Azərbaycanda alternativ enerji mənbələrindən istifadə olunması ilə bağlı proqramlar uğurla yerinə yetirilir

Bakı:

15°C

77%

11m/s

AZ RU EN

Ana səhifə / İqtisadiyyat / Azərbaycanda alternativ enerji mənbələrindən istifadə olunması ilə bağlı proqramlar uğurla yerinə yetirilir

Azərbaycanda alternativ enerji mənbələrindən istifadə olunması ilə bağlı proqramlar uğurla yerinə yetirilir

07.04.2010 [10:00]

Ekoloji cəhətdən təmiz və son dərəcə ucuz başa gələn yaşıl enerji mənbələrinin aşkara çıxarılıb istismara verilməsində ölkəmiz regionun digər dövlətlərinə nümunə ola bilər
Qlobal istilərin tüğyan etdiyi bir zamanda dünya alimləri yarana biləcək problemlərin qarşısını almaq üçün yeni layihələr barəsində düşünməkdədirlər. Onlar qlobal istiləşmənin gətirəcəyi problemləri nəzərə alaraq ayrı-ayrı istiqamətlər üzrə atılacaq addımları müəyyənləşdirirlər. Məsələn, istiləşmələrin səbəb ola biləcəyi torpaq sahələrinin azalması ehtimalı irəli sürülür. İnsanların sayının artıb, əksinə torpaq sahələrinin azalacağını düşünən alimlər suyun üzərində olan şəhərlərin layihələrini hazırlayır. Bu şəhərlərin insanları qidanı dənizdən, enerji tələbatını günəş, külək və bu kimi təbii enerji mənbələrindən alacaqlar.
Nəinki dənizdə, elə quruda yaşayan insanlar da külək, günəş və başqa enerji mənbələrindən istifadə zərurətini anlayıb. Nəticədə alternativ enerji mənbələrindən istifadə üzrə inkişaf etmiş dünya dövlətlərindən ibarət siyahı da formalaşıb. Enerji sistemində alternativ və bərpa olunan enerji mənbələrinin xüsusi çəkisinə görə, Almaniya Avropada birincidir. Bu proses davam edir. İndiki mərhələdə dünya ölkələrinin liderləri hətta qlobal iqlim dəyişmələrinə hazırlığı yaşıl enerjidən istifadədə görür. Məsələn, çin inkişaf etmiş ölkələr tərəfindən təmiz enerji texnologiyasına sahib olmaq üçün inkişaf etməkdə olan ölkələrə maliyyə dəstəyi göstərilməsini təklif edib.
Azərbaycan prosesə artıq 4 ildir ki, qoşulub. ölkəmizdə böyük ekoloji layihələrə start verilib. Enerji təminatı, əsasən, ənənəvi enerji resursları hesabına ödənilsə də, qeyri-ənənəvi enerji resurslarından da paralel istifadəyə başlanıb. Mütəxəssislərin fikrincə, Azərbaycanın neft və qaz ixrac edən ölkə kimi alternativ enerji mənbələrinin işlənilməsi sahəsində daha böyük imkanları var. Həmin amili önə çəkən ekspertlər hesab edir ki, gələcəkdə ekoloji cəhətdən təmiz və son dərəcə ucuz başa gələn bu enerji mənbələrinin aşkara çıxarılıb istismara verilməsində Azərbaycan regionun digər dövlətlərinə nümunə ola bilər.
Bir sözlə, Azərbaycanda zəngin neft və qaz ehtiyatı ilə yanaşı, alternativ və bərpa olunan enerji mənbələri də mövcuddur və onların istismarı istiqamətində ilk addımlar atılıb. 2006-cı ildə alternativ enerji mənbələrindən istifadəyə qərar verilib və bunun üçün ayrıca dövlət proqramı təsdiq edilib. Bu proqram çərçivəsində bir sıra işlər görülüb. Alternativ və bərpa olunan enerji mənbələrinin işlənilməsi üçün dövlət tərəfindən müvafiq proqramlar hazırlanıb. 3 külək mühərriki qurulub, ölkəmizə çoxlu günəş kollektorları gətirilib. Alternativ enerji mənbələri ilə əlaqədar agentliyin yaradılmasına start verilib.
Görülən işlərin nəticəsidir ki, Xəzər dənizi sahilində “yaşıl (təbii) enerji” istehsalı məqsədi ilə ötən ilin martında icrasına başlanmış pilot layihə uğurla həyata keçirilir. Layihənin fəaliyyət göstərdiyi bir ildə burada 3,7 milyon kilovat-saat elektrik enerjisi istehsal edilib. Bununla da, istilik elektrik stansiyalarında eyni həcmdə elektrik enerjisinin istehsalı üçün sərf edilən 1,1 milyon kubmetr təbii qaza qənaət olunub. Layihə çərçivəsində Sumqayıt şəhəri yaxınlığında Danimarka istehsalı olan 2 “Vestas V52” külək qurğusu quraşdırılıb. Burada istehsal olunan enerji Sumqayıt elektrik enerjisi səbəkəsinə ötürülür. Bu, Azərbaycanda külək enerjisi layihəsinin texniki cəhətdən mümkünlüyünü sübut edir.
RUHİYYƏ

Paylaş:

Baxılıb: 1392 dəfə