Heydər Əliyev
yeni azerbaycan logo

Ana səhifə / Sosial / Tərtərlilər seçkidə böyük fəallıqla iştirak ediblər

Tərtərlilər seçkidə böyük fəallıqla iştirak ediblər

12.04.2018 [10:36]

Məlum olduğu kimi, dünən ölkəmizdə növbəti prezident seçkiləri keçirildi. Və birmənalı olaraq bildirmək yerinə düşər ki, bundan öncəki seçkilərdə olduğu kimi, bu mühüm siyasi prosesdən də xalqımız üzüağ çıxdı. Səhər erkən seçki məntəqələrinə üz tutan vətəndaşlarımız azad və sərbəst şəkildə öz seçimlərini etdilər. Yeri gəlmişkən, seçki prosesini izləyən beynəlxalq müşahidəçilər də seçkilərin yüksək səviyyədə təşkil olunduğunu, vətəndaşların bu seçkidə göstərdiyi aktivliyi yüksək qiymətləndirdiklərini bəyan etdilər. Bu proses Tərtərdə də yüksək seçici fəallığı ilə müşahidə edilib.
Yeni Azərbaycan Partiyası (YAP) Tərtər rayon təşkilatının sədri Ramiz Şabanovun verdiyi məlumata görə, tərtərlilər iki seçki dairəsi üzrə səs veriblər. Bunlar 38 seçki məntəqəsində 38038 seçicinin qeydiyyatda olduğu 95 saylı Tərtər seçki dairəsi, 3 seçki məntəqəsində 2890 seçicinin qeydiyyatda olduğu 97 saylı Goranboy-Ağdam-Tərtər seçki dairəsidir.
Məlumat üçün bildirək ki, Tərtərdə gün ərzində yüksək seçici fəallığı qeydə alınıb.
Öz növbəsində, Təranə Məmmədova, Afaq Rəhimova, Nihad Həsənov, Elman İsayev və başqa seçicilər də səsvermə hüququndan istifadə edərkən heç bir təzyiqə və qanun pozuntusuna rast gəlmədiklərini, azad şəkildə öz seçimlərini etdiklərini deyiblər.
Seçkiləri izləyən yerli müşahidəçilər, o cümlədən Müasir Müsavat Partiyasının təmsilçisi Elman Hüseynov, Azərbaycan Demokrat Partiyasının müşahidəçisi Sabir Zeynalov, Milli Dirçəliş Hərəkatı Partiyasının təmsilçisi Günay Qarayeva və digərləri prosesin gedişindən razılıqlarını bildiriblər.

Paylaş:
Baxılıb: 447 dəfə

Xəbər lenti

Hamısına bax

YAP xəbərləri

Arxiv
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31