Əlisahib Hüseynov: Şuşa Bəyannaməsinin imzalanması ilə Azərbaycan-Türkiyə münasibətlərində yeni mərhələnin bünövrəsi qoyulub

Bakı:

26 °C

51 %

0 m/s

AZ RU EN

Ana səhifə / Siyasət / Əlisahib Hüseynov: Şuşa Bəyannaməsinin imzalanması ilə Azərbaycan-Türkiyə münasibətlərində yeni mərhələnin bünövrəsi qoyulub

Əlisahib Hüseynov: Şuşa Bəyannaməsinin imzalanması ilə Azərbaycan-Türkiyə münasibətlərində yeni mərhələnin bünövrəsi qoyulub

24.06.2021 [09:06]

“Qardaş Türkiyənin Prezidenti Rəcəb Tayyib Ərdoğanın Azərbaycana səfəri çərçivəsində Şuşa Bəyannaməsinin imzalanması hər iki ölkədə gündəmin əsas mövzusu olaraq qalır. Bu da təbiidir. Çünki bu Bəyannamənin imzalanması ilə Azərbaycan-Türkiyə münasibətlərində tamamilə yeni mərhələnin bünövrəsi qoyulub”.
Bu fikirləri Milli Həmrəylik Partiyasının (MHP) sədri Əlisahib Hüseynov deyib.
Ə.Hüseynov bildirib ki, müttəfiqlik haqqında Şuşa Bəyannaməsi, ilk növbədə, Azərbaycan-Türkiyə qardaşlığının siyasi təcəssümü və hüquqi təsbitləndirilməsi idi. Bununla da, Ulu Öndər Heydər Əliyevin böyük uzaqgörənliklə siyasi leksikonumuza gətirdiyi “Bir millət, iki dövlət” ifadəsi və konsepsiyası hüquqi müstəviyə köçürülmüş oldu və iki ölkə münasibətləri daha üstün səviyyəyə yüksəldildi: “Bu Bəyannamədə Ermənistanın revanşist siyasi dairələrinə ünvanlanmış mesajlar, regiondakı kommunikasiya xətlərinin açılması, dinc qonşuluq şəraitində yaşamağa və bölgədə sülhün qorunmasına çağırışı Silahlı Qüvvələrimizin yeni çağırışlara uyğun olaraq yenidən formalaşdırılması, modernləşdirilməsi, müdafiə qabiliyyətlərinin və hərbi təhlükəsizliyin möhkəmləndirilməsinə yönələn tədbirlərin həyata keçirilməsi, iki qardaş ölkənin Silahlı Qüvvələrinin birlikdə fəaliyyət qabiliyyətinin artırılması, müasir texnologiyalara əsaslanan silah və sursatların idarə olunması istiqamətində sıx əməkdaşlığı əks etdirən bir sıra məqamlar var. Bütün bunlarla bərabər, Şuşa Bəyannaməsində, həmçinin media, diaspora, xarici siyasətdə birgə hərəkətetmə, eləcə də təhsil, iqtisadiyyat, müasir texnologiyalar və birgə sərmayə yatırımları kimi sahələrdə də əməkdaşlığın daha da dərinləşdirilməsi nəzərdə tutulur. Yəni ki, bu sənəd hərtərəfli işbirliyini, çoxşaxəli əməkdaşlığı təmin edən, stimullaşdıran böyük hüquqi bazadır.
Partiya sədrinin sözlərinə görə, Şuşa Bəyannaməsinin imzalanması onu göstərir ki, Türkiyə-Azərbaycan qardaşlığı sadəcə sözdə qardaşlıq ifadələri ilə məhdudlaşmır: “Bizim qardaşlığımız real, əməli qardaşlıqdır. Prezident İlham Əliyevin Şuşadakı mətbuat konfransında çıxışı zamanı qeyd etdiyi kimi, bu gün Türkiyə və Azərbaycan dünya miqyasında bir-birinə ən yaxın ölkələrdir. Biz nadir əməkdaşlıq, iş birliyi, müttəfiqlik nümunəsi nümayiş etdiririk. Biz bundan sonra da hər zaman bir yerdə olacağıq, bir-birimizin təhlükəsizliyini təmin edəcəyik”.
NARDAR

Paylaş:

Baxılıb: 726 dəfə