Xocalı faciəsinin 24-cü ildönümü ilə bağlı Tərtərdə silsilə tədbirlər keçirilib

Bakı:

25 °C

68 %

9 m/s

Əlaqə

AZ RU EN

Ana səhifə / Sosial / Xocalı faciəsinin 24-cü ildönümü ilə bağlı Tərtərdə silsilə tədbirlər keçirilib

Xocalı faciəsinin 24-cü ildönümü ilə bağlı Tərtərdə silsilə tədbirlər keçirilib

27.02.2016 [11:35]

XX əsrin dəhşətli faciələrindən olan Xocalı soyqırımı qurbanlarının xatirəsi respublikamızın hər yerində olduğu kimi, Tərtər rayonunda da dərin hüznlə anılır. Rayon İcra Hakimiyyətinin tədbirlər planına uyğun olaraq Xocalı soyqırımının 24-cü ildönümü münasibətilə Tərtər rayonunda silsilə tədbirlər keçirilib. Fevralın 26-da isə Xocalı şəhidlərinin xatirəsini yad etmək məqsədilə ümumrayon tədbiri olub.
Rayon rəhbərliyi, ağsaqqallar, gənclər, ziyalılar, müharibə veteranları, əmək kollektivlərinin nümayəndələri və Xocalıdan olan məcburi köçkünlər “Şəhidlər” abidəsi önünə gül dəstələri düzərək faciə qurbanlarının xatirəsini ehtiramla yad ediblər.
Sonra məktəblilərin Xocalı soyqırımına həsr etdikləri rəsm sərgisinə və mədəniyyət evinin hazırladığı kompozisiyaya baxış keçirilib.
Gənclər Mərkəzində təşkil olunan tədbirdə çıxış edən Tərtər rayon İcra Hakimiyyətinin başçısı Müstəqim Məmmədov erməni silahlı qüvvələrinin keçmiş SSRİ-nin 366-cı motoatıcı alayının köməyi ilə 1992-ci il fevralın 25-dən 26-na keçən gecə Xocalı şəhərində törətdikləri qırğının acı nəticələrindən, dinc əhaliyə amansız divan tutulmasından danışıb. Bildirilib ki, Xocalı soyqırımı təkcə xocalılılara qarşı deyil, Türk dünyasına, bütün bəşəriyyətə qarşı yönəldilmiş vəhşilik aktıdır.
Qeyd edilib ki, yalnız Ümummilli lider Heydər Əliyev yenidən hakimiyyətə qayıtdıqdan sonra Xocalı faciəsinə siyasi-hüquqi qiymət verilib. Faciənin dünya dövlətləri və beynəlxalq təşkilatlar tərəfindən soyqırımı kimi tanınması üçün tədbirlər görülüb. Prezident İlham Əliyevin apardığı uğurlu xarici siyasət, həmçinin Heydər Əliyev Fondunun vitse-prezidenti, İslam Əməkdaşlıq Təşkilatının Dialoq və Əməkdaşlıq üzrə Gənclər Forumunun baş əlaqələndiricisi Leyla Əliyevanın təşəbbüsü ilə həyata keçirilən “Xocalıya ədalət!” (“Justice for Khojaly!”) beynəlxalq kampaniyası çərçivəsində görülən işlər nəticəsində dünyanın 12 dövləti, ABŞ-ın isə 21 ştatı və bir sıra beynəlxalq təşkilatlar Xocalı soyqırımını rəsmən tanıyıb və bu soyqırımını pisləyən qətnamə qəbul ediblər.
Sonra “Xocalı fəryadı” mövzusunda rayon məktəbliləri arasında keçirilən inşa yazı və rəsm müsabiqələrinin qaliblərinə diplomlar təqdim olunub, həmçinin rayon mədəniyyət evinin hazırladığı “Xocalım, ay Xocalım” adlı kompazisiya nümayiş etdirilib.
Tədbirdən sonra rayon İcra Hakimiyyətinin başçısı Müstəqim Məmmədov rayonda məskunlaşmış Xocalı sakinləri ilə görüşərək, onların problemləri ilə maraqlanıb. Onlara rayon İcra Hakimiyyəti tərəfindən ərzaq yardımı paylanılıb.

Paylaş:

Baxılıb: 762 dəfə