Tanınmış qəzetçi Aysel Sadak İltaş Prezident İlham Əliyevi təbrik etdi

Bakı:

11 °C

82 %

6 m/s

Əlaqə

AZ RU EN

Ana səhifə / Siyasət / Tanınmış qəzetçi Aysel Sadak İltaş Prezident İlham Əliyevi təbrik etdi

Tanınmış qəzetçi Aysel Sadak İltaş Prezident İlham Əliyevi təbrik etdi

26.12.2025 [17:25]

Musavat.com xəbər verir ki, Türkiyənin tanınmış jurnalisti və yazarı, professor Aysel Sadak İltaş Azərbaycan Prezidenti İlham Əliyevi ad günü münasibətilə təbrik edib. Təbrik müraciətində Aysel Sadak İltaş Prezident İlham Əliyevi Azərbaycanı Zəfərə aparmış, eyni zamanda Türk dünyasında birləşdirici missiya daşıyan lider kimi xarakterizə edib.

Jurnalist Prezident İlham Əliyevin fəaliyyətini yalnız Azərbaycanın milli maraqları ilə məhdudlaşmayan, bütövlükdə Türk dünyası və Türk–İslam coğrafiyası üçün strateji əhəmiyyət daşıyan tarixi xətt kimi dəyərləndirib. O bildirib ki, Qarabağ Zəfəri bu prosesdə həlledici mərhələ olmaqla yanaşı, Türk dünyasının siyasi və mənəvi özünəinamını gücləndirib.

Aysel Sadak İltaş müraciətində Prezident İlham Əliyevin Türkiyə ilə birgə Türk Dövlətləri Təşkilatının güclənməsi, türk dövlətləri arasında inteqrasiyanın dərinləşməsi və Turan ideyasının real siyasi platformaya çevrilməsi istiqamətində atdığı addımları xüsusi vurğulayıb.

Musavat.com bildirir ki, Aysel Sadak İltaş Azərbaycan əsilli Türkiyə jurnalistidir və uzun illərdir Türkiyə mediasında analitik yazıları, reportajları və müsahibələri ilə tanınır. O, vaxtilə Azərbaycan xalqının Ümummilli Lideri Heydər Əliyevlə apardığı müsahibələrlə diqqət mərkəzinə gəlib.

Son dövrlərdə isə Ümummilli Liderin şəxsiyyəti və mənəvi irsinə həsr olunmuş “İnsan ürəyi ile Heydər Baba” adlı kitabı ilə geniş rezonans doğurub.

Sözügedən kitabın yazılması, nəşri və həm Azərbaycanda, həm də Türkiyədə təqdimat mərasimlərinin keçirilməsi münasibətilə Prezident İlham Əliyev Aysel Sadak İltaşa rəsmi təşəkkür məktubu göndərib. Məktub Türkiyədə, Azərbaycan Respublikasının səfirliyində təşkil olunan mərasimdə müəllifə təqdim olunub.

Prezident İlham Əliyevin imzaladığı məktubda Aysel Sadak İltaşın Ümummilli Lider Heydər Əliyevin xatirəsinə göstərdiyi ehtiram, onun insani keyfiyyətlərini, dövlətçilik irsini və tarixi rolunu səmimi şəkildə qələmə alması yüksək qiymətləndirilib. Məktubda müəllifin uzun illər ərzində Azərbaycanın ictimai-siyasi proseslərini obyektiv şəkildə işıqlandırması, Qərbi Azərbaycan köklərinə bağlılığı və milli yaddaşa xidmət edən təşəbbüsləri də qeyd olunub.

Dövlət başçısı Aysel Sadak İltaşın yaradıcılığının Azərbaycan–Türkiyə qardaşlıq münasibətlərinin möhkəmlənməsinə töhfə verdiyini, Ulu Öndərin “bir millət, iki dövlət” prinsipinin ruhunu əks etdirdiyini vurğulayıb və ona gələcək fəaliyyətində uğurlar arzulayıb.

Musavat.com onu da bildirir ki, Aysel Sadak İltaşın həyat yoldaşı Hamit İltaş Qarabağ müharibəsi dövründə könüllü olaraq Türkiyədən Azərbaycana gələrək döyüşlərdə iştirak edib. Türkiyə ordusunda minbaşı rütbəsinə qədər yüksəlmiş Hamit İltaş hazırda da Azərbaycanla bağlı mövqeyini Türkiyə ictimaiyyətində, xüsusilə Ülkücü cameədə və sosial mediada fəal şəkildə təbliğ edir.

Beləliklə, Aysel Sadak İltaşın Prezident İlham Əliyevə ünvanladığı təbrik və dövlət başçısının rəsmi təşəkkür məktubu Azərbaycan–Türkiyə münasibətlərinin dərin tarixi, mənəvi və siyasi bağlara söykəndiyini bir daha nümayiş etdirir.

Paylaş:

Baxılıb: 459 dəfə