Məğlub Ermənistanda siyasi qarşıdurma pik həddə çatıb

Bakı:

11 °C

93 %

3 m/s

Əlaqə

AZ RU EN

Ana səhifə / Dünya / Məğlub Ermənistanda siyasi qarşıdurma pik həddə çatıb

Məğlub Ermənistanda siyasi qarşıdurma pik həddə çatıb

16.01.2021 [09:32]

Ekspertlərin fikrincə, bütün sahələrdə davam edən böhran vəziyyəti cəmiyyətdə gedən deqradasiyanı daha da dərinləşdirir
Məğlub Ermənistanda müharibədən sonrakı son iki ay ərzində davam edən böhran dərinləşməkdədir. Belə ki, mövcud hakimiyyətin istefası tələbinə hər gün yeni-yeni təşkilatlar qoşulur və müxalifət yeni kütləvi aksiyalara hazırlıq görür. Erməni KİV-i yazır ki, “Vətənin xilası naminə hərəkat” yanvarın 15-dən regionlarda görüşlərə və vətəndaş itaətsizliyi aksiyalarına start verib. Hakimiyyət isə bu aksiyaların qarşısını almaq üçün ötən ilin sentyabrından ölkədə elan edilən hərbi vəziyyəti ləğv etmək istəmir. Yerli medianın yazdığına görə, hökumət mart ayına qədər hərbi vəziyyəti ləğv etmək istəmir.
Buna baxmayaraq, paytaxt Yerevanda müxtəlif tələblərlə vətəndaşların etiraz aksiyaları davam edir. Belə ki, yanvarın 14-də hərbi xidmətə çağırılanların valideynləri hökumət binasının qarşısında aksiya keçiriblər. “Sputnik-Ermənistan” yazır ki, onlar baş nazir Nikol Paşinyanla görüş tələb ediblər. Qeyd edək ki, övladlarının təhlükəsizliyinə zəmanət tələb edən valideynlərin bir hissəsi isə döyüşlərdə iştirak edən əsgərlərin tərxis olunmasını istəyirlər.
Ekspertlərin fikrincə, indiki siyasi böhran şəraitində cəmiyyətdə çaşqınlıq və pessimist əhval-ruhiyyə hökm sürür. Ölkəni bu bəlaya düçar edən hakimiyyətin öz mövcudluğunu qorumaq səyləri isə cəmiyyətdəki mənəvi-psixoloji depressiyanı daha da dərinləşdirir. Məsələn, “News.am”ın yazdığına görə, siyasi analitik Stepan Danielyan deyib ki, Paşinyan uzun müddət hakimiyyətdə qalsa, cəmiyyətin deqradasiyası geridönməz hal ala bilər: “2018-ci ilə qədər Ermənistan cəmiyyətində gedən deqradasiyası gizlədildi. Ancaq cəmiyyət heç olmasa, mənfi proseslərə qarşı mübarizədə birləşirdi. 2018-ci ildən sonra hakimiyyətə gələn qüvvələr bütün qurumları və ənənəvi fikirləri məhv etməyə başladıqca tənəzzül sürətləndi. İndi bizi heç nə birləşdirmir, heç bir fikir və hədəflər yoxdur”.
Bu arada, Paşinyanın Ermənistan iqtisadiyyatına vurduğu ziyanla bağlı ittihamlar da səslənir. “Panorama.am” yazır ki, “Hərbi sığorta fondu” qəyyumlar şurasının üzvü Mesrop Manukyan mövcud hakimiyyətin Ermənistana milyardlarla dollar ziyan vurduğunu deyib: “Paşinyan Ermənistan respublikasına və erməni xalqına ən azı 38,4 milyard dollar ziyan vurub”.
“Joxovurd” qəzeti isə yazır ki, Ermənistan hakimiyyəti dövlət vəsaitlərinin talanını davam etdirir. Nəşrin yazdığına görə, ölkədəki çoxsaylı sosial-iqtisadi problemlərə baxmayaraq, Ermənistan hakimiyyəti büdcə pullarını cəmiyyətdə təəccübə səbəb olan məqsədlər üçün xərcləməyə davam edir. Nəşr qeyd edir ki, parlamentin yanvarın 18-də başlayacaq növbəti iclasında Korrupsiyaya qarşı mübarizə komitəsinin yaradılmasının müzakirəsi planlaşdırılır. Qəzet yazır ki, yalnız yeni strukturun ikiillik büdcəsi 16 milyard dram (təxminən 8 milyon dollar) təşkil edəcək. Nəşrdə indiki vaxtda parlament və hökumət başda olmaqla, vəzifəli şəxslərə külli miqdarda mükafatların verilməsinin də birmənalı qarşılanmadığı qeyd edilir.
Beləliklə, uzun illər apardığı təcavüzkar siyasətin nəticəsində məğlub duruma düşən Ermənistanda siyasi qarşıdurma pik həddə çatıb. Ekspertlərin fikrincə, bütün sahələrdə davam edən böhran vəziyyəti cəmiyyətdə gedən deqradasiyanı daha da dərinləşdirir.
Qaşqay ZİYƏDDİNOĞLU

Paylaş:

Baxılıb: 759 dəfə