Seymur Orucov: Partiyamızın gəncləri Avropa Parlamentinin ölkəmiz haqqında qəbul etdiyi qətnaməni kəskin pisləyirlər

Bakı:

20 °C

83 %

5 m/s

AZ RU EN

Ana səhifə / Siyasət / Seymur Orucov: Partiyamızın gəncləri Avropa Parlamentinin ölkəmiz haqqında qəbul etdiyi qətnaməni kəskin pisləyirlər

Seymur Orucov: Partiyamızın gəncləri Avropa Parlamentinin ölkəmiz haqqında qəbul etdiyi qətnaməni kəskin pisləyirlər

12.09.2015 [11:41]

“Azərbaycanın uğurlu müstəqil siyasət həyata keçirməsi və bunun nəticəsində də böyük uğurlar qazanması müəyyən xarici qüvvələri narahat edir. Bu qüvvələr ölkəmizin beynəlxalq müstəvidə nüfuzuna zərbə vurmaq üçün fürsət axtarırlar və daha çox mühüm hadisələr ərəfəsində qərəzli kampaniyalar həyata keçirirlər. Avropa Parlamentində ölkəmiz haqqında qəbul olunmuş son qətnamə bu faktı bir daha təsdiqləyir”. Bu fikirləri YAP Gənclər Birliyinin sədri, partiyanın Siyasi Şurasının üzvü Seymur Orucov deyib.
S.Orucov bildirib ki, Avropa Parlamentində bundan əvvəlki qətnamə ilk Avropa Oyunları ərəfəsində qəbul olunmuşdu. Bu dəfə isə parlament seçkiləri kampaniyası dövründə analoji sənəd qəbul olunub. Onun fikrincə, bütün bunlar anti-azərbaycançı mərkəzlər tərəfindən sistemli, məqsədli şəkildə həyata keçirilir.
“Noyabrda Azərbaycanda keçiriləcək parlament seçkiləri ilə əlaqədar bütün dünyanın diqqəti ölkəmizdədir. Azərbaycan demokratik dövlətdir və qarşıdan gələn seçkilərin azad və ədalətli keçiriləcəyi də şübhəsizdir. Azərbaycan dövləti belə bir siyasi iradəni ortaya qoyub. Amma müəyyən xarici qüvvələr seçki amilindən istifadə edərək beynəlxalq aləmdə ölkəmizin demokratik imicinə zərbə vurmağa çalışırlar. Biz bu təşkilatın bir çox nümayəndələrinin Azərbaycanda insan hüquqlarının pozulmasına dair qondarma problemi müxtəlif bəhanələr altında inadla və məqsədyönlü şəkildə gündəliyə gətirməyə çalışdıqlarının şahidi oluruq. Müasir dövrdə insan və vətəndaş hüquqlarının aliliyi dünyanın əksər ölkələri tərəfindən qəbul edilib. Azərbaycan da bu ölkələrin sırasına daxildir. Ölkəmizdə insan hüquqlarının və əsas azadlıqların təmin olunması üçün xeyli iş görülmüşdür və bu iş indi də davam etməkdədir. Azərbaycan Konstitusiyasının üçdəbir hissəsi insan hüquq və azadlıqlarına həsr olunub. Ona görə də Azərbaycanı belə məsələlərdə ittiham etmək ən azı gülüş doğurur”, - deyə YAP Gənclər Birliyinin sədri vurğulayıb.
YAP Gənclər Birliyinin çoxminli üzvlərinin də bu sənədi kəskin pislədiyini deyən S.Orucovun sözlərinə görə, təşkilat bununla əlaqədar kampaniyaya başlayıb. Belə ki, YAP-ın gəncləri bu qərəzli qətnamə ilə əlaqədar Avropa Parlamentinin prezidenti Martin Şults və qurumun digər üzvlərinin elektron poçtlarına etiraz məktubları göndərirlər. Eləcə də gənclər sosial şəbəkələrdə AP-nin qəbul etdiyi qərəzli kampaniya ilə bağlı etiraz kampaniyalarına başlayıblar.

Paylaş:

Baxılıb: 560 dəfə