Azərbaycanla Çexiya arasında sıx əməkdaşlıq əlaqələri mövcuddur

Bakı:

26 °C

64 %

8 m/s

Əlaqə

AZ RU EN

Ana səhifə / Siyasət / Azərbaycanla Çexiya arasında sıx əməkdaşlıq əlaqələri mövcuddur

Azərbaycanla Çexiya arasında sıx əməkdaşlıq əlaqələri mövcuddur

04.07.2012 [23:19]

Azərbaycanın sürətli inkişafı çexiyalı qonaqlarda yüksək təəssürat yaradıb
çexiyanın Brno Texnologiya Universitetinin nəzdindəki İnformatika İnstitutunun Biznes və İdarəetmə fakültəsinin professoru İvan Meznik, Masarik Universitetinin Tibb fakültəsinin professoru Yuri Duşek və elmlər doktoru, professor Azər Kərimov ölkəmizə səfərdədirlər. çexiyalı qonaqlar ölkəmiz haqqındakı təəssüratlarını, həmçinin, çexiya-Azərbaycan münasibətlərinin inkişafı, Ermənistan-Azərbaycan, Dağlıq Qarabağ münaqişəsi və digər məsələlər barədə öz fikirlərini qəzetimizə bildiriblər.
Professor İvan Meznik qeyd edib ki, ölkəmizin sürətli inkişafının fonunda gördüyü mənzərə onda böyük məmnuniyyət hissi yaradıb: “Azərbaycan çox sürətli inkişaf tempinə malik olan ölkədir. Beynəlxalq aləmdə də sizin ölkəniz mütəmadi olaraq sürətli tərəqqi edən rifah dövləti kimi tanınır. Azərbaycanda əhalinin həyat səviyyəsi çox yüksəkdir. Həmçinin, Azərbaycan dünya miqyasında öz iqtisadi inkişafı ilə seçilir və Avropa dövlətlərinin etibarlı strateji tərəfdaşı kimi çıxış edir. Təəssüflər olsun ki, Ermənistanın Azərbaycan torpaqlarını işğal etməsi nəticəsində yaranmış Dağlıq Qarabağ problemi mövcuddur. Bu problem regional deyil, beynəlxalq xarakterlidir və sülhə, təhlükəsizliyə ciddi təhdiddir. Sevindirici haldır ki, sülh və təhlükəsizliyin tərəfdarı kimi çıxış edən milli dövlətlər bu münaqişənin Azərbaycanın ərazi bütövlüyü əsasında həll edilməsini istəyirlər. ümid edirik ki, münaqişə beynəlxalq hüquq normaları əsasında, yəni, ölkənizin ərazi bütövlüyü çərçivəsində öz həllini tapacaq. Qeyd edim ki, Azərbaycan torpaqlarının Ermənistan tərəfindən işğal olunması nəticəsində törədilmiş Xocalı faciəsi faktı da mövcuddur ki, bu, sözün əsl mənasında, insanlıq dramıdır”.
çexiya Respublikasının Azərbaycanın ərazi bütövlüyünü tanıdığını və dəstəklədiyini deyən professor əlavə edib ki, ölkəsi Dağlıq Qarabağ münaqişəsinin həll olunmasını zəruri hesab edir: “çexiya prezidenti Vatslav Klaus Azərbaycana səfəri çərçivəsində də bəhs olunan münaqişənin beynəlxalq hüquq normaları əsasında həll edilməli olduğunu vurğulayıb. Digər çexiya rəsmiləri də bu məsələnin üzərində xüsusi həssaslıqla dayanırlar. çexiya mətbuatı isə öz növbəsində Ermənistanın Azərbaycan torpaqlarının işğalına son qoymasının vacibliyini bəyan etməkdədir”.
çexiya-Azərbaycan münasibətlərinin yüksələn templə inkişaf etdiyini bildirən İ.Meznikin sözlərinə görə, ölkə rəsmilərinin qarşılıqlı səfərləri münasibətlərin inkişafına xidmət edir. “çexiya Respublikasının Prezidenti Vatslav Klausun Azərbaycana səfərinin nəticələri göstərdi ki, ölkələrimiz arasındakı münasibətlərdə pozitiv məqamlar kifayət qədərdir. Hər iki ölkə arasında müxtəlif sahələri əhatə edən sıx əməkdaşlıq mövcuddur ki, bu da böyük məmnunluq doğurur. Xüsusilə də təhsil sahəsində sıx əlaqə və mübadilələr var” - deyə, o vurğulayıb.
Professor Azər Kərimov isə bildirib ki, çexiya ilə Azərbaycan arasındakı ikitərəfli münasibətlər davamlı sürətdə inkişaf edir: “çexiyadakı Azərbaycan diasporu kifayət qədər aktiv fəaliyyətə malikdir. Qeyd edim ki, Azərbaycan gündən-günə möhkəmlənən beynəlxalq mövqeyi, artan nüfuzu çexiya ictimaiyyətinə də məlumdur. Azərbaycanın sürətli inkişafı çexiya ictimaiyyətində böyük məmnunluq hissi yaradır”.
“Azərbaycana səfərə gəlmiş professorlar İvan Meznik və Yuri Duşek ölkəmizdəki sürətli inkişafdan olduqca məmnun qalıblar. Onlar Azərbaycanın inkişafını və çexiya-Azərbaycan əlaqələrini olduqca yüksək səviyyədə qiymətləndirirlər. çexiyadan olan ziyalıların Azərbaycan həqiqətlərini əyani surətdə görməsi milli gerçəklərimizin dünya ictimaiyyətinə çatdırılması baxımından xüsusi əhəmiyyət kəsb edir. Onu da qeyd etmək istəyirəm ki, professor İvan Meznik cəbhə bölgələrində də olub, qaçqınlarla görüşüb və real vəziyyətə dair özünün fikirlərini ifadə edib. Əlbəttə, bu da Ermənistanın Azərbaycan torpaqlarının 20 faizini işğal etməsi nəticəsində meydana çıxmış real vəziyyətin dünya ictimaiyyətinə çatdırılması üçün əhəmiyyət daşıyır” - deyə, A.Kərimov vurğulayıb.
“Mən ilk dəfədir ki, Azərbaycana gəlmişəm. Həqiqətən də, Azərbaycan heyranedici və gözəl məmləkətdir”. Bunu isə tibb elmləri doktoru, professor Yuri Duşek deyib.
Qonaq bildirib ki, Azərbaycan-çexiya münasibətlərinin hazırki durumu olduqca təqdirəlayiqdir: “Bir məqamı xüsusilə qeyd etmək istəyirəm ki, Azərbaycanla çexiya arasında tibb sahəsində sıx təmaslar mövcuddur. Hər iki ölkə universitetləri arasında təmasların olması pozitiv məqamdır. Əlbəttə ki, əlaqələr daha da genişlənməlidir”.
NURLAN QƏLƏNDƏRLİ

Paylaş:

Baxılıb: 1018 dəfə