Münasibətlərin inkişafı üçün yeni imkanlar...

Bakı:

20 °C

77 %

3 m/s

Əlaqə

AZ RU EN

Ana səhifə / İqtisadiyyat / Münasibətlərin inkişafı üçün yeni imkanlar...

Münasibətlərin inkişafı üçün yeni imkanlar...

12.12.2025 [10:58]

ABŞ və Azərbaycan Zəngəzur dəhlizinin rifah və əməkdaşlıq körpüsünə çevriləcəyinə inanır

ABŞ-a səfəri çərçivəsində bu ölkənin Ticarət Departamenti katibinin müavinləri Vilyam Kimmitt və Ceffri Kessler ilə görüşən Azərbaycanın rəqəmsal inkişaf və nəqliyyat naziri Rəşad Nəbiyev ölkələr arasında əməkdaşlıq perspektivlərini müzakirə edib, investisiya mühiti və iqtisadi imkanlar barədə məsləhətləşmələr aparıb. Bildirilib ki, Azərbaycan iqtisadiyyatının, qeyri-neft sektoruna, o cümlədən yeni sənaye və innovasiyalar, texnologiyalar bölmələrinə xarici mənbələr hesabına sərmayə qoyuluşları artıb. Bunun əsas səbəbi isə investisiya iqliminin və etibarlılığın yüksəlməsidir.

V.Kimmitt Azərbaycanda əlverişli sərmayə mühitinin mövcudluğuna toxunaraq bu amilin ABŞ investorları üçün mühüm əhəmiyyət kəsb etdiyini diqqətə çatdırılıb. Azərbaycan və ABŞ arasında münasibətlərin yeni yol xəritəsi hesab edilən Strateji Tərəfdaşlıq Xartiyasının hazırlanması məqsədilə Strateji İşçi Qrupunun yaradılmasını xatırladan amerikalı dövlət rəsmisi müəyyənləşən yeni hədəflərin icrası sayəsində tərəfdaşlığını daha da güclənəcəyinə inamını ifadə edib.

Orta Dəhliz regional kommunikasiyaları birləşdirir

Hazırda Azərbaycan Orta Dəhlizin ən etibarlı nöqtələrindən birinə çevrilir, Şərq-Qərb istiqamətində daşınmaların tranzit qovşağı kimi beynəlxalq daşınmaların axıcılığını təmin edir. Bu gün beynəlxalq ticarət icması da Azərbaycanın bu geostrateji və coğrafi mövqeyinin əhəmiyyətliliyini nəzərə alaraq Transxəzər Beynəlxalq Nəqliyyat Marşrutunun yaradılmasında xüsusi təşəbbüskarlıq göstərir, dəstək verir. Bundan başqa, Azərbaycan sərhəd-keçid sistemində ən müasir texnologiyalar tətbiq edərək gömrük rejimini asanlaşdırır, qlobal ticarət tərəfdaşları ilə gömrük dərəcələrinin aşağı salınması istiqamətində addımlar atır. Bu qətiyyətli siyasi kurs Vaşinqton tərəfindən yüksək dəyərləndirilir. Rəşad Nəbiyevlə görüşündə ABŞ Ticarət Departamentinin nümayəndələri arasında bu məsələ də əsas mövzulardan biri olub. Tərəflər Orta Dəhliz və Zəngəzur dəhlizinin inkişafı ilə bağlı görülən işlərə diqqət çəkərək “TRIPP” layihəsinin qısa zamanda istifadəyə verilməsi sayəsində bölgədə yeni geniş əməkdaşlıq formatının yaranacağına inandıqlarını vurğulayıblar.

Qeyd edilib ki, Orta Dəhlizin növbəti qovşağına çevrilməkdə olan Zəngəzur xətti beynəlxalq yükdaşımalar üçün tranzit imkanlarının genişlənməsinə xidmət edəcək. Prezidentin bəyan etdiyi kimi yaxın gələcəkdə Zəngəzur dəhlizi həm Orta Dəhlizin, həm də Şimal-Cənub dəhlizinin növbəti mühüm seqmentinə çevriləcək, sülhü, çoxtərəfli tərəfdaşlığı möhkəmləndirəcək və Azərbaycan sərhədinin şərqində, qərbində, şimalında və cənubunda yerləşən yaxın və uzaq qonşularımıza fayda gətirəcək.

Süni intellekt və rəqəmsal texnologiyalar üzrə əməkdaşlıq

ABŞ Ticarət Departamenti katibinin müavinləri ilə rəqəmsallaşma, süni intellekt və kibertəhlükəsizlik sahələrində əməkdaşlıq imkanlarına da toxunulub. Qarşı tərəf ABŞ istehsalı olan rəqəmsal məhsulların Azərbaycana ixracında mövcud çətinliklərin aradan qaldırılmasına dəstək göstərməyə hazır olduğunu bildirib.

Qeyd edək ki, Azərbaycan və ABŞ arasında əldə olunmuş anlaşmaya əsasən, Amerikanın nəhəng maliyyə instututu olan “EXIM Bank” translogistika və innovasiya layihələrinə ölkəmizə maliyyə dəstəyi göstərmək, innovativ alətlərin tətbiqində birgə iştirakçı olacaq.

“Intel” şirkətinin vitse-prezidenti Sara Kemp ilə görüşdə süni intellekt və yüksək performanslı hesablama infrastrukturu, “ağıllı” mobillik və bu sahələrdə milli kadr hazırlığı üzrə əməkdaşlıq imkanlarını müzakirə edən R. Nəbiyev vurğulayıb ki, Azərbaycan dördüncü sənaye inqilabının və süni zəka dövrünün tələbatlarına uyğun olaraq, startaplar, rəqəmsal texnologiyalar, innovasiyayönümlü sənaye layihələri, süni intellekt və “yaşıl iqtisadiyyat” transformasiyasında fəal rol oynayır. Bu prosesdə Amerikanın nəhəng “SpaceX” şirkəti dəstəkləyici və investiyayönümlü fəaliyyəti diqqəti cəlb edir. Hər iki qurum yeni texnoilogiyalar və sənaye quruculuğunda Azərbaycana hərtərəfli dəstək vermək niyyətini bəyan edib və bu, ümidverici perspektivlər süni zəka sektoruna sərmayələrin axınını təmin edəcək. Habelə, Amerikanın güclü iqtisadi dəstəyi və sərmayə təşviqləri sayəsində Azərbaycan iqtisadiyyatının şaxələndirilməsinə və yeni bilik və bacarıqları ehtiva edən sahələrin inkişafına möhkəm baza yaranacaq. Ümumilikdə, ABŞ şirkətlərinin Azərbaycanın müasir innovasiyalar sektoruna da böyük marağı böyükdür və bu istiqamətdə fəal məsləhətləşmələr aparılır.

Amerikanın inovasiya şirkətlərinin Azərbaycanda regional ekosistem qurucluğunda iştirakı gözlənilir. Həmçinin ABŞ-la əməkdaşlıq çərçivəsində yaxın aylarda “Microsoft Business Platform” istifadəyə veriləcək.Bu platforma dövlət xidmətlərinin vahid pəncərə prinsipi ilə əlçatanlığını təmin edəcək.

Beləliklə, çoxistiqamətli əməkdaşlıq platformaları Azərbaycan iqtisadiyyatına ABŞ şirkətlərinin yeni axınlarına və ticarət-iqtisadi əlaqələrin yüksək səviyyəyə yüksəlməsini təmin edəcək.

ELBRUS CƏFƏRLİ

Paylaş:

Baxılıb: 878 dəfə