"Heydər Əliyevin milli inkişaf konsepsiyasının uğurları: Qaradağ rayonu quruculuğunun yeni mərhələsində"

Bakı:

24 °C

74 %

15 m/s

AZ RU EN

Ana səhifə / Siyasət / "Heydər Əliyevin milli inkişaf konsepsiyasının uğurları: Qaradağ rayonu quruculuğunun yeni mərhələsində"

"Heydər Əliyevin milli inkişaf konsepsiyasının uğurları: Qaradağ rayonu quruculuğunun yeni mərhələsində"

07.05.2011 [12:54]

Qaradağ rayonunda ümummilli lider Heydər Əliyevin anadan olmasının 88-ci ildönümü münasibətilə bu mövzuda konfrans keçirilib
Dünən Qaradağ rayonunda ümummilli lider Heydər Əliyevin anadan olmasının 88-ci ildönümü münasibətilə rayon İcra Hakimiyyətinin və Yeni Azərbaycan Partiyası Qaradağ rayon təşkilatının birgə təşkilatçılığı ilə “Heydər Əliyevin milli inkişaf konsepsiyasının uğurları: Qaradağ rayonu quruculuğunun yeni mərhələsində” mövzusunda konfrans keçirilib.
Konfrans iştirakçıları əvvəlcə Ulu öndərin Heydər Əliyev parkındakı abidəsini ziyarət edib, önünə gül dəstələri düzüb və dahi şəxsiyyətin xatirəsini ehtiramla yad ediblər.
Sonra Heydər Əliyev Muzeyi ilə tanışlıq olub.
Konfrans öz işini Heydər Əliyev Muzeyində davam etdirib.
çıxış edən Qaradağ rayon İcra Hakimiyyətinin başçısı Süleyman Mikayılov bildirib ki, Ulu öndərimiz Heydər Əliyevin qurub-yaratdığı müasir müstəqil Azərbaycanın Prezident İlham Əliyevin müdrik, uzaqgörən siyasəti sayəsində dünyanın ən sürətlə inkişaf edən ölkələrindən birinə çevrilib.
İcra başçısı qeyd edib ki, nə qədər müstəqil Azərbaycan dövləti var, Azərbaycan xalqı var, Ulu öndər Heydər Əliyev də ürəklərdə yaşayacaq.
Milli Məclisin deputatı Fəttah Heydərov ümummilli liderlə bağlı xatirələrini konfrans iştirakçıları ilə bölüşüb və bildirib ki, bu işıqlı şəxsiyyətin parlaq şüaları müstəqil dövlətimizin inkişaf yolunu əbədi işıqlandıracaq. Ulu öndərlə gənc yaşlarından birlikdə çalışdığını qeyd edən Fəttah Heydərov hələ keçmiş SSRİ dövründə geridə qalmış kənd təsərrüfatı respublikası olan Azərbaycanın məhz bu yorulmaz liderin gərgin zəhməti və yüksək təşkilatçılıq qabiliyyəti sayəsində qısa zaman kəsiyində qabaqcıllar sırasına çıxdığını xatırladıb: “Heydər Əliyevin rəhbərliyilə Azərbaycanın sənaye sahələri sürətlə inkişaf etdi, əhalinin firavan həyatı təmin olunduğu respublika quruldu”.
Fəttah Heydərov söyləyib ki, məhz, Ulu öndər tərəfindən əsası qoyulan azərbaycançılıq ideologiyası nəticəsində ölkədə milli-mənəvi dəyərlərin, mədəniyyətin, təhsilin inkişaf etməsi davamlı xarakter almışdı. O, müstəqillik dövründə vətəndaş müharibəsinin qarşısının alınması, ölkənin parçalanmadan xilas edilməsi, Azərbaycan dövlətinin formalaşması kimi taleyüklü vəzifələri həll edən Ulu öndər Heydər Əliyevin müəyyənləşdirdiyi strategiyanın bu gün də uğurla davam etdirildiyini vurğulayıb.
çıxış edən millət vəkili Jalə Əliyeva deyib ki, bu günlərdə biz müstəqil dövlətimizin memarı və qurucusu, Azərbaycan xalqının dahi oğlu, görkəmli siyasi və dövlət xadimi kimi dünyada şöhrət tapmış Ulu öndərimizin nurlu xatirəsini yad edirik: “Əslində, Heydər Əliyev hələ sağlığında Azərbaycan xalqının qəlbində özünə elə bir abidə ucaltmışdı ki, Onun xatirəsi daim ürəklərdə yaşayır, Onu hər gün dərin minnətdarlıq hissi ilə anırıq”.
YAP Qaradağ rayon təşkilatının sədri, partiyanın Siyasi Şurasının üzvü Aydın Hüseynov dahi şəxsiyyətin Azərbaycanın sosial-iqtisadi inkişafı, dövlətçiliyimizin qorunması və möhkəmlənməsində, eləcə də, hüquqi dövlət quruculuğu sahəsində misilsiz xidmətlərindən danışıb. A.Hüseynov vurğulayıb ki, Azərbaycan xalqının milli kimliyinin və özünəməxsusluğunun bariz təcəssümünə çevrilmiş mütərəqqi ənənələrin mükəmməl ideoloji konsepsiya halına gətirilməsi və konkret dövlət modelində reallaşdırılması məhz ümummilli liderimiz Heydər Əliyevin adı ilə bağlıdır: “Xalqların, ölkələrin tarixində həqiqi liderlərin rolu danılmazdır. Onlar öz xalqlarını çətin vəziyyətdən çıxarır, düzgün yol göstərir, taleyüklü məsələlərin həllində müdrik məsləhətçi olurlar. Bu baxımdan görkəmli ictimai-siyasi və dövlət xadimi, ümummilli liderimiz Heydər Əliyevin Azərbaycanın dövlətçilik tarixində əvəzsiz rolu olub. Müasir müstəqil Azərbaycan dövlətinin memarı və qurucusu kimi milli dövlətçiliyimizin ideya əsasını məhz Heydər Əliyev yaradıb”.
Konfransın sonunda ümummilli lider Heydər Əliyevin anadan olmasının 88-ci ildönümü münasibətilə keçirilmiş müsabiqələrin qaliblərinə diplomlar və qiymətli hədiyyələr təqdim olunub.
Sonra konfrans iştirakçıları Heydər Əliyev parkında təşkil olunmuş Gül bayramına qatılıblar.
Qeyd edək ki, tədbirlərdə Qaradağ rayonundan Milli Məclisə seçilmiş deputatlar - Ağalar Vəliyev və Mixail Zabelin də iştirak ediblər.
Ramil VƏLİBƏYOV

Paylaş:

Baxılıb: 1098 dəfə