“ASAN xidmət”də Ümummilli lider Heydər Əliyevin anadan olmasının 93-cü ildönümünə həsr olunmuş tədbir keçirilib

Bakı:

21 °C

78 %

4 m/s

AZ RU EN

Ana səhifə / Siyasət / “ASAN xidmət”də Ümummilli lider Heydər Əliyevin anadan olmasının 93-cü ildönümünə həsr olunmuş tədbir keçirilib

“ASAN xidmət”də Ümummilli lider Heydər Əliyevin anadan olmasının 93-cü ildönümünə həsr olunmuş tədbir keçirilib

07.05.2016 [09:26]

Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyində Ümummilli lider Heydər Əliyevin anadan olmasının 93-cü ildönümünə həsr olunmuş tədbir keçirilib.
Tədbirdə Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri İnam Kərimov və sədr müavini Ülvi Mehdiyev, Azərbaycan Respublikasının Milli Məclisinin deputatları Hikmət Babaoğlu və Vüsal Hüseynov, Yeni Azərbaycan Partiyası (YAP) Nərimanov rayon təşkilatının və Nərimanov rayon Bələdiyyəsinin sədri Təmraz Tağıyev və digər qonaqlar iştirak ediblər.
Əvvəlcə tədbir iştirakçıları Ulu öndər Heydər Əliyevin büstü önünə əklil və çiçək dəstələri qoyublar.
Tədbiri Dövlət Agentliyinin sədri İnam Kərimov giriş sözü ilə açaraq dahi şəxsiyyət, Ulu öndərin çətin zamanlarında Azərbaycanın xilaskarı olduğunu və ölkəmizin inkişafı istiqamətindəki əvəzsiz xidmətlərindən danışıb. Həmçinin Ümummilli lider Heydər Əliyev tərəfindən təməli qoyulan Yeni Azərbaycan Partiyasının ölkənin tərəqqisində əvəzedilməz rol oynadığını qeyd edib.
Bundan başqa, İnam Kərimov ölkə başçısının təşəbbüsü ilə yaranan “ASAN xidmət” mərkəzlərinin fəaliyyət məqsədləri barədə məlumat verib, bu konsepsiyanın dövlət xidmətlərinin göstərilməsi üzrə Azərbaycan modeli olduğunu bildirib.
Tədbirdə Azərbaycan Respublikasının Milli Məclisinin deputatı Hikmət Babaoğlu çıxış edərək dahi şəxsiyyət və siyasi lider kimi Heydər Əliyevin Azərbaycan tarixindəki rolundan geniş söhbət açıb. Eyni zamanda, Azərbaycanda “Multikulturalizm ili”nin elan olunduğunu və bunun yalnız ölkəmiz üçün deyil, həm də beynəlxalq aləm üçün böyük əhəmiyyət kəsb etdiyini vurğulayıb.
Daha sonra Azərbaycan Respublikasının Milli Məclisinin deputatı Vüsal Hüseynov da öz çıxışında dahi şəxsiyyətin dövlətçilik sahəsində töhfəsindən, Yeni Azərbaycan Partiyasına üzvlüyün müsbət tərəflərindən bəhs edib. O, həmçinin YAP-a yeni qəbul olunan üzvləri təbrik edib, onları gələcək fəaliyyətlərində aktiv olmağa səsləyib.
YAP Nərimanov rayon təşkilatının sədri Təmraz Tağıyev çıxışı zamanı partiyanın yaranma tarixindən və “ASAN xidmət”in yeni nəsil üçün nümunəvi qurum olduğundan danışıb.
Sonda Yeni Azərbaycan Partiyası sıralarına qoşulan gənclərə vəsiqələr təqdim olunub. Sumqayıt “ASAN xidmət” mərkəzinin “Ümummilli lider” adına qrupu tərəfindən hazırlanmış, Ulu öndərə həsr olunan video təqdimata baxılıb və təqdimat auditoriya tərəfindən maraqla qarşılanıb.

Paylaş:

Baxılıb: 848 dəfə