Azərbaycan və Misir arasında dini-mənəvi sahədə əlaqələr inkişaf edir

Bakı:

27 °C

51 %

0 m/s

Əlaqə

AZ RU EN

Ana səhifə / Siyasət / Azərbaycan və Misir arasında dini-mənəvi sahədə əlaqələr inkişaf edir

Azərbaycan və Misir arasında dini-mənəvi sahədə əlaqələr inkişaf edir

06.02.2019 [09:48]

Qafqaz Müsəlmanları İdarəsinin (QMİ) sədri şeyxülislam Allahşükür Paşazadə İslam Əməkdaşlıq Təşkilatının (İƏT) baş katibinin və Misir hökumətinin dəvəti ilə fevralın 4-5-də Misirdə səfərdə olub.
QMİ-nin mətbuat xidmətindən AZƏRTAC-a verilən məlumata görə, səfər çərçivəsində şeyxülislam Misirin, eləcə də İslam aləminin görkəmli ictimai, din və elm xadimləri ilə görüşüb. Misir parlamenti sədrinin birinci müavini, Şəriflər Cəmiyyətinin rəhbəri Seyid Əl-Şəriflə görüşdə A.Paşazadə Prezident İlham Əliyevin salamlarını dost Misir xalqına çatdırıb. O, Azərbaycan ilə Misirin bütün sahələrdə, o cümlədən dini sahədə uğurla əməkdaşlıq etdiyini bildirib.
Seyid Əl-Şərif Misirlə Azərbaycan arasında yüksək səviyyəli əlaqələrə toxunaraq qeyd edib ki, hələ 1994-cü ildə Ulu öndər Heydər Əliyevin Qahirəyə səfəri zamanı Onu qarşılamaq şərəfinə nail olub. Növbəti belə imkanı isə Prezident İlham Əliyevin 2007-ci ildə bu ölkəyə səfəri zamanı qazanıb. O, Azərbaycana mütəmadi səfərlər etdiyini bildirərək, ölkəmizin daha da inkişafının əyani şahidi olduğunu vurğulayıb. Əlavə edib ki, bu uğurların təməlində Prezident İlham Əliyevin səyləri durur. Bu gün Azərbaycan tolerantlıq, multikulturalizm mərkəzi kimi bütün dünyaya öz səsini eşitdirir.
Misir Prezidentinin müşaviri Usama Əl-Əzhəri 1962-ci ildə Asuan səddini inşa edən Zakir Məmmədovun timsalında Azərbaycan xalqının dost Misir xalqına çoxsaylı töhfələrinin qeyd edilə biləcəyini deyib.
Həmin gün Qafqaz Müsəlmanları İdarəsinin sədri bu ölkənin Fətva İdarəsinin rəhbəri, Misir diyarının baş müftisi Şövqi Əllamla da görüşüb. A.Paşazadə ölkələrimiz arasında tarixi əlaqələrin bu gün də uğurla inkişaf etdiyini bildirib. O, bunun əsas səbəbi kimi iki ölkə başçısının şəxsi dostluq münasibətlərini göstərib.
Baş müfti Şövqi Əllam da iki ölkə arasında münasibətlərin keyfiyyətcə yeni mərhələyə qədəm qoyduğunu qeyd edib.
Növbəti görüş vəqflər naziri Məhəmməd Muxtar Cümə ilə olub. Görüşdə İslam dininin əsl mahiyyətinin akademik səviyyədə təbliğinin vacibliyi qeyd olunub.
Səfər zamanı QMİ sədrinin rəhbərlik etdiyi nümayəndə heyəti İmam Hüseyn məscidini ziyarət edib. Nadir hallarda xüsusi qonaqlar üçün açılışına icazə verilən “Şərəfli otaq” (Əl-Ğurfa Şərifə) şeyxülislama nümayiş etdirilib. A.Paşazadə İmam Hüseyn məscidində ziyarət namazı qılıb.

Paylaş:

Baxılıb: 663 dəfə