Şənbə üçün nəzm
30.11.2024 [11:57]
MİNİATÜRLƏR
Üzeyir Hacıbəyov
MÜHƏRRİR
Osmanlı “üdəba və mühərriri” zümrəsinə daxil olmağa layiq olan bir “ədibin hər həftə çıxan aşağı-qələmindən bir nümunəsi imtisal:
“Əfəndim şu sözləri yazmaqda mənim muradım bütün aləmə kəndinin millətpərəstliyini bildirməkdir, beləmi, əfəndim? Belə isə qulaq asınız əfəndim! Şu gün mən şu sözləri yazıb şəhərimizin qoca qarunlarına deyirəm ki, ey qoca qarunlar, gəliniz mən sizə yol göstərim. Siz kəndi pulunuzu xərcləmək bilməyirsiniz, beləmi, əfəndim? Belə isə çox gözəl, əfəndim! Lakin bəs nə üçün şəhərin qoca qarunları mənim şu sözlərimə qulaq asmıyorlar, əfəndim? Görünür ki, mənə etina etmək istəmirlər, beləmi, əfəndim? Belə isə, yaxşı olmadı şəhərimizin qocaları şu yanda dursun əfəndim gəlin cavanların üstünlüyü heç mənim xoşuma gəlmiyor əfəndim Çünki onlar heç bir şey qanmıyorlar beləmi əfəndim? Belə olan surətdə o cavanların başından basıb qoymamalıyız ki, onlar mühərrir olsunlar. Onları hər halda müttəhim etmək lazımdır beləmi əfəndim? “Əta” olundu sözü ilə “alındı” sözünə fərq qoymayan bir şəxs heç bir vaxt mühərrir ola bilməz əfəndim! Amma qırx qəpiklik kitabı millətə bir manata satan adam əsl millətpərəst ola bilər, beləmi əfəndim? Əlbəttə belədir əfəndim! İştə şimdi şu “qanmaz” cavanları zəmanəyə tapşırmalıyız əfəndim və pul qazanmaqda mahir olan millətpərəstləti isə özümüzə yol göstərən ittixaz etməliyik beləmi əfəndim? Belə, belə əfəndim!”.
Doğrudur, bu sözlərdən bir şey anlamaq çox çətindir. Lakin nə eləmək ki, allah-taala bizi “qanmaz” yaradıbdır...
İRANIN EVİ YIXILIB
-Sabahın xeyir olsun, Kərbəlayi Qulu!
-Aqibətini xeyir olsun, Məşədi Nəbi!
-Bilirsən, nə var?
-Yox, necə?
-İrada azadlıq verilibdir.
-Hə, bir elə əhval eşitmişəm, ancaq azadlıq, yəni nə olsun?
-Azadlıq odur ki, İranda indən belə hambaldan tutmuş vəzifə kimi bir məclis qurub, dövlət işinə məsləhət və məşvərətçi baxacaqdılar.
-Pəh, deynən İranın evi yıxılıbdır da!
-Necə?!
-Əşi, bir məclisdə ki, hambal vəzirlə söhbət edəcəkdir, o məclisdən nə yaxşı şey gözləmək olar?!
-Keyfin yaxşıdırmı, Kərbəlayi Qurquşum?
-Keyfin yaxşı olsun, usta Həsən!
-Eşitdinmi İranda nə olubdur?
-Yox, nə olubdur?
-Pəh, İranda azadlıq verilibdir!
-Yəni nə olacaqdır?
-O olacaqdır ki, bundan sonra hambal vəzir ilən bir yerdə məclis qurub, söhbət edəcəkdir!
-Bu yaxşı olmadı, usta Həsən!
-Neyçün?
-Əşi, bir hambal ki, vəzir ilən dizbir olub söhbət eləyə, sonra gəlib on put arpanı iki köpük manata şəhərin o başınadək aparmağa razı olarmı?
AND İÇMƏK
-Kərbəlayi Nəcəfqulu, saat neçədir?
-Dəstədən on iki dəqiqə keçibdir.
-Ba?!
-Əbülfəz Abbas haqqı.
-Məşədi Həsən, dünən sən də qonaqlıqda idin?
-Yox, Həzrət Abbasın qələm edilən qolları haqqı!
-Molla Vəli, bilirsən dünən Nəcəfqulu bəyə nə dedim?
-Nə dedin!
-Dedim: Əlinin qəzəb oğlu Həzrət Abbas mənə qənim olsun yalan deyirəmsə, bu saat qarnuvu yarıb tüstü ilə dolduraram.
-Deyinən, sən öl!
-Sən öl! Həzrət Abbas belindən vursun ki!
-Kərbəlayi Hümmət, mənim başmaqlarımı sən geyibsən?
-Yox, Həzrət Abbasın bir cüt düşən qolları haqqı!
-A kişi, ta niyə yalandan and içirsən. Budur,ana,mənim başmaqlarım səndədir.
-Buy, Həzrət Abbasın qılıncına gəlim ki, elə bilirdim özümündür!!
PEYĞƏMBƏR
Bir kişi peyğəmbərlik iddiası eləyirdi. Olubdur tutub qubernatorun yanına gətirdilər. Qubernator soruşdu ki, heç möcüzə bilərsənmi?
Dedi:
-Göstərərəm
Dedi:
-Nə göstərərsən?
Dedi:
-Bu saat bilirəm ki, sən nə fikir eləyirsən.
Qubernator dedi:
-Bil görək.
“Peyğəmbər” dedi:
-Bu saat sən fikir eləyirsən ki, əgər bu kişi yalançı olsa, tutub həbs edərəm, amma sonra rüşvət alıb buraxaram.
AXMAQ VƏZİR
Bir dəfə rus vəzirlərindən birisi öz sekretarını çağırıb dedi ki. Götür, Rusiyada nə qədər axmaq adam varsa, hamısının adını bir-bir yaz.
Sekretar əlinə kağız götürüb lap başda vəzirin öz adını yazdı. Vəzirin buna acığı tutub dedi:
-Bu saat mənim axmaqlıqdır sübuta yetirməsən, səni tutub voyenni polevoy sud hökmü ilə rastrelivat etdirəcəyəm.
Sekretar ərz elədi ki:
-Bu saat sübuta yetirim. Sən götürüb Lidval adlı bir sübuta on milyon put taxıl zakaz verirsən və ondan tutub bir şey girov almaq əvəzində,özün qabaqca ona bir milyon manat pul veribsən? Aya indi görək haman suçu Lidval bir milyon manat pulu alandan sonra gətirib sənə taxıl veribmi?
Vəzir dedi:
-Sən nə bilirsən ki,verməz?
Sekretar cavab verdi:
-Zərər yoxdur nə vaxt gətirib versə,sənin adını pozub onun adını yazaram.
KƏND MƏKTƏBİNDƏ
Müəllim (şagirdə). Atan var?
Şagird. Var.
Müəllim Anan var?
Şagird. Var.
Müəllim. Neçə qardaşsınız?
Şagird. Üç!
Müəllim. Neçə bacın var?
Şagird. Beş.
Müəllim. İndi, hesab elə gör sizin külfətdə neçə adam var?
Şagird. (bir qədər fikirdən sonra). Mirzə,on bir adam var.
Müəllim. Neçin on bir olsun? Bu ki, on eylər?
Şagird. (utana-utana). Mirzə, axı dədəmin iki arvadı var.
Xəbər lenti
Hamısına bax
İdman
18 İyul 17:19
Elm
18 İyul 16:44
Dünya
18 İyul 16:31
Dünya
18 İyul 15:59
Dünya
18 İyul 15:24
Dünya
18 İyul 14:40
Dünya
18 İyul 14:17
Gündəm
18 İyul 13:35
Dünya
18 İyul 13:10
Siyasət
18 İyul 12:56
Siyasət
18 İyul 12:20
Gündəm
18 İyul 11:53
Dünya
18 İyul 11:39
Gündəm
18 İyul 11:24
İqtisadiyyat
18 İyul 10:55
Yeni texnologiyalar
18 İyul 10:31
Turizm
18 İyul 10:19
Analitik
18 İyul 09:54
Ədəbiyyat
18 İyul 09:32
Ədəbiyyat
18 İyul 09:15
İdman
18 İyul 08:50
Ədəbiyyat
18 İyul 08:38
Dünya
18 İyul 07:59
Hadisə
18 İyul 07:39
Dünya
18 İyul 07:23
Dünya
18 İyul 07:22
Dünya
18 İyul 07:22
Dünya
17 İyul 23:41
İqtisadiyyat
17 İyul 23:20
Dünya
17 İyul 23:20
Dünya
17 İyul 22:46
Dünya
17 İyul 22:45
Dünya
17 İyul 22:19
Dünya
17 İyul 21:53
Xəbər lenti
17 İyul 21:34
Dünya
17 İyul 21:25
Mədəniyyət
17 İyul 20:48
Dünya
17 İyul 20:42
İqtisadiyyat
17 İyul 20:31
Dünya
17 İyul 20:17
Elm
17 İyul 19:50
Dünya
17 İyul 19:28
İqtisadiyyat
17 İyul 19:10
Mədəniyyət
17 İyul 18:50
İdman
17 İyul 18:48
Dünya
17 İyul 18:45
Dünya
17 İyul 18:30
Dünya
17 İyul 18:05
Siyasət
17 İyul 17:54
Elm
17 İyul 17:50
YAP xəbərləri
17 İyul 17:49
Dünya
17 İyul 17:44
Dünya
17 İyul 17:25
YAP xəbərləri
17 İyul 17:24
Sosial
17 İyul 17:10
İqtisadiyyat
17 İyul 17:07
Elm
17 İyul 17:03
Gündəm
17 İyul 17:00
Elm
17 İyul 16:52
Dünya
17 İyul 16:45
İqtisadiyyat
17 İyul 16:30
Siyasət
17 İyul 16:27
Xəbər lenti
17 İyul 16:10
YAP xəbərləri
17 İyul 16:07
Xəbər lenti
17 İyul 16:03
YAP xəbərləri
17 İyul 15:20
Sosial
17 İyul 14:50
İqtisadiyyat
17 İyul 14:21
Siyasət
17 İyul 13:57
Siyasət
17 İyul 13:57
