Bakı Xeyriyyə Vyana Balı keçirilib

Bakı:

17 °C

63 %

12 m/s

Əlaqə

AZ RU EN

Ana səhifə / Mədəniyyət / Bakı Xeyriyyə Vyana Balı keçirilib

Bakı Xeyriyyə Vyana Balı keçirilib

28.02.2025 [16:24]

Fevralın 27-də Fairmont Baku, Flame Towers otelində ilin ən maraqla gözlənilən tədbirlərindən biri - Bakı Xeyriyyə Vyana Balı baş tutub. Zərifliyin və ənənələrin xeyriyəçiliklə qovuşduğu bu möhtəşəm gecə, bir daha mədəniyyətin, gözəlliyin və xeyirxahlığın rəmzi kimi özünü önə çıxarıb.
Ənənələr Dünyanı birləşdirir

Vyana meriyasının və Avstriyanın Azərbaycandakı səfirliyinin dəstəyi ilə keçirilən balın qonaqları mədəni dialoqun bir hissəsinə çevrildilər. Valsın füsunkar melodiyaları, eleqant geyimlər və aristokratik atmosfer gecə iştirakçilarını sanki zamanın ötəsinə ekskursiya imkanı yaradıb. Keçmişə qayıdış və Vyana tarixinə, o məşhur Vyana ballarına epik səfər edilib.

Vyana Balı gecəsinin ölkəmizin paytaxtında baş tutmasının mühüm üstünlükləri var. İştirakçilar hər iki ölkənin geniş tarixi və mədiyyyət əlaqələrindən xəbərdar olur, əməkdaşlığa sevinir və bunu dəstəkləyir. İştirakçıların müsbət rəyləri və Balda xeyriyyə dəstəkləri bunu sübut edir. Vyana Bal gecəsi unudulmaz anlar yaşadıb.

Təntənəli açılış və gecənin qəhramanları ənənəyə sadiq qalaraq açılış bal debütantlarının çıxışı ilə başlayıb. Bu, onların ali cəmiyyətə ilk addımlarını simvolizə edib. Bakı Kamera Orkestrinin (İMEC) müşayəti ilə səslənən zərif musiqi bal gecəsi boyunca iştirakçiların, qonaqların ürəklərinə və ruhlarına Vyana gecələrinin sehri yayılıb. Balın təntənəli qonaqları və gecənin qəhramanları arasında Azərbaycan Respublikasının Əməkdar artisti Nərgiz Kərimova və aparıcı Emin Musavi də iştirak ediblər. Nərgiz Kərimovanın ifası gənc iştirakçıların və xüsusi qonaqların könlünü oxşayıb.

Əsl Vyana Balında hər zaman Kral və onun Kraliçası daha sonrasında isə Şəhzadə və onun Şəhzadə xanımı seçilir. Bu ənənəyə Bakı Bal gecəsində də sadiq qalınıb. Qeyd edək ki, seçim iştirakçilarin fəaliyyəti və göstərdikləri xeyriyyəyə əsasən tənzimlənir. Seçimi Bakı Xeyriyyə Vyana Balının təşkilat komitəsinin debütantları tərəfindən seçilib.

Balın Şəhzadəsi və onun Şəhzadə xanımı Murad Ələkbərli və Angelina Post Mahmudova (European Azerbaijan School-un şagirdləri) seçiliblər.

Balın Kralı isə aparıcı, fəaliyyəti və iştirakı ilə ön sıralarda olan Azərbaycanın Əməkdar jurnalisti Emin Musavi olub. Balın Kraliçası adına Azərbaycanın Əməkdar Artisti Nərgiz Kərimova layiq görülüb.

Xeyriyyəçilik bu zərif gecənin əsas mahiyyətidir. Tədbir çərçivəsində təşkil olunan hərracdan əldə edilən gəlir Heydər Əliyev Fondu və SOS Children’s Villages beynəlxalq təşkilatına ianə edilərək, qayğı və dəstəyə ehtiyacı olan uşaqlara yönləndirilib.
Balın təşkilatçıları – The One in a Million biznes – klubu və onun Bakıdakı tərəfdaşı Lidiya Əliyeva – Şestak vurğulayıblar ki, onların əsas məqsədi təkcə mədəni ənənələri qorumaq deyil, həm də insanları incəsənət vasitəsilə bir araya gətirərək beynəlxalq əməkdaşlığı inkişaf etdirməkdir.

Bu möhtəşəm Balın tərəfdaşları kimi Fairmont Baku, Flame Tovers, Bentley Baku, Savalan Aspi Vinery, Freyville, Victoria Katsadze Cosmetics, BUKETERIA çıxış ediblər. Həmçinin VODAVODA, "European Azerbaijan School", "Sun Group Holding (MORE&MORE, Eva restorantları)", "Forte Village, Palazzo Fiuggi", "Compass İnternational Activity of Contacts", "Selebra concept store KARUNAS Energy Cloth", "İryna Tretiyak", "DONNA", "Biz Network Serve & Connect Global Dost", "Shanshal" və "CHOCOBON" da gecənin ərsəyə gəlməsinə yardımçı olublar.

Havar Şəfiyeva

Paylaş:

Baxılıb: 422 dəfə