AŞPA-nın qərarı Azərbaycana qarşı “qara piar” kampaniyasının tərkib hissəsidir

Bakı:

22 °C

64 %

3 m/s

Əlaqə

AZ RU EN

Ana səhifə / Siyasət / AŞPA-nın qərarı Azərbaycana qarşı “qara piar” kampaniyasının tərkib hissəsidir

AŞPA-nın qərarı Azərbaycana qarşı “qara piar” kampaniyasının tərkib hissəsidir

19.05.2018 [09:02]

Ölkəmizə qarşı təzyiq mexanizmi formalaşdırmaq məqsədinə xidmət edən bu qərar ikili standartlar və selektiv yanaşma nümunəsidir
Azərbaycan iqtisadi inkişafına, ictimai-siyasi sabitliyə, beynəlxalq müstəvidə nüfuzuna və mövqeyinə görə güclü, qüdrətli bir dövlətə çevrilib. Həyata keçirilən davamlı islahatlar sayəsində ölkəmizdə bütün sahələrin paralel inkişafı təmin edilib. Praqmatik siyasi kurs sayəsində əldə edilən nailiyyətlər Azərbaycan dövlətinin qüdrətinin artmasında ifadə olunub. Bununla yanaşı, Azərbaycan dünyaya spesifik xüsusiyyətlərə malik davamlı inkişaf modeli təqdim edib. Əlamətdar haldır ki, Azərbaycanda iqtisadi və siyasi islahatlar paralel şəkildə aparılır və bir-birini tamamlayır. Bu gün əminliklə demək mümkündür ki, Azərbaycan qısa müddətdə həm iqtisadi, həm də siyasi sahədə qarşıya qoyduğu əsas hədəflərə çatıb.
Şübhəsiz ki, Azərbaycanın uğurlu inkişafı, beynəlxalq nüfuzunun artması və digər müsbət reallıqlar anti-Azərbaycan dairələr tərəfindən narahatlıqla qarşılanır. Həmin dairələr bu kontekstdə öz məhdud maraqları naminə ölkəmizin daxili və xarici siyasət kursuna müdaxilə etməyə, bunun üçün də ölkəmizə qarşı təzyiq mexanizmi formalaşdırmağa çalışır, “qara piar” kampaniyası aparırlar. Məhz Avropa Şurası Parlament Assambleyasının (AŞPA) bu qurumun bəzi üzvlərinə, o cümlədən Azərbaycan nümayəndə heyətinin rəhbərinə qarşı sanksiyalar tətbiq etməsi ilə bağlı qərarı da bu məqsədə xidmət edir.
Əlbəttə, AŞPA-nın məlum qərarı həm də Azərbaycanın müstəqil siyasət həyata keçirməsi - milli məsələlərlə bağlı qətiyyətli mövqe nümayiş etdirməsi, xüsusilə də Dağlıq Qarabağ münaqişəsinin həlli məsələsi ilə əlaqədar prinsipial mövqeyindən bir addım belə geri çəkilməməsi ilə bağlıdır. Məlumdur ki, Azərbaycan öz xarici siyasət kursunda bir nömrəli məsələ olan Dağlıq Qarabağ münaqişəsinin ədalətli həlli məsələsində qətiyyətli mövqe nümayiş etdirir və bu, bəzi dairələr tərəfindən qısqanclıqla qarşılanır. Bu qüvvələr Azərbaycanın qeyd-şərtsiz ərazi bütövlüyünün təmin olunması məsələsində prinsipial mövqeyindən geri çəkilməsinə nail olmaq istəyirlər. Buna görə də Azərbaycanla bağlı neqativ ictimai rəy formalaşdırmaq üçün “qara piar” kampaniyası aparırlar. Lakin reallıq budur ki, Azərbaycana qarşı bu cür cəhdlər hər zaman iflasla nəticələnir.
Konkret olaraq AŞPA-nın məlum qərarına gəlincə, bu, ikili standartlar və selektiv yanaşma nümunəsi olmaqla yanaşı, həm də subyektiv mülahizələrə söykənən və siyasi məqsədlərə xidmət edən qərəzli addımdır. Əlbəttə, hər hansı bir təsirə malik olmayan, Azərbaycana qarşı təzyiq və “qara piar” kampaniyasının tərkib hissəsi olan bu qərarın aqibəti - nəticəsi fiaskodur. Çünki yüksək beynəlxalq nüfuza və dayanıqlı inkişafa malik olan Azərbaycan öz prinsipial mövqeyindən və müstəqil siyasətindən geri çəkilmək niyyətində deyil. Bu cür vasitələrlə ölkəmizdə ictimai rəyə təsir etmək və Azərbaycanın pozitiv beynəlxalq imicinə kölgə salmaq mümkün deyil.
N.QƏLƏNDƏRLİ

Paylaş:

Baxılıb: 581 dəfə