Regionda diplomatik trafik intensivləşir

Bakı:

18 °C

94 %

3 m/s

Əlaqə

AZ RU EN

Ana səhifə / Siyasət / Regionda diplomatik trafik intensivləşir

Regionda diplomatik trafik intensivləşir

07.12.2021 [11:04]

Əsas müzakirə mövzusu postmüharibə dövrünün reallıqları və Azərbaycan-Ermənistan münasibətlərinin tənzimlənməsidir

Nurlan

Azərbaycan regionda yeni geostrateji reallıqlar yaradıb. Bu, bölgədə dayanıqlı sülhün, etibarlı təhlükəsizliyin və perspektiv çoxtərəfli əməkdaşlığın təmin olunması üçün həm unikal, həm də universal imkanlar formalaşdırır. Təbii ki, sözügedən reallıqlar təkcə Azərbaycan dövləti üçün deyil, həm də region xalqları və ölkələri, eləcə də bölgədənkənar qüvvələr üçün gələcək inkişaf naminə strateji əhəmiyyət daşıyır, mühüm perspektivlər vəd edir.

Cənubi Qafqazdakı vəziyyət diqqət mərkəzində...

Ona görə də hazırda postmüharibə dövrünün reallıqları ilə əlaqədar müxtəlif təmaslar qurulur, ardıcıl müzakirələr aparılır və diplomatik trafik intesivləşir. Yeri gəlmişkən, ATƏT-in Nazirlər Şurasının Stokholmda keçirilən 28-ci iclasında da Azərbaycan-Ermənistan münasibətlərinin tənzimlənməsi məsələsi diqqət mərkəzində olub. Eyni zamanda, iclasda ABŞ-ın dövlət katibi Entoni Blinken və Fransanın Fransa Xarici ticarət və iqtisadiyyat naziri Frank Riester ABŞ və Fransanın Azərbaycan ilə Ermənistan arasında dialoqun davam etdirilməsini alqışladıqlarını diqqətə çatdırıblar. Bununla yanaşı, bir müddət öncə Türkiyə Prezidenti Rəcəb Tayyib Ərdoğan ilə Rusiya Prezidenti Vladimir Putin arasında telefon danışığı zamanı Cənubi Qafqazdakı vəziyyət də müzakirə olunub.

Göründüyü kimi, ayrı-ayrı dövlətlər bu prosesdə fəallıq nümayiş etdirirlər. Bəs bu diplomatik trafik, öz növbəsində, prosesləri hansı istiqamətə aparır və postmüharibə dövründə regionda sülhün, təhlükəsizliyin, əməkdaşlığın təmin olunmasına necə təsir göstərəcək?

Postmüharibə dövründə bölgədə hansı geosiyasi tendensiyalar müşahidə olunur?

Siyasi şərhçi Tofiq Zülfüqarov “Yeni Azərbaycan”a açıqlamasında postmüharibə dövründə regionda bir neçə tendensiyanın qabarıq şəkildə özünü göstərdiyini deyib: “İlk növbədə, görürük ki, Ermənistan-Rusiya münasibətləri gərginləşir. Onsuz da, iki ölkə arasındakı əlaqələrdə böhran vəziyyəti mövcud idi, indi isə krizis daha da dərinləşir. Ermənistan məcburi olaraq Qərbyönlü siyasi kurs seçməlidir. Onlar inkişaf üçün Qərbdən kömək gözləyirlər, Qərbin isə öz şərti var: bu, Ermənistanın Rusiyadan tamamilə qopmasıdır. Biz bunu Soçi görüşü zamanı da hiss etdik, Brüssel danışıqları çərçivəsində də bu siyasi əhval hiss olunacaq. İkinci geopolitik tendensiya ondan ibarətdir ki, Rusiya-Türkiyə münasibətlərində bəzən hansısa gərginliklər baş qaldırsa da, gec-tez iki tərəfi də qane edən ortaq məxrəcə gəlinir. Bu, artıq ənənədir. Üçüncü tendensiya Rusiya-Qərb münasibətlərinin kəskinləşməsidir. Bütün bunlar regionumuza təsir göstərən amillərdir”.

Tofiq Zülfüqarov əlavə edib ki, Azərbaycan qarşıda duran məsələləri ardıcıl olaraq həll etməkdədir: “Eyni zamanda, qarşıda duran çox mühüm məsələlər var. Xüsusilə də, sərhədlərin delimitasiyası və demarkasiyası, Zəngəzur dəhlizinin reallaşdırılması bu baxımdan xüsusi qeyd edilməlidir. Regionda cərəyan edən proseslər məhz bu məsələlərin həllinə ciddi təsir göstərir”.

Paylaş:

Baxılıb: 917 dəfə