Ermənistan cəmiyyətində ağır mənəvi-psixoloji durum və etinasızlıq hökm sürür

Bakı:

28 °C

69 %

2 m/s

Əlaqə

AZ RU EN

Ana səhifə / Dünya / Ermənistan cəmiyyətində ağır mənəvi-psixoloji durum və etinasızlıq hökm sürür

Ermənistan cəmiyyətində ağır mənəvi-psixoloji durum və etinasızlıq hökm sürür

29.07.2021 [08:38]

Məğlub Ermənistanda seçkidən sonrakı gərginlik Paşinyanın yeni hökumət qurmasını da əngəlləyə bilər. Digər tərəfdən, məğlub ölkədə gərginlik o həddədir ki, hətta yeni hökumət formalaşsa belə, müsbət nəsə gözlənilmir. Bir çox analitiklərin fikrincə, yeni hökumətin dövründə də məğlub ölkədə siyasi gərginlik davam edəcək, böhran dərinləşəcək.
Onu da qeyd edək ki, hazırda Paşinyanın komandasının daxilində də gərginlik hökm sürür. Xüsusilə, baş nazirin müavini olmuş Tiqran Avinyanın yeni komandada yer almaması, sabiq spiker Ararat Mirzoyanın isə başqa vəzifəyə təyinat alacağı barədə məlumatlar dolaşır. “News.am” yazır ki, Paşinyanın “Vətəndaş müqaviləsi” partiyasının parlament fraksiyasının yeni seçilmiş deputatları ilə görüşündən sonra partiyanın funksioneri, spiker postuna əsas namizəd Alen Simonyan bu məsələyə münasibət bildirib. Onun sözlərinə görə, T.Avinyan və A.Mirzoyan partiyanın qurucu üzvləri kimi partiyanın idarə heyətində fəaliyyətlərini davam etdirəcəklər: “Hökumətin tərkibinə gəlincə, indi bu barədə heç nə deyə bilmərəm. Hökumət strukturundakı dəyişikliklərlə bağlı da hər hansı məlumatım yoxdur”.
Yeri gəlmişkən, Paşinyanın hakimiyyəti dövründə parlamentin sədri olan Ararat Mirzoyanın Ermənistan təhlükəsizlik şurasının katibi təyin edilməsi gözlənilir. Bu məsələyə münasibət bildirən keçmiş müxalifətçi deputat Gevork Petrosyan A.Mirzoyanın təyinatı ilə əlaqədar həm iqtidarı, həm də müxalifəti tənqid edib. Dünənə qədər “agent” adlandırılan şəxsin belə bir yüksək və strateji vəzifəyə təyinatı məsələsinə səs çıxarmayan müxalifəti qınayan G.Petrosyan “Çoxlarını yalnız mandatın maraqlandırdığı təəssüratı yaranır” deyib.
“Panorama.am” isə yazır ki, “Nəsillər üçün həqiqət” təşəbbüsünün qurucusu, politoloq Geqam Nazaryan erməni əhalisinin, cəmiyyətin etinasız olduğunu deyib: “Siz müharibə və məğlubiyyətin simasını seçdiniz. Müharibə on ay əvvəl başladı. On ay əvvəl Nikol ölkəmizə, ailələrimizə kədər gətirdi. Müharibədən doqquz ay sonra Nikolun rəhbərlik etdiyi siyasi qüvvə yarım milyondan çox səs aldı”.
“24News.am”a açıqlama verən “Qoy” teatrının bədii rəhbəri, incəsənət xadimi Artur Sahakyan isə deyib ki, Ermənistan cəmiyyətində ağır mənəvi-psixoloji durum hökm sürür. Cəmiyyətin hadisələrə seyrçi qaldığını vurğulayan A.Sahakyan bildirib ki, həm iqtidar, həm də müxalifət vahid mərkəzdən idarə olunurlar.
Qaşqay ZİYƏDDİNOĞLU

Paylaş:

Baxılıb: 958 dəfə