Heydər Əliyev
yeni azerbaycan logo

Ana səhifə / Sosial / AZƏRTAC ilə Özbəkistan Milli İnformasiya Agentliyi arasında əməkdaşlıq möhkəmləndiriləcək

AZƏRTAC ilə Özbəkistan Milli İnformasiya Agentliyi arasında əməkdaşlıq möhkəmləndiriləcək

29.01.2019 [09:50]

Azərbaycan ilə Özbəkistan arasında informasiya sahəsində əməkdaşlığın möhkəmləndirilməsinə dair məsələlər müzakirə olunub.
Müzakirə Azərbaycanın Özbəkistandakı səfirliyinin birinci katibi, Daşkənddəki Heydər Əliyev adına Azərbaycan Mədəniyyət Mərkəzinin direktoru Samir Abbasovun Özbəkistan Milli İnformasiya Agentliyinin (UzA) baş direktoru Abdusaid Koçimovla görüşündə aparılıb.
Abdusaid Koçimov son zamanlar Özbəkistanda görülən işlər, ölkələrimiz arasında dostluq münasibətləri haqqında danışıb. O, Azərbaycan Dövlət İnformasiya Agentliyi (AZƏRTAC) ilə əməkdaşlığın genişləndirilməsi, gələcəkdə bununla bağlı memorandumun imzalanması və digər məsələlərə dair təkliflərini bildirib.
S.Abbasov Azərbaycanın son illərdə əldə etdiyi nailiyyətlər, Prezident İlham Əliyevin rəhbərliyi ilə ölkəmizdə həyata keçirilən nəhəng layihələr, eləcə də Ermənistan-Azərbaycan Dağlıq Qarabağ münaqişəsi barədə məlumat verib. O, ölkəmizlə bağlı həqiqətlərin dünyaya çatdırılmasında medianın rolunu vurğulayıb.
Mərkəzin direktoru Özbəkistan Milli İnformasiya Agentliyinin AZƏRTAC və Mətbuat Şurası ilə əməkdaşlığına dair memorandumun imzalanması istiqamətində müvafiq iş aparılacağını söyləyib. O, Mədəniyyət Mərkəzinin 2013-cü ildən bəri hər il Azərbaycan haqqında, habelə Azərbaycan-Özbəkistan dostluğunun təbliğinə dair keçirdiyi “İlin ən yaxşı məqalə və televiziya verilişi” müsabiqəsində tərəfdaş kimi UzA agentliyinin iştirakı barədə təklif irəli sürüb. Təklif qəbul edilib.

Paylaş:
Baxılıb: 483 dəfə

Xəbər lenti

Hamısına bax

İqtisadiyyat

Sosial

Ədəbiyyat

Ədəbiyyat

Dialoqlar

16 May 08:50

Ədəbiyyat

Şənbə üçün nəzm

16 May 08:33  

Ədəbiyyat

Arxiv
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31