Nərimanov rayonunda ilin birinci yarısının yekunları və qarşıda duran vəzifələr müzakirə olunub

Bakı:

26 °C

51 %

1 m/s

Əlaqə

AZ RU EN

Ana səhifə / Siyasət / Nərimanov rayonunda ilin birinci yarısının yekunları və qarşıda duran vəzifələr müzakirə olunub

Nərimanov rayonunda ilin birinci yarısının yekunları və qarşıda duran vəzifələr müzakirə olunub

18.07.2012 [00:36]

Dünən Nərimanov rayon İcra Hakimiyyətində (RİH) rayonun sosial-iqtisadi inkişafının 2012-ci ilin birinci yarısının yekunları və qarşıda duran vəzifələrlə bağlı hesabat iclası keçirilib. AzərTAc xəbər verir ki, iclası açan Nərimanov rayon İcra Hakimiyyətinin başçısı Abdin Fərzəliyev hesabat dövründə görülmüş işlərdən danışıb. O, qeyd edib ki, dövlətimizin başçısının diqqət və qayğısı nəticəsində rayonda abadlıq və quruculuq işləri uğurla davam etdirilir. Heydər Əliyev Mərkəzinin Nərimanov rayonunda yerləşməsinin əhəmiyyətindən danışan A.Fərzəliyev bunun rayon sakinləri və rəhbərlik üçün böyük məsuliyyət olduğunu vurğulayıb. RİH başçısı bildirib ki, cari ilin birinci yarısında Nərimanov rayonunda mühüm işlər görülüb, əhalinin problemlərinin həlli istiqamətində əməli tədbirlər həyata keçirilib.
Sonra RİH başçısının birinci müavini Şahmar İbadov hesabat məruzəsi ilə çıxış edərək ötən ilin və 2012-ci ilin birinci yarısının ölkəmiz üçün uğurlu olduğunu vurğulayıb. Ş.İbadov əsası Ulu öndər Heydər Əliyev tərəfindən qoyulmuş milli strategiyanın hazırda Azərbaycan Prezidenti İlham Əliyev tərəfindən uğurla davam etdirilməsi nəticəsində ölkəmizin iqtisadi inkişafının daha da sürətləndiyini, respublikamızın regionda və dünyada özünü tam təmin edən güclü bir dövlətə çevrildiyini diqqətə çatdırıb.
Ş.İbadov bildirib ki, cari ilin birinci yarısında rayon üzrə 1368 daimi iş yeri açılıb. Hesabat dövründə əsas kapitala 106,5 milyon manat məbləğində investisiya qoyulub ki, bu da keçən ilin müvafiq dövrünə nisbətən iki dəfə çoxdur. Hazırda 450 ailənin mənzil şəraiti əhəmiyyətli dərəcədə yaxşılaşdırılıb. Daha 400-450 ailənin mənzil şəraitinin də yaxşılaşdırılması nəzərdə tutulub. Hesabat dövründə rayonun məhəllədaxili yollarına 30,5 min kvadratmetr sahədə asfalt örtüyü salınıb.
Qeyd edilib ki, qış mövsümünə hazırlıq məqsədilə 5 saylı İstilik Sistemləri İstismar Sahəsi tərəfindən müxtəlif diametrli 810 poqonmetr boru dəyişdirilib, korroziyaya qarşı izolyasiya qatı çəkilib, müxtəlif 12 siyirtmə dəyişdirilib, 52 nasos və 8 mühərrik təmir olunub. On yaşayış binasının istilik sistemləri əsaslı təmir olunub, rayonun elektrik enerjisi ilə fasiləsiz təmin olunması məqsədilə ardıcıl tədbirlər həyata keçirilib.
Bildirilib ki, “2011-2013-cü illərdə Bakı şəhəri və onun qəsəbələrinin sosial-iqtisadi inkişafı Dövlət Proqramı”na uyğun olaraq rayonda xüsusilə təhsil, səhiyyə və mədəniyyət müəssisələrinin əsaslı təmiri və yenidən qurulması işləri həyata keçirilib. Rayonun üç orta məktəbi və altı uşaq bağçası əsaslı təmir olunaraq yeni avadanlıqla təchiz olunub. Mədəniyyət və tibb sahəsində də bir sıra işlər görülüb. Rayonun 35 və 23 nömrəli musiqi məktəblərində təmir işləri davam etdirilir, 7 nömrəli Yoluxucu Uşaq Xəstəlikləri Xəstəxanasında isə bu işlər başa çatıb.
“İdman ili” ilə əlaqədar Nərimanov rayon Gənclər və İdman İdarəsi tərəfindən geniş tədbirlər planı hazırlanıb və ona uyğun olaraq altı ayda bir sıra idman yarışları keçirilib.
Qeyd olunub ki, hesabat dövründə RİH və Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondu tərəfindən fərdi jurnalistika müsabiqəsi keçirilib, qaliblər mükafatlandırılıblar. Bundan əlavə, xalqımızın tarixində əlamətdar hadisələrin ildönümləri ilə əlaqədar rayon ərazisində də bir sıra anma mərasimləri keçirilib.
Məruzəçi rayon əhalisinin sosial müdafiəsinin gücləndirilməsi, məşğulluğunun təmin olunması və digər istiqamətlərdə həyata keçirilən tədbirlərdən də danışıb.
Digər çıxış edənlər də cari ilin birinci yarısında rayonda görülmüş işlərdən, qarşıda duran vəzifələrdən danışıb, təkliflər irəli sürüblər.

Paylaş:

Baxılıb: 978 dəfə