Türkiyəli diplomat: Azərbaycanın düşmənləri 44 günlük müharibənin dərslərini yaddan çıxarmamalıdır

Bakı:

24 °C

74 %

15 m/s

AZ RU EN

Ana səhifə / Siyasət / Türkiyəli diplomat: Azərbaycanın düşmənləri 44 günlük müharibənin dərslərini yaddan çıxarmamalıdır

Türkiyəli diplomat: Azərbaycanın düşmənləri 44 günlük müharibənin dərslərini yaddan çıxarmamalıdır

27.09.2024 [13:51]

Azərbaycan Ordusu Prezident, Ali Baş Komandan İlham Əliyevin rəhbərliyi ilə 44 günlük Vətən müharibəsində Azərbaycanın gücünü və qüdrətini dünyaya nümayiş etdirən tarixi Qələbə qazandı.

Bu fikri Türkiyənin Azərbaycandakı keçmiş səfiri, “İMZA” Sosial İnkişafa Dəstək İctimai Birliyinin Türkiyədəki nümayəndəsi Hulusi Kılıç 27 Sentyabr - Anım Günü münasibətilə AZƏRTAC -ın müxbiri ilə söhbətində bildirib.

Diplomat Azərbaycan övladlarının erməni işğalçılarına qarşı döyüş meydanlarında göstərdiyi qəhrəmanlıqları yüksək qiymətləndirib: “Azərbaycan xalqı tarixi məqsəd naminə öz liderinin və ordusunun ətrafında birləşdi. Şəhidlərin xatirəsini dərin ehtiramla yad edir, qazilərə, Qələbə gününün yaxınlaşmasında əməyi olan hər kəsə dərin minnətdarlığımı bildirirəm”.

Kılıçın sözlərinə görə, 44 günlük müharibə zamanı Azərbaycan hərbçilərinin peşəkarlığı və məharəti dünya hərb sənəti tarixinə dair məqalələrdə və dərsliklərdə öz əksini tapmalıdır. “Biz hamımız şahidi olduq ki, yaralı Azərbaycan əsgərləri yenidən döyüşə can atırdılar, Azərbaycan qadınları başlarını dik tutub şəhidlərin cənazələri olan tabutları daşıyırdılar. Bütün bunlar Azərbaycan xalqının möhkəm iradəsinin və sarsılmaz ruhunun nümunəsidir”, -deyə “İMZA” İctimai Birliyinin nümayəndəsi vurğulayıb.

Hulusi Kılıç 44 günlük müharibədə qazanılan Zəfəri Prezident İlham Əliyevin müdrikliyinin və dəyanətinin nümayişi adlandırıb: “Azərbaycan liderinin Vətən müharibəsi günlərində səsləndirdiyi mesajlar təkcə öz xalqına deyil, bütün dünya ictimaiyyətinə ünvanlanıb. Əminəm ki, Azərbaycan vətəndaşlarının gələcək nəsilləri bu şanlı tarixi təfsilatı ilə öyrənəcək”.

Türkiyəli ekspert diqqəti Türkiyənin Azərbaycanın ədalətli mübarizəsinə dəstəyinə də çəkib.

Azərbaycan ərazisində bir əsrdən də çox əvvəl qardaş xalqın köməyinə gələn minlərlə türk hərbçisinin məzarlarının olduğunu xatırladan keçmiş səfir deyib: “Bizim qəlbimizdə Azərbaycan əsgərlərinin xatirəsi Türkiyə oğulları kimi əziz yer tutur”.

Hulusi Kılıç deyib: “Şəhidlərin qəhrəmanlığı heç vaxt unudulmayacaq. Azərbaycanla dostluq bizim üçün çox qiymətlidir. Eyni zamanda, Azərbaycanın düşmənləri də 44 günlük müharibənin və lokal xarakterli antiterror əməliyyatının dərslərini yaddan çıxarmamalıdır. Arzum odur ki, müharibələr bir daha Azərbaycanın gələcəyinə təhlükə yaratmasın”.

Paylaş:

Baxılıb: 521 dəfə