Zərdabi Mətbuat Mərkəzi və “Kred Aqro” BOKT Gəncədə “dəyirmi masa” keçirib

Bakı:

28 °C

44 %

3 m/s

Əlaqə

AZ RU EN

Ana səhifə / Sosial / Zərdabi Mətbuat Mərkəzi və “Kred Aqro” BOKT Gəncədə “dəyirmi masa” keçirib

Zərdabi Mətbuat Mərkəzi və “Kred Aqro” BOKT Gəncədə “dəyirmi masa” keçirib

25.11.2014 [09:33]

Zərdabi Mətbuat Mərkəzi və “Kred Aqro” Bank Olmayan Kredit Təşkilatı “Bank-kredit sektoru - debitor-ictimaiyyət və media münasibətləri KİV müstəvisində: mövcud durum və peşəkarlığın artırılması yolları” mövzusunda sonuncu “dəyirmi masa”sını da reallaşdırıb. Tədbir ötən cümə günü “Kred Aqro” BOKT-nin Gəncə filialında baş tutub. “Dəyirmi masa”nın iştirakçıları olan bank-kredit təşkilatlarının yerli filiallarının təmsilçiləri, ölkəmizdə müntəzəm yayımlanan, ictimai fikrə təsir göstərən kütləvi informasiya vasitələrinin (KİV) bölgə müxbirləri, müstəqil KİV-lərin redaktorları və debitorlar mövzu ətrafında diskussiyalarda iştirak ediblər.
Tədbiri giriş sözü ilə açan Gəncə şəhər İcra Hakimiyyətinin məsləhətçisi Əsgər Babazadə hər iki qurumun birgə layihəsinin bütövlükdə cəmiyyətin maraqları ilə kəsişdiyini bildirib. O, “dəyirmi masa”nın Gəncə şəhərində də tərəflər arasında münasibətlərin inkişafına təsirsiz ötüşməyəcəyini qeyd edib.
Zərdabi Mətbuat Mərkəzinin sədri Rəhim Hüseynzadə rəhbəri olduğu qurumun “Kred Aqro” BOKT ilə layihə tərəfdaşlığına üç il öncə başladığını deyib: “Son iki ildə fəaliyyətimizin əsasını bölgələrdə maarifləndirmə işinin aparılması təşkil edir. Əgər 2012-2013-cü illərdəki tədbirlərimiz yalnız bank-kredit sektoru ilə media təmsilçilərini bir araya gətirirdisə cari ildə debitorlar da həmin sıraya əlavə olunub”.
“Kred Aqro” BOKT-nin departament rəhbəri, layihənin eksperti Zaur Əliyev öncə təmsil etdiyi qurum haqqında söhbət açıb. Z.Əliyev “cari ilin monitorinqinin ən yadda qalan cəhəti analitik və maarifləndirici xarakterli yazıların sayında artım tempinin davamıdır: “Bu ilin 9 ayında bütövlükdə 2013-cü ildəkindən 434 çox analitik yazının təqdimatı, ötənilki qədər maarifləndirici materialın verilməsi göstərir ki, KİV-lərimizdə bu sahəni peşəkarlıqla işıqlandıran mətbu orqanlarımız və jurnalistlərimiz mövcuddur”.
Daha sonra çıxış edən “İqtisadiyyat” qəzetinin bölgə müxbiri Zülfü Əliyev, “Kəpəz” TV-nin əməkdaşı Xəyalə Məmmədova, “AzərTAc”ın bölgə müxbiri Sabir Əliyev, “Aqrar mütəxəssis” qəzetinin redaktoru Maarif Rzayev, bank-kredit sektorunun Gəncədəki filiallarının təmsilçilərindən Ceyhun İsayev (“Kred Aqro”BOKT), Malik Əmirxanov (VİATCE), Emin Babayev (FİNCA), Orxan İsmayılov (Gəncəbank) və başqaları tədbirin əhəmiyyətindən söz açmaqla yanaşı, bir sıra təkliflərini də səsləndiriblər. Eyni zamanda, debitorlardan Fərid Ağazadə, Maqsud Qurbanov çıxışlarında kreditlərdən necə faydalandıqlarından danışmaqla yanaşı, KİV-lərin onların da fəaliyyəti barədə mövzulara üz tutmalarını arzuladıqlarını dilə gətiriblər.

Paylaş:

Baxılıb: 1199 dəfə