Heydər Əliyev
yeni azerbaycan logo

Ana səhifə / Siyasət / Bahar Muradova: Türkiyəyə inamımızı itirməmişik

Bahar Muradova: Türkiyəyə inamımızı itirməmişik

18.09.2009 [10:55]

“Türkiyə-Ermənistan münasibətlərinin tənzimlənməsi ilə bağlı məsələyə bizim rəsmi münasibətimiz aydındır. Dəfələrlə bəyan etmişik ki, hər bir dövlət öz qonşuları ilə münasibətlərini özü müəyyən edir. Amma, eyni zamanda “hər bir dövlət” deyərkən Azərbaycanla Türkiyənin münasibətləri bu çərçivəyə sığmır”. APA-nın məlumatına görə, bunu Milli Məclisin sədr müavini Bahar Muradova deyib. Azərbaycan-Türkiyə münasibətlərinin tamamilə fərqli olduğunu söyləyən B. Muradova dost dövlətin Azərbaycanın maraqlarına zidd addım atacağına inanmaq istəmədiyini vurğulayıb: “Biz inanmaq istəyirik ki, Türkiyə Ermənistanla münasibətləri tənzimləyərkən Azərbaycanın maraqlarına zərbə vurulmasına heç vaxt imkan verməyəcək və Ermənistanla sərhədlər bağlanarkən qoyulan şərtlərin yerinə yetirilməsi çərçivəsində bu işə rəvac verəcək”.
Azərbaycanın Türkiyəyə rəsmi etiraz etməsinə gəldikdə, B. Muradova hələlik etiraz bildiriləsi məqamın olduğunu düşünmür: “Azərbaycanın rəsmi dairələri və Azərbaycan ictimaiyyəti narahatlıq keçirməklə yanaşı, Türkiyənin Ermənistanla münasibətlərdə Azərbaycanın maraqlarını qoruyacağına inamını itirməyib. Düşünürəm ki, bizim mövqeyimizi nəzərə alacaqlar. Hər halda bizim mövqeyimiz bəllidir”.
Bahar Muradova Rusiya parlamentinin vitse-spikeri Vladimir Jirinovskinin Qarabağın ermənilərə məxsus olması barədə səsləndirdiyi fikirləri şərh edərkən deyib: “Mən düşünmürəm ki, Vladimir Jirinovskinin fikri Rusiya hökumətinin və parlamentini rəsmi fikridir, dövlətin rəsmi siyasətidir. Jirinovski həmişə bu tip açıqlamaları ilə yadda qalmağa çalışıb. Düşünürəm ki, indiki açıqlaması da bu tipli növbəti avantüradır”.
Onun sözlərinə görə, Jirinovskinin avantürist olması onu məsuliyyətdən azad eləmir: “çünki o parlamentin rəhbərliyində təmsil olunan rəsmi şəxsdir və parlamentdə partiya qrupunun rəhbəridir. Ona görə də düşünürəm ki, o bir qədər məsuliyyətli olmalıdır. Amma görünür, Jirinovski bu fikirləri söyləyərkən başqa təsir altında olur”.

Paylaş:
Baxılıb: 1105 dəfə

Xəbər lenti

Hamısına bax

YAP xəbərləri

İqtisadiyyat

Siyasət

Siyasət

4-cü dəfə...

28 Oktyabr 11:13  

Analitik

Analitik

Analitik

Analitik

Mədəniyyət

Ədəbiyyat

YAP xəbərləri

Arxiv
B Be Ça Ç Ca C Ş
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31