"Milli geyimlər və müasir modada ümumilik" mövzusunda keçirilən beynəlxalq simpozium böyük marağa səbəb olub

Bakı:

27 °C

58 %

2 m/s

AZ RU EN

Ana səhifə / Mədəniyyət / "Milli geyimlər və müasir modada ümumilik" mövzusunda keçirilən beynəlxalq simpozium böyük marağa səbəb olub

"Milli geyimlər və müasir modada ümumilik" mövzusunda keçirilən beynəlxalq simpozium böyük marağa səbəb olub

07.07.2009 [10:30]

Azərbaycan Mədəniyyət Fondunun (AMF), Azərbaycan-Koreya Mədəniyyət Mübadiləsi Assosiasiyasının (SEBA) təşkilatçılığı, Mədəniyyət və Turizm Nazirliyinin dəstəyi ilə Azərbaycan Tarixi Muzeyində “Milli geyimlər və müasir modada ümumilik” mövzusunda beynəlxalq simpozium keçirilib. Simpozium iştirakçıları əvvəlcə Azərbaycan, Koreya Respublikası, Türkiyə, Bolqarıstan, Misir, çin və Yaponiyadan olan müəllif-dizaynerlərin hazırladığı geyim və aksessuarlardan ibarət 100-ə yaxın əl işi ilə tanış olublar. Nizami və Cəmaləddin Əyyubovların klassik Azərbaycan nümunələri əsasında hazırladıqları bəzək əşyaları da iştirakçıların xüsusi marağına səbəb olub.
Açılış mərasimində çıxış edən SEBA-nın sədri Ruhəngiz Heydərova simpoziumun iştirakçılarını salamlayaraq, bu qəbildən olan tədbirlərin keçirilməsini yüksək qiymətləndirib. ölkələrimiz arasında iqtisadi əlaqələrin daha yüksək səviyyədə olduğunu bildirən Koreya Respublikasının Azərbaycandakı səfiri Lü Kvanq çul isə mədəniyyət sahəsində əlaqələrin daha da inkişafı üçün belə tədbirlərin böyük rol oynadığını diqqətə çatdırıb. Moskva Dövlət Universitetinin Bakı filialının rektoru, Azərbaycan Mədəniyyət Fondunun vitse-prezidenti Nərgiz Paşayeva çıxışında AMF və SEBA tərəfindən uğurla həyata keçirilən tədbirlər və onların nəticələrindən söhbət açıb. üç il öncə Bakı Dövlət Universitetində Koreya dilinin tədrisinə başlandığını bildirən Nərgiz Paşayeva elə həmin il BDU-da Koreya Mədəniyyət Mərkəzinin yaradıldığını da diqqətə çatdırıb. Tədbirdə çıxış edən mədəniyyət və turizm nazirinin müavini Sevda Məmmədəliyeva, Koreya Moda və Geyim Dizaynı Assosiasiyasının sədri Kim Byon Mi Azərbaycanla Koreya Respublikası arasında mədəni əlaqələrdən danışıb, 2007-ci ildə Koreyada “Azərbaycan mədəniyyəti günləri”nin keçirildiyini xatırladıblar. Belə bir mötəbər tədbirin təşkilinə görə Heydər Əliyev Fondunun prezidenti, Azərbaycan Mədəniyyət Fondunun prezidenti, Milli Məclisin deputatı Mehriban xanım Əliyevaya dərin minnətdarlıqlarını bildirən simpozium iştirakçıları AMF üçün nəzərdə tutulan hədiyyəni fondun vitse-prezidenti Nərgiz Paşayevaya təqdim ediblər.
Simpoziumda Nizami Gəncəvi adına Milli Azərbaycan Ədəbiyyatı Muzeyinin direktoru Rafael Hüseynovun, Bolqarıstan Dizayn Assosiasiyasının sədri Teodora Momekovanın, digər yerli və xarici iştirakçıların milli və müasir geyim sahəsində apardıqları tədqiqatlar barədə məruzələr dinlənilib.

Paylaş:

Baxılıb: 1534 dəfə