Cavanşir Paşazadə: Kommunikasiyaların bərpası region ölkələrinin inkişafına əhəmiyyətli dərəcədə təsir göstərəcək

Bakı:

25 °C

66 %

6 m/s

AZ RU EN

Ana səhifə / Siyasət / Cavanşir Paşazadə: Kommunikasiyaların bərpası region ölkələrinin inkişafına əhəmiyyətli dərəcədə təsir göstərəcək

Cavanşir Paşazadə: Kommunikasiyaların bərpası region ölkələrinin inkişafına əhəmiyyətli dərəcədə təsir göstərəcək

26.05.2021 [09:32]

“Nizami Gəncəvi Beynəlxalq Mərkəzi nüfuzlu beynəlxalq platformadır və müxtəlif ölkələrin keçmiş dövlət və hökumət başçılarını, dünyanın tanınmış elm, ictimai və siyasi xadimlərini öz sıralarında birləşdirir. Bu baxımdan Mərkəzin keçirdiyi tədbirlər öz əhəmiyyəti ilə beynəlxalq ictimaiyyətin diqqətini cəlb edir”. Bu fikirləri Milli Məclisin deputatı Cavanşir Paşazadə deyib.
Deputat bildirib ki, Prezident İlham Əliyev Nizami Gəncəvi Beynəlxalq Mərkəzinin “Cənubi Qafqaz: Regional inkişaf və əməkdaşlıq perspektivləri” adlı videoformatda keçirdiyi müzakirələr zamanı bır sıra önəmli məsələlərə toxundu. Tədbirdə dövlətimizin başçısı Ermənistanın 30 illik işğalçılıq siyasətinin nəticələri, Azərbaycanın öz torpaqlarını işğaldan azad etməsi, müharibədən sonra regionda yaranmış yeni reallıqlar, ölkəmizin regionda sülh, əməkdaşlıq və təhlükəsizliyə xidmət edən təşəbbüsləri haqqında fikirlərini ifadə etdi.
Millət vəkilinin sözlərinə görə, ölkəmiz işğal altında olan ərazilərini azad etməklə təkcə özü üçün deyil, bütün region üçün yeni inkişaf imkanları yaradıb. Ona görə də, erməni tərəfi reallığı düzgün qiymətləndirməli, revanşist addımlardan uzaq olmalı, əməkdaşlıq təşəbbüslərinə qoşulmalıdır. Azərbaycan bundan sonra da beynəlxalq səviyyədə tanınmış sərhədləri çərçivəsində öz ərazi bütövlüyünü qoruyacaq və hər hansı bir təhdid olarsa, dərhal qarşısı alınacaq. Azərbaycan öz konstruktiv mövqeyini bəyan edib və əməkdaşlığa açıqdır. Dövlətimizin başçısı konfransda iştirakçıların diqqətinə çatdırdı ki, Azərbaycan sülhün tərəfdarıdır. Bu, bir daha onu deməyə əsas verir ki, Azərbaycan regionda sülh, əməkdaşlıq və təhlükəsizliyin təmin olunmasında aparıcı rol oynayır. Təbii ki, Ermənistan hazırda əməkdaşlıq təşəbbüslərinə müsbət cavab vermir. Qarşı tərəf dərk etmir ki, bu layihələrin reallaşması bütün region, o cümlədən Ermənistanın özü üçün böyük dividendlər gətirə bilər.
C.Paşazadə qeyd edib ki, bu gün nəqliyyat kommunikasiyalarının açılması, qarşılıqlı dialoq, etimad mühitinin formalaşması regional və beynəlxalq siyasətin əsas aspektlərindəndir: “Artıq Zəngəzur dəhlizinin açılması 3 ölkənin birgə Bəyanatının məğzi olmaqla yanaşı, həm də zamanın tələbidir. Azərbaycan hökuməti regionun gələcəyini, nəqliyyat, logistika, enerji əməkdaşlığı, ticarət və s. ilə bağlı layihələrin necə ola biləcəyini qonşularla müzakirə edir. Beynəlxalq iqtisadi əməkdaşlıq çərçivəsində nəqliyyat layihələrinin inkişafına xüsusi diqqət ayrılmalıdır. Qələbəmiz ölkənin yeni iqtisadi inkişaf mərhələsinin əsasını qoydu. Qarabağ iqtisadiyyatımızda, qeyri-enerji sektorunda, eləcə də nəqliyyat sahəsində mühüm yerlərdən birini tutacaq. Ölkəmiz artıq çox mühüm təşəbbüslərlə çıxış edib. Bu, xüsusən də kommunikasiyaların və yeni daşıma dəhlizlərinin açılması ilə bağlıdır. Kommunikasiyaların bərpası region ölkələrinin inkişafına əhəmiyyətli dərəcədə təsir göstərəcək”.

Paylaş:

Baxılıb: 613 dəfə