Yeni Azərbaycan Partiyası siyasi şurasının üzvü, professor İradə Hüseynovanın kitablarının təqdimatı

Bakı:

26 °C

54 %

12 m/s

AZ RU EN

Ana səhifə / Sosial / Yeni Azərbaycan Partiyası siyasi şurasının üzvü, professor İradə Hüseynovanın kitablarının təqdimatı

Yeni Azərbaycan Partiyası siyasi şurasının üzvü, professor İradə Hüseynovanın kitablarının təqdimatı

31.05.2019 [10:52]

Mayın 29-da "Azərkitab" Kitab Təbliğatı Mərkəzində Bakı Dövlət Universitetinin (BDU) Qafqaz xalqları tarixi kafedrasının müdiri, tarix elmləri doktoru, professor İradə Hüseynovanın ali məktəblər üçün "Heydər Əliyev və Qafqazda sülh prosesi" adlı fundamental əsəri - monoqrafiya xarakterli dərsliyinin təqdimatı olub. "Avrasiya Beynəlxalq Araşdırmalar İnstitutu”", "Regional Hüquqi və İqtisadi Maarifləndirmə" İctimai birlikləri və "Azərkitab"ın” təşkilatçılığı ilə baş tutan təqdimatda Azərbaycan Respublikası Yazıçılar Birliyinin sədri, Xalq yazıçısı Anar, millət vəkilləri Qənirə Paşayeva, Aydın Hüseynov, Elman Nəsirov, "Regional Hüquqi və İqtisadi Maarifləndirmə" İctimai Birliyinin sədri Arzu Bağırova və başqaları iştirak ediblər.
Çıxışçılar Əliyevşünaslığa və qafqazşünaslığa dəyərli ərməğan sayıla bilən bu fundamental dərsliyin tələbə və magistrlərin, tarixçi müəllim və alimlərin, politoloqların, həmçinin geosiyasi və beynəlxalq problemlərlə məşğul olan mütəxəssislərin, diplomatların stolüstü kitabına çevriləcəyinə əminliyini ifadə ediblər.
Qeyd edilib ki, qafqazşünaslıqda və Vətən tarixşünaslığında ilk təcrübə olan bu dərslikdə Ulu Öndər Heydər Əliyevin siyasi və dövlətçilik fəaliyyətində müstəsna əhəmiyyətli yer tutan bir tarixi problem – Şərqlə Qərbin, Cənubla Şimalın arasında mühüm geosiyasi, geostrateji mövqeyi olan, dünya sivilizasiyasının nadir məskəni sayılan Qafqazda sülhün, təhlükəsizliyin və əmin-amanlığın bərqərar olması, davamlı sülhün təmin edilməsi uğrunda apardığı siyasət, həyata keçirdiyi tədbirlər, ideya müəllifi olduğu "Ümumi Qafqaz evi" sülh strategiyası elmi cəhətdən sistemli təhlil olunur, "Vətəndə sülh, bölgədə sülh" siyasətinin müasir mərhələdə uğurla davam və inkişaf etdirilməsi problemləri kompleks şəkildə araşdırılır.
Tədbirdə o da vurğulanıb ki, dərslik uzun illər təcrübədə uğurla sınaqdan çıxmış "Heydər Əliyev və Qafqazda sülh prosesi" tədris proqramı əsasında hazırlanıb. Əsər Qafqazda sülh və inteqrasiya proseslərində Azərbaycanın yeri və rolunu özündə təcəssüm etdirən, 1993-cü ildən bəri regionda cərəyan edən hadisələrin obyektiv, hərtərəfli və ümumiləşdirilmiş şəkildə təhlilini verən ilk təcrübədir.
Ali təhsil müəssisələrində çalışan müəllimlər, alimlər, politoloqlar, həmçinin geosiyasi və beynəlxalq problemlərlə məşğul olan mütəxəssislər, magistrlər və geniş oxucu kütləsi üçün nəzərdə tutulan kitab giriş, on iki fəsil, nəticə, istifadə olunmuş zəngin mənbə və elmi ədəbiyyatın siyahısından ibarətdir.
Professor İradə Hüseynovanın "Heydər Əliyev və Qafqazda sülh prosesi" dərsliyinə kitabın elmi redaktoru professor Əli Həsənov tərəfindən sanballı, analitik xarakterli geniş "Ön söz" yazılıb. Dərsliyə görkəmli akademiklər Ziyad Səmədzadə və Xoşbəxt Yusifzadə rəy veriblər.
Xatırladaq ki, Əliyevşünas və qafqazşünas alim İradə Hüseynova 300-ə yaxın elmi əsərin – Əliyevşünaslıq elminə dəyərli töhfələr olan "Dövlətçilik naminə" (Bakı, 2001), "Müstəqilliyimizin təminatçısı" (Bakı, 2003), "Müstəqil Azərbaycan dövlətinin qurucusu" (Bakı, 2004), "Qeydar Aliev – ot politiçeskoqo rukovoditelə k obhenaüionalğnomu lideru" (Bakı, 2005), "Tarix. Zaman. Düşüncələr." I cild. (Bakı 2016) adlı monoqrafiyaların, qafqazşünaslıq sahəsində - "Qafqaz xalqlarının tarixi" (Bakı, 2006), "Heydər Əliyev və Qafqazda sülh prosesi" (Bakı, 2008) adlı fundamental dərsliklərin, postsovet məkanında ilk dəfə olaraq "İstoriçeskaə gnüiklopediə Kavkaza" (Bakı, 2010) adlı irihəcmli ensiklopedik nəşrin müəllifidir.
M.BAYRAMLI

Paylaş:

Baxılıb: 546 dəfə