Qazaxıstanda baş vermiş cinayət hadisəsi ermənilərin ümumi türk etnosuna nifrətinin növbəti ifadəsidir

Bakı:

22 °C

64 %

3 m/s

AZ RU EN

Ana səhifə / Siyasət / Qazaxıstanda baş vermiş cinayət hadisəsi ermənilərin ümumi türk etnosuna nifrətinin növbəti ifadəsidir

Qazaxıstanda baş vermiş cinayət hadisəsi ermənilərin ümumi türk etnosuna nifrətinin növbəti ifadəsidir

10.01.2019 [09:54]

Yaxud Karaqandada qeydə alınan cinayət aktı erməni milliyyətçiliyinin əsl simasını bir daha nümayiş etdirmiş oldu
Məlum olduğu kimi, ermənilər tarix boyu özgə millətlərə, xüsusilə də türklərə qarşı ərazi iddiaları ilə çıxış edib və təcavüz hesabına “böyük Ermənistan” arzularını gerçəkləşdirməyə çalışıblar. Onlar bu məqsədlə misli görünməmiş metod və vasitələrə baş vurublar. Azərbaycanın da faciəvi təcrübəsi onu göstərir ki, ermənilər cəmiyyətin içərisində yaşayaraq fürsət güdür və zəruri halda xəyanət edərək içəridən zərbə vururlar. Reallıqdır ki, ermənilər ayrı-ayrı dövrlərdə azərbaycanlılara qarşı genişmiqyaslı qanlı aksiyaların altına imza atıb, tarixi Azərbaycan torpaqlarına qarşı təcavüzkar iddialarını daha da gücləndiriblər. Müxtəlif dövrlərdə ermənilər xalqımıza qarşı fərqli metodlardan istifadə etməyə çalışıblar ki, buraya da çirkin təbliğat, soyqırımı iddiaları, torpaq tələbləri, qətllər-qırğınlar və s. daxildir.
Yeri gəlmişkən, Qazaxıstanda ermənilər tərəfindən gənc qazaxın öldürülməsi erməni millətçiliyinin iç üzünü növbəti dəfə ortaya qoydu. Məlumat üçün qeyd edək ki, cari ilin 1 yanvar tarixində Yeni il gecəsi Qazaxıstan Respublikasının Karaqanda şəhərindəki ermənilərə məxsus olan “Drevniy Rim” restoranında cinayət hadisəsi baş verib. Qeyd olunan iaşə obyektində Yeni ili qarşılamaq üçün toplaşmış ermənilər və qazaxlar arasında mübahisə yaranıb, daha sonra restoranın həyətində dava formasında davam etdirilib və nəticədə 1 qazax gənc - 1995-ci il təvəllüdlü Raxımjan Janseyt öldürülüb, digər 3 qazax müxtəlif xəsarətlər alıb. Hadisə ilə bağlı videogörüntülər də sosial şəbəkələrə ötürülüb. Hüquq-mühafizə orqanları tərəfindən qətl hadisəsini törətmiş və bu cinayətdə təqsirli bilinən erməni milliyyətli 2 nəfər - Malxasyan Torqom Manveloviç, Malxasyan Soxak Samveloviç və qazax milliyyətli 1 nəfər - Nadırbekov Kair Xamitoviç tutularaq barələrində həbs qətimkan tədbiri seçilib, erməni milliyyətli digər 1 nəfər - Qururyan Narek haqqında isə axtarış elan edilib. Bu şəxslər barəsində məlumat hadisədən 2 gün sonra mətbuatda rəsmi olaraq dərc olunub.
Şübhəsiz ki, bu hadisə, yəni ermənilərin mütəşəkkil dəstə şəklində etnik qazaxı öldürməsi Qazaxıstan ictimaiyyətində haqlı narazılığa səbəb olub. Qazaxıstanda yaşayan ermənilərin mütəşəkkil kriminal qruplaşmalar yaratmaları, yerli qazaxlara qarşı ümumi türk etnosuna nifrətdən irəli gələrək həqarətli və kinayəli yanaşmaları geniş yayılmış haldır və heç kimə sirr deyil. “Yaxşı türk ölü türkdür” ifadəsi ermənilər tərəfindən faşizm ideologiyasına xas şəkildə bütün türkdilli xalqlara şamil olunur. Qazaxlar da bu baxımdan istisna deyillər.
Qazaxıstan mediasında və sosial şəbəkə seqmentində ermənilərin bu ölkənin adət-ənənələrinə hörmətsizliyi, qazaxlara yuxarıdan aşağı baxmaları və özlərini “ari” irqi kimi təqdim etmək cəhdləri barədə dəfələrlə məlumat verilib. Digər ölkələrdə, o cümlədən Qazaxıstanda olan erməni mənşəli kriminal və mütəşəkkil qruplaşmalar əslində Qazaxıstan ərazisində fəaliyyət göstərən “beşinci kolon”dur. Sovetlər dövründə Qazaxıstan rəhbərliyində olan erməni mənşəli rəhbər şəxslərin qazax xalqına qarşı törətdiyi etnik terroru və soyqırımını hər kəs çox yaxşı xatırlayır.
Bütövlükdə, Karaqandada qeydə alınan hadisə məhz erməni kriminal qruplaşmasının öncədən planlaşdırdığı cinayətdir. Ona görə də Mərkəzi Asiya ölkələrində, o cümlədən Qazaxıstanda yaşayan ermənilərin də əməllərinə sıradan olan adi hal kimi baxılmamalı, tarixdən və yaxın coğrafiyada baş verən hadisələrdən nəticə çıxarılmalıdır. Çünki sözügedən cinayət hadisəsi ermənilərin ümumi türk etnosuna nifrətinin növbəti ifadəsidir.
NURLAN

Paylaş:

Baxılıb: 816 dəfə