“Mənim Prezidentim” Gənclərin Təşəbbüs Qrupunun hesabat konfransı keçirilib

Bakı:

3 °C

87 %

9 m/s

Əlaqə

AZ RU EN

Ana səhifə / Sosial / “Mənim Prezidentim” Gənclərin Təşəbbüs Qrupunun hesabat konfransı keçirilib

“Mənim Prezidentim” Gənclərin Təşəbbüs Qrupunun hesabat konfransı keçirilib

25.12.2013 [09:46]

Dekabrın 24-də “Mənim Prezidentim” Gənclərin Təşəbbüs Qrupunun hesabat konfransı keçirilib.
AzərTAc xəbər verir ki, əvvəlcə müğənni Tünzalə Ağayevanın ifasında “Mənim Prezidentim” klipi nümayiş olunub.
Sonra təşəbbüs qrupunun fəaliyyətindən bəhs edən videoçarx təqdim edilib.
Tədbirdə çıxış edən gənclər və idman naziri Azad Rəhimov ölkəmizdə həyata keçirilən dövlət gənclər siyasətindən danışıb, təşəbbüs qrupunun fəaliyyətini yüksək qiymətləndirib. Nazir qeyd edib ki, respublikamızda dövlət gənclər siyasətinin təməli Ümummilli lider Heydər Əliyev tərəfindən qoyulub. Hazırda bu siyasət Prezident İlham Əliyev tərəfindən uğurla davam etdirilir. Təşəbbüs qrupunun yüzlərlə gənci bir araya toplaması, onların müxtəlif layihələrdə əməkdaşlıq etmələri və dövlətimizin başçısının yürütdüyü uğurlu gənclər siyasətini bir parçasına çevrilmələri bu təbəqənin püxtələşməsi üçün zəmin yaradıb.
Nazir vurğulayıb ki, Azərbaycan gəncliyi Prezident İlham Əliyevin qayğısını daim hiss edir. Bunun məntiqi nəticəsidir ki, oktyabrın 9-da keçirilmiş Azərbaycan Respublikasının Prezidenti seçkilərində gənclər yekdilliklə dövlətimizin başçısı İlham Əliyevə səs veriblər. Həmçinin “Mənim Prezidentim” Gənclərin Təşəbbüs Qrupu çərçivəsində dövlətimizin başçısı İlham Əliyevin namizədliyinin dəstəklənməsi istiqamətində müxtəlif layihələr həyata keçiriblər.
Çıxış edən təşəbbüs qrupunun üzvləri - “İrəli” İctimai Birliyinin sədri Rauf Mərdiyev, “Vətəndaş Cəmiyyətində Debat” İctimai Birliyinin sədri Seymur Hüseynov və Azərbaycan Tələbə Gənclər Təşkilatları İttifaqı sədrinin müavini Nərgiz Hüseynova həyata keçirilən layihələr barədə məlumat verib, ölkəmizdə gənclərə göstərilən dövlət qayğısından danışıblar.
Natiqlər qeyd ediblər ki, “Mənim Prezidentim” Gənclərin Təşəbbüs Qrupunun əsas məqsədi son on ildə Azərbaycan Respublikasının Prezidenti İlham Əliyev tərəfindən ölkədə aparılan uğurlu siyasətin nəticələrini geniş ictimaiyyətə, xüsusilə gənclərə çatdırmaqdır.
“Mənim Prezidentim” Vətənini sevən, onu daha yüksəklərdə görmək istəyən, daha parlaq Azərbaycan üçün çalışan dövlətimizin başçısı İlham Əliyevə dəstək olan gənclərin sinerjisidir. “Mənim Prezidentim” sıralarında yüz minləri birləşdirən gənclər hərəkatıdır.
Bildirilib ki, avqustun 23-dən başlayan kampaniyanın mühüm cəhətlərindən biri fəaliyyət dairəsinin geniş olmasıdır. “Mənim Prezidentim” kampaniyası yalnız Bakı şəhərini deyil, Azərbaycanın bir çox böyük şəhər və rayonlarını əhatə edir. “Mənim Prezidentim” kampaniyası Azərbaycanda indiyədək görünməmiş layihələrə imza atıb.
Tədbirdə, həmçinin dekabrın 24-də yaradılmasının 5 illiyini qeyd edən “İrəli” İctimai Birliyinin fəaliyyətindən bəhs edən videoçarx nümayiş olunub.
Mərasim konsert proqramı ilə davam edib.

Paylaş:

Baxılıb: 1237 dəfə