Qızıldan bahalı

Bakı:

25 °C

50 %

1 m/s

Əlaqə

AZ RU EN

Ana səhifə / Maraqlı / Qızıldan bahalı

Qızıldan bahalı

20.09.2023 [12:17]

Xalq təbabəti

Şahanə

Cənub-Qərbi Asiyadan dünyaya yayılan zəfəran, dünyanın ən bahalı bitkilərindən biridir. Ədviyyat olaraq istifadə etdiyiniz bu bitki, yeməklərə verdiyi ləzzəti və xoş rəngi ilə fərqlənir.

Latınca adı “crocus sativus” olan zəfəran, soğanlı bitkilər arasındadır. Payızda bənövşəyi rəngli çiçəklər açır, 20 ilə 30 sm arasında bir boya çatır və rəngləndirici ya da dad verici olaraq istifadə edilir.

Bu ədviyyatın həm də bilmədiyimiz bir çox faydası var. Zəfəran əzələ spazmından, qaşıntıdan və iltihabdan azad olmağa kömək olur. Bundan əlavə, zəfəran aclıq hissini azaldır. Bu isə arıqlamaq üçün pəhriz saxlayan inşaların köməyinə gələcək. Zəfəranın ətri esterogenin miqdarını artırır, qadınlarda isə kortizol səviyyəsini azaldır. Əsasən də depressiya, qayğı, yaddaş zəifliyi və nevroloji xəstəliklərə qarşı faydalıdır. C vitamini, maqnezium, dəmir, kalsiumla zəngin olan zəfəran qandakı şəkər miqdarını tənzimləyir. Toxuma, sümük və hormonların inkişafını tənzimləyir. Tərkibində olan B6 vitamini qırmızı qan kürəciklərinin yaranmasına kömək olur. Zəfəran bronxial astmanın əlamətlərini və iltihabı da aradan qaldırır. Zəfəran eyni zamanda dəri və qaraciyər xərçənginin qarşısını alır. Yaşla bağlı yaranan görmə zəifliyini aradan qaldırır və katarakt yaranmasının qarşısını alır.

-Afrodizyak təsiri olan zəfəran, əsəbləri sakitləşdirir və cinsi istəyi artıraraq fəaliyyətini artırır

-Menstruasiya dövrünün ağrısız keçməsinə köməkçi olur

-Seratonin səviyyəsini tarazlaşdırır, depressiya kimi psixoloji problemlərin sağalmasına kömək edir

-Yuxu keyfiyyətini və motivasiya səviyyəsini yaxşılaşdırır

-İştahı tənzimləyərək piylənməylə mübarizəyə kömək edir

-Omeqa-3 ilə zəngindir, B6 vitaminin əmələ gəlməsini dəstəkləyir, qan dövranını tənzimləyir

-Xərçəng şişlərinin böyümə sürətini azaldır

-Təzyiq və pis xolesterini aşağı salır

-Maqnezium, dəmir və kalium kimi minerallar tərəfindən zəngindir

Ümumiyyətlə ət, toyuq və balıq yeməklərinin yanında verilən plov, tərəvəz yeməkləri və unlu məmulatlarda rəngləndirici və ləzzətləndirici olaraq istifadə edilir. Kəskin bir ləzzəti və rəngləndirici təsiri olduğu üçün, ədviyyat olaraq yeməklərə bir neçə tel əlavə olunması kifayətdir. Mütəxəssislər, zəfəranın qədərində istifadə edilməsini vurğulayırlar.

Gündəlik istifadəsi 1 çay qaşığından çox olduqda zəhərləyici təsiri ola bilər. Hamilə qadınlara istifadə edilməsi tövsiyyə edilmir, çünki erkən (vaxtından əvvəl) doğuş və uşaqsalma təhlükəsi yaradır. Son illərdə, faydalarından bəhrələnmək üçün onu çay kimi dəmləyib ya da balla qarışdıraraq istifadə edənlərin sayı artır.

Paylaş:

Baxılıb: 681 dəfə