Akif Əlizadə: “Naxçıvanın muxtariyyəti tarixi nailiyyətdir” mövzusunda beynəlxalq elmi konfrans muxtariyyətin əldə edilməsinin əhəmiyyətinin göstəricisidir

Bakı:

20 °C

68 %

3 m/s

AZ RU EN

Ana səhifə / Siyasət / Akif Əlizadə: “Naxçıvanın muxtariyyəti tarixi nailiyyətdir” mövzusunda beynəlxalq elmi konfrans muxtariyyətin əldə edilməsinin əhəmiyyətinin göstəricisidir

Akif Əlizadə: “Naxçıvanın muxtariyyəti tarixi nailiyyətdir” mövzusunda beynəlxalq elmi konfrans muxtariyyətin əldə edilməsinin əhəmiyyətinin göstəricisidir

08.07.2014 [10:29]

Naxçıvan Muxtar Respublikasının 90 illiyinə həsr olunmuş “Naxçıvanın muxtariyyəti tarixi nailiyyətdir” mövzusunda beynəlxalq elmi konfransın keçirilməsi və burada Naxçıvan Muxtar Respublikasının Alı Məclisinin Sədri Vasif Talıbovun, Azərbaycan Milli Elmlər Akademiyasından nüfuzlu nümayəndə heyətinin, Türkiyə Respublikasından, Rusiya Federasiyasından və Amerika Birləşmiş Ştatlarından elmi-tədqiqat və ali təhsil nümayəndələrinin, mütəxəssislərinin iştirakı muxtariyyətin əldə edilməsinin əhəmiyyətinin göstəricisidir.
Bu fikirləri Azərbaycan Milli Elmlər Akademiyasının prezidenti, akademik Akif Əlizadə AzərTAc-a müsahibəsində deyib. O bildirib ki, konfransda 90 illik muxtariyyət dövründə Naxçıvanın əldə etdiyi nailiyyətlər, müxtəlif zamanlarda siyasi, iqtisadi, hərbi baxımdan ortaya çıxan və uğurla həll olunan problemlər barədə dərin elmi araşdırmalara əsaslanan çıxışlar olub.
Akif Əlizadə xüsusi vurğulayıb ki, Naxçıvanda yüksək səviyyəli beynəlxalq elmi konfransların keçirilməsi, həm muxtar respublika rəhbərliyinin elmin inkişafına göstərdiyi diqqətin nəticəsidir, həm də qədim diyarda formalaşan ciddi elmi potensialla əlaqədardır. Ulu öndərin Naxçıvan Muxtar Respublikasında elmi-tədqiqat qurumlarının fəaliyyətinin gücləndirilməsi, mövcud elmi potensialdan istifadə olunmasının səmərəliliyinin artırılması, Naxçıvanın tarixi, arxeologiyası, etnoqrafiyası və təbii sərvətlərinin öyrənilməsi üçün daha əlverişli şəraitin yaradılması məqsədilə 2002-ci il avqustun 7-də imzaladığı Sərəncamla Azərbaycan Milli Elmlər Akademiyasının Naxçıvan Bölməsinin təsis edilməsi tarixi hadisə idi. Bu gün AMEA-nın Naxçıvan Bölməsində formalaşan elmi potensial Azərbaycan elminin inkişafına böyük töhfələr verməkdədir.
Azərbaycan Milli Elmlər Akademiyasının prezidenti “Naxçıvanın muxtariyyəti tarixi nailiyyətdir” beynəlxalq konfransında AMEA-nın Naxçıvan Bölməsindən üç akademikin, on iki müxbir üzvün iştirakını yüksək qiymətləndirib, bunun əhəmiyyətli bir göstərici olduğunu nəzərə çarpdırıb. O vurğulayıb ki, bu gün Naxçıvanda uğurlu elmi-tədqiqat işlərinin aparılması, naxçıvanlı alimlərin nüfuzlu beynəlxalq elmi konfranslarda iştirakı muxtar respublikada elm sahəsində əldə edilən tərəqqinin bariz nümunəsidir.

Paylaş:

Baxılıb: 1321 dəfə