Azərbaycanla Rumıniya arasında əlaqələr yüksək səviyyədədir

Bakı:

30 °C

47 %

3 m/s

Əlaqə

AZ RU EN

Ana səhifə / Siyasət / Azərbaycanla Rumıniya arasında əlaqələr yüksək səviyyədədir

Azərbaycanla Rumıniya arasında əlaqələr yüksək səviyyədədir

06.08.2009 [01:46]

YAP Sədrinin müavini Əli Əhmədov Rumıniyanın Buxarest şəhərinin II sektorunun meri Nikolay Ontsyanunun rəhbərlik etdiyi nümayəndə heyəti ilə görüşüb
Dünən Yeni Azərbaycan Partiyası Sədrinin müavini-İcra katibi Əli Əhmədov partiyanın mənzil-qərargahında ölkəmizdə səfərdə olan Ruminiyanın Buxarest şəhərinin II sektorunun meri Nikolay Ontsyanunun rəhbərlik etdiyi nümayəndə heyəti ilə görüşüb.
Əli Əhmədov Azərbaycan və Rumıniya arasında münasibətlərin yüksək səviyyədə olduğunu bildirərək qeyd edib ki, iki dövlət arasında əlaqələr hər zaman inkişaf etməkdədir. Nikolay Ontsyanunun Azərbaycan xalqının dostu olduğunu deyən, YAP Sədrinin müavini onun 3 il bundan əvvəl də ölkəmizə səfər etdiyini xatırladıb. Əli Əhmədov vurğulayıb ki, Azərbaycanla Rumıniya arasında dostluğun möhkəmlənməsində Nikolay Ontsyanu öz töhfələrini verib. Bütün bunlar isə, Azərbaycan Prezidenti və xalqımız tərəfindən yüksək qiymətləndirilir. YAP Sədrinin müavini əmin olduğunu deyib ki, bu səfər xalqlarımız arasında dostluğun daha da möhkəmlənməsinə xidmət edəcək.
Azərbaycana növbəti dəfə səfər etməkdən məmnun olduğunu deyən Buxarest şəhərinin II sektorunun meri Nikolay Ontsyanu Rumıniya və Azərbaycanın əməkdaşlığının daim möhkəmləndiyini bildirib. O qeyd edib ki, xalqlarımız arasında dostluğun inkişaf etməsində Azərbaycan xalqının ümummilli lideri Heydər Əliyevin böyük xidmətləri olub. “Biz fəxr edirik ki, Türkiyədən sonra Azərbaycanın müstəqilliyini ilk tanıyan Ruminiya dövləti olub” deyən Nikolay Ontsyanu müstəqil Azərbaycanın inkişafında ümummilli lider Heydər Əliyevin misilsiz xidmətlərini xüsusilə qeyd edib. Onun sözlərinə görə, xalqlarımız arasında dostluq münasibətlərinin inkişafında Heydər Əliyevin xidmətləri rumin xalqı tərəfindən heç vaxt unudulmayacaq. Məhz bu səbəbdəndir ki, Buxarest şəhərində Heydər Əliyev adına park yaradılıb və orada Onun abidəsi ucaldılıb. Qonaq vurğulayıb ki, Azərbaycan Prezidenti İlham Əliyev də əsası Azərbaycan xalqının ümummilli lideri Heydər Əliyev tərəfindən qoyulmuş siyasəti uğurla davam etdirir.
Hazırda, Avropanın iqtisadi böhran şəraitində olduğunu deyən Nikolay Ontsyanu Avropa ölkələrinin inkişafının dayandığını vurğulayıb. O, qeyd edib ki, hazırda bu böhrandan çıxış yolları axtarılır. Dünya iqtisadi böhranı şəraitində Azərbaycanın inkişaf etdiyini deyən qonağın fikrincə, Azərbaycanın bu yöndə təcrübəsi digər dövlətlər üçün nümunə ola bilər. Qonaq ötən 3 illə müqayisədə Bakı şəhərinin xeyli inkişaf etdiyini, gözəlləşdiyini bildirib.
Nardar BAYRAMLI

Paylaş:

Baxılıb: 1268 dəfə