"Donuz qripi" təhlükəsi ilə əlaqədar Nazirlər Kabinetində toplantı keçirilib

Bakı:

20 °C

73 %

2 m/s

Əlaqə

AZ RU EN

Ana səhifə / Siyasət / "Donuz qripi" təhlükəsi ilə əlaqədar Nazirlər Kabinetində toplantı keçirilib

"Donuz qripi" təhlükəsi ilə əlaqədar Nazirlər Kabinetində toplantı keçirilib

30.04.2009 [17:35]

“Donuz qripi” təhlükəsi Azərbaycan üçün də var. Ona görə də xəstəlik qeydə alınan bütün ölkələrdən Azərbaycana heyvan və heyvan mənşəli məhsulların idxalı dayandırılacaq”.
APA-nın məlumatına görə, bunu dünən keçirdiyi mətbuat konfransda Kənd Təsərrüfatı Nazirliyi yanında Dövlət Baytarlıq Xidmətinin (DBX) rəisi İsmayıl Həsənov deyib. Onun sözlərinə görə, “donuz qripi” xəstəliyi donuzlar arasında yalnız Meksikada qeydə alınıb. Digər ölkələrdə isə xəstəlik insanlar arasında baş verib. Xəstəliyin Meksikada qeydə alınması ilə əlaqədar DBX aprelin 27-dən Amerika qitəsindən Azərbaycana heyvan və heyvan mənşəli məhsulların gətirilməsinə qadağa qoyub. İ.Həsənov deyib ki, aprelin 27-dək ölkəyə gətirilən məhsullar sertifikat alıb, bü məhsulların tam təhlükəsiz olduğu təsdiqlənib. Buna görə də insanlar həmin müddətədək gətirilmiş məhsulları narahatlıq keçirmədən istifadə edə bilərlər.
Rusiyada “donuz qripi”nin aşkarlanması ilə bağlı onlara hələlik təsdiqedici məlumatın daxil olmadığını deyən İ.Həsənov əlavə edib ki, baş nazirin müavini Yaqub Eyyubovun yanında aidiyyəti nazirlik və komitələrin iştirakı ilə iclas keçirilib və “donuz qripi”nin qarşısının alınması üçün lazımi tapşırıqlar verilib. Xidmət rəisi “donuz qripi” ilə mübarizə aparmaq üçün ilkin testlərə və dezinfeksiya avadanlıqlarına malik olduqlarını da söyləyib.
İ.Həsənovun sözlərinə görə, “donuz qripi” ilə əlaqədar aprelin 27-dən Azərbaycandakı donuzçuluq təsərrüfatlarında monitorinq keçirilməsinə başlanılıb. Monitorinqin təxminən 10 günə başa çatması nəzərdə tutulur. Hələlik donuzlar arasında heç bir tələfat qeydə alınmayıb. DBX rəisi hazırda donuzçuluq təsərrüfatı ilə Azərbaycanın Gədəbəy, Ağstafa, Xaçmaz, Abşeron və s. daxil olmaqla, 7-8 rayonunda məşğul olunduğunu, ölkədəki donuzların sayının isə 20-25 mindən çox olmadığını söyləyib.
İ.Həsənov bildirib ki, insanlar arasında müşahidə olunan yeni xəstəlik özündə həm “quş qripi”, həm “donuz qripi”, həm də insan qripinin əlamətlərini cəmləşdirir. Buna görə də “donuz qripi” xəstəliyinin adının dəyişdirilməsi təklifi ilə çıxış edilib. Hər üç qripin virusu eyni antigenlik xüsusiyyətinə malik olaraq, A qrupuna daxildir. İ.Həsənov deyib ki, bütün qrip virusları 70-80, o cümlədən “donuz qripi” 71 dərəcədə 5-10 dəqiqə ərzində məhv olur. Xidmət rəisi onu da əlavə edib ki, “donuz qripi”nin insandan insana keçmə təhlükəsi daha çoxdur. Xəstəliyin donuzdan insanlara keçməsinin mümkünlüyü isə hələ tam təsdiqlənməyib.

Paylaş:

Baxılıb: 1565 dəfə