“Bakcell” “Ən sürətli mobil rabitə şəbəkəsi 2016” mükafatına layiq görülüb

Bakı:

25 °C

60 %

13 m/s

Əlaqə

AZ RU EN

Ana səhifə / Sosial / “Bakcell” “Ən sürətli mobil rabitə şəbəkəsi 2016” mükafatına layiq görülüb

“Bakcell” “Ən sürətli mobil rabitə şəbəkəsi 2016” mükafatına layiq görülüb

10.06.2017 [10:19]

Azərbaycanın ilk mobil operatoru və aparıcı mobil internet provayderi “Bakcell” şirkəti Azərbaycanda ən sürətli mobil şəbəkə xidmətləri təchizatçısı adına layiq görülüb. İnternet sürətinin yoxlanılması və təhlili sahəsində dünya lideri olan “Ookla” şirkətinin “Speedtest” xidmətindən istifadə etməklə Azərbaycanda abunəçilər tərəfindən 2016-cı ilin 2-ci və 3-cü rüblərində aparılmış yoxlamaların nəticələrinə görə, “Bakcell” şəbəkəsində ən yüksək endirmə (download) sürəti təmin edilir.
“Tətbiq etdiyimiz ən qabaqcıl tezlik daşıyıcılarının birləşməsi texnologiyasının sayəsində indi abunəçilərimiz “Bakcell”in ultra-sürətli LTE şəbəkəsinin verdiyi üstünlüklərdən və yükləmə sürəti 225 Mbit/s çatan ən sürətli mobil internet təcrübəsindən faydalana bilirlər. Bizim uzunmüddətli planlarımıza 4G şəbəkəmizin əhatə dairəsini bütün ölkə ərazisində genişləndirmək daxildir. Biz həmçinin axınlı yayım (streaming) və digər internet xidmətləri üçün istifadə edilə bilən xüsusi data paketlərimizi də böyük məmnuniyyətlə müştərilərimizə təqdim edirik”, - deyə “Bakcell”in baş icraçı direktoru Nikolai Bekers bildirib.
Tədbirdə qeyd olunub ki, ən yaxşı mobil internet təcrübəsi və ən sürətli şəbəkəsi ilə yanaşı, “Bakcell” həmçinin daha 2 yeni innovativ və unikal mobil data məhsullarını da abunəçilərin istifadəsinə verir. Bunlar “My hour” və “YouTube” paketləridir.
Sənayedə ən unikal innovativ təkliflərdən biri olan “My hour” müştəriyə unikal imkan yaradır. Belə ki, saat (19:00-dan 01:00-dək) olan vaxtdan başqa günün istənilən saatında abunəçi xüsusi kodu yığaraq bu nadir təklifə abunə ola bilər. Bundan dərhal sonra müştəri növbəti 60 dəqiqə ərzində Limitsiz Mobil İnternetdən yüksək sürətlə istifadə etmək imkanına malik olur.
Xüsusi kodu yığaraq “YouTube” paketinə qoşulan “Bakcell” abunəçiləri isə bu eksklüziv təklifə abunə olmaqla yanaşı, hərəkətdə olarkən videoları kəsintisiz qaydada izləyə bilərlər. Bu təklif iki variantda təqdim olunur: müvafiq olaraq 2GB və 5GB, təklif 7 gün müddətində etibarlıdır.
Xatırladaq ki, “Bakcell” Azərbaycanda “Instagram”, “WhatsApp” və “Facebook” kimi eksklüziv təklifləri ilə rəqəmsal kommunikasiya vasitələri üzrə lider mövqeyə sahib olan yeganə telekommunikasiya şirkətidir.
Şirkətdən verilən məlumatda qeyd olunur ki, “Bakcell” abunəçiləri üçün ən qabaqcıl mobil rabitə təcrübəsini təmin etmək üçün öz şəbəkəsinə investisiya qoyuluşlarını bundan sonra da davam etdirəcəkdir.
Səlim LOĞMANOĞLU

Paylaş:

Baxılıb: 557 dəfə