaqəsi olmayan Türkiyədə qanunsuz yolla sərhədi keçdiklərinə görə deportasiya olunanların sayı məlum olduğu üçün bəzi rəqəmlər göstərmək mümkündür. Türkiyə parlamentinin alt komissiyasının məlumatına görə, son 3 il ərzində Türkiyə sərhədini qanunsuz keçən 5900 Ermənistan vətəndaşı həbs olunub və deportasiya edilib. Xəbərə görə, Ermənistandan gedən qızların əksəriyyəti Türkiyədə əxlaqsızlıqla məşğul olurlar.
Ermənistanın özündə isə “erməni gecə kəpənəkləri”nin əksəriyyətində zöhrəvi xəstəliklər aşkar olunub. Əlaqədar qurumlar bu prosesin kökünü kəsməyin yollarını tapa bilmirlər. Buna görə cərimə isə cəmi 2,5 ABŞ dollarıdır. Erməni ekspertlər əxlaqsızlıqla mübarizə aparmaq üçün cərimənin məbləğini 12 ABŞ dollarına qədər artırmağı məsləhət görür. Əxlaqsızlıq Ermənistanda qadağan olunmasa da, “priton” saxlamağa görə 10 ilə qədər həbs cəzası nəzərdə tutulur.
Ən nəhayət, digər məlumata görə, ərə getməyən yetkinlik yaşına çatmamış erməni qızların 90 faizi hazırda əxlaqsızlıqla məşğul olur və bu, müxtəlif yoluxucu xəstəliklərin yayılmasına rəvac verir. Hesablamalara görə, cəmiyyətdə əxlaqsızlığın baş alıb getməsi, azyaşlıların cinsi istismara məruz qalması yüksələn xətt üzrə inkişaf etsə, yaranmış vəziyyət yaxın gələcəkdə Ermənistanın bir dövlət kimi tamamilə çökməsinə gətirib çıxaracaq.
Qaşqay ZİYƏDDİNOĞLU