Milli Qəhrəman Əliyar Əliyevin xatirəsi anılıb

Bakı:

24 °C

75 %

13 m/s

Əlaqə

AZ RU EN

Ana səhifə / Sosial / Milli Qəhrəman Əliyar Əliyevin xatirəsi anılıb

Milli Qəhrəman Əliyar Əliyevin xatirəsi anılıb

15.12.2017 [10:07]

Qubadlı rayon İcra Hakimiyyətinin təşkilatçılığı ilə Sumqayıtdakı “28 May” Mədəniyyət Evində Azərbaycanın Milli Qəhrəmanı Əliyar Əliyevin 60 illik yubileyi ilə əlaqədar tədbir keçirilib. Tədbirdə rayon İcra Hakimiyyətinin məsul nümayəndələri, hüquq mühafizə orqanları, idarə, müəssisə və təşkilat rəhbərləri, Milli Qəhrəmanın ailə üzvləri və döyüş yoldaşları, ictimaiyyət nümayəndələri iştirak ediblər.
AZƏRTAC xəbər verir ki, əvvəlcə Milli Qəhrəman Əliyar Əliyevin xatirəsinə həsr edilmiş film nümayiş olunub.
Tədbirdə çıxış edən Qubadlı rayon İcra Hakimiyyətinin başçısı Malik İsaqov bildirib ki, Ermənistan-Azərbaycan, Dağlıq Qarabağ münaqişəsi nəticəsində Qubadlıdan 238 nəfər şəhid olub, 200-ə yaxını ağır yaralanıb. 300-dən artıq rayon sakini əlil olub, 100-dən çox insan itkin düşüb. On bir nəfər Milli Qəhrəman adına layiq görülüb.
Qeyd edilib ki, Əliyar Əliyev 1957-ci il dekabrın 14-də Qubadlının Qəzyan kəndində anadan olub. Qarabağ müharibəsi başlayanda Əliyar könüllü olaraq Azərbaycan Silahlı Qüvvələrinin sırasına qoşulub, düşmənlə mübarizədə igidliyi ilə fərqlənib. 1992-ci ildə mayor Əliyar Əliyevə ölümündən sonra “Azərbaycanın Milli Qəhrəmanı” adı verilib.
Əminliklə bildirilib ki, yaxın gələcəkdə Prezident, Ali Baş Komandan İlham Əliyevin rəhbərliyi ilə torpaqlarımız işğaldan azad olunacaq və üçrəngli bayrağımız Qarabağda dalğalanacaq.
Milli Qəhrəmanın oğlu Emin Əliyev və döyüş yoldaşları şəhidlərimizin xatirəsinin daim əziz tutularaq diqqət mərkəzində saxlanıldığına görə dövlətimizin başçısına və rayon rəhbərliyinə minnətdarlıqlarını bildiriblər. Vurğulanıb ki, Qubadlı rayonunda da şəhid ailələri diqqət və qayğı ilə əhatə olunublar. Dövlətimiz şəhid ailələrinin sosial problemi ilə yaxından maraqlanır, onların problemlərini həll edir.
Çıxışlardan sonra şəhidlərimizin xatirəsinə həsr edilmiş şeirlər səsləndirilib.
Tədbirdə respublikanın tanınmış incəsənət xadimləri vətənpərvərlik mahnıları ifa ediblər.
Qeyd edək ki, Azərbaycanın Milli Qəhrəmanı Əliyar Yusif oğlu Əliyevin 60 illik yubileyi münasibətilə Qubadlı rayon İcra Hakimiyyətinin təşkilatçılığı ilə noyabr və dekabr aylarında bir sıra silsilə tədbirlər, idman yarışları keçirilib. Sumqayıt Olimpiya İdman Kompleksində yeniyetmələr arasında yunan-Roma güləşi üzrə respublika turniri, Hafiz Quliyev adına Çaytumas məktəb-liseyində uşaq və yeniyetmələr arasında şahmat yarışları və rayon ümumtəhsil məktəblərinin komandaları arasında atletika üzrə rayon birincilikləri bu səpkili tədbirlərdəndir.

Paylaş:

Baxılıb: 553 dəfə