Heydər Əliyev
yeni azerbaycan logo

Ana səhifə / Sosial / Balakənli istehsalçı: “ABAD”ın dəstəyi ilə gələcəkdə cem və mürəbbə istehsalını daha da artırmağı düşünürük

Balakənli istehsalçı: “ABAD”ın dəstəyi ilə gələcəkdə cem və mürəbbə istehsalını daha da artırmağı düşünürük

23.01.2018 [10:09]

“ABAD”ın dəstək göstərdiyi Balakən rayonunun sakini Əlixan Əliyevin ailəsi uzun illərdir ki, cem və mürəbbə istehsalı ilə məşğul olur. Ailə indiyədək hazırladığı məhsulların bir hissəsini öz tələbatları üçün istifadə edib, qalan hissəsini isə yerli bazarda satışa çıxarıb.
Əlixan Əliyev cem və mürəbbə istehsalı üzrə ailə biznesini inkişaf etdirmək, böyük bazarlara, ticarət şəbəkələrinə, supermarketlərə çıxış əldə etmək üçün “Ailə Biznesinə ASAN Dəstək” layihəsinə - “ABAD”a qoşulmaq qərarına gəlib. İstehsalçının müraciəti qurum tərəfindən müsbət qarşılanıb. O, artıq bir ildir ki, “ABAD”la əməkdaşlıq edir.
Balakənli istehsalçı AZƏRTAC-ın bölgə müxbirinə müsahibəsində deyib: “Əvvəllər cem və mürəbbələri ev şəraitində kustar üsulla hazırlayırdıq. “ABAD” ailəmizi içərisində zəruri istehsal avadanlığı olan monoblok-konteynerlə təmin etdi. İndi işimiz xeyli asanlaşıb. İstehsal etdiyimiz məhsulu “Yay səbəti” brendi altında satışa çıxarırıq. Əsasən, zoğal, ərik, albalı, böyürtkən mürəbbələri, armud və əncir cemləri istehsal olunur. Mürəbbə və cemlərin hazırlanmasında öz bağımızdan topladığımız meyvələrdən istifadə edirik. Heç bir qatqısız, tam təbii olan bu məhsullar özünəməxsus dadı ilə seçilir. Məhsullarımız müvafiq uyğunluq və gigiyena sertifikatlaşdırmasından da keçib”.
Əlixan Əliyev gələcəkdə bazara çıxarılacaq məhsulların çeşidini artırmaqla biznesini daha da genişləndirməyi düşünür. Balakənli istehsalçı bu işdə “ABAD”ın dəstəyinə güvənir.

Paylaş:
Baxılıb: 475 dəfə

Xəbər lenti

Hamısına bax

YAP xəbərləri

Arxiv
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31