"Altıncı çağırış Milli Məclisin çoxpartiyalılıq prinsipi əsasında formalaşması islahatlar prosesinə öz töhfəsini verəcək"

Bakı:

28 °C

47 %

8 m/s

AZ RU EN

Ana səhifə / Sosial / "Altıncı çağırış Milli Məclisin çoxpartiyalılıq prinsipi əsasında formalaşması islahatlar prosesinə öz töhfəsini verəcək"

"Altıncı çağırış Milli Məclisin çoxpartiyalılıq prinsipi əsasında formalaşması islahatlar prosesinə öz töhfəsini verəcək"

13.03.2020 [10:26]

"2018-ci ilin prezident seçkilərindən sonra ölkə başçısı cənab İlham Əliyev tərəfindən elan olunmuş islahatlar kursu yeni mərhələyə daxil olmaqdadır". Bunu "İnformasiya Təşəbbüslərinə Dəstək" İctimai Birliyinin sədri, QHT.az saytının rəhbəri Cəsarət Hüseynzadə deyib.
Onun sözlərinə görə, ölkəmizdə konseptual və struktur xarakterli islahatlar sürətlə həyata keçirilməkdədir: "Sevindirici haldır ki, bu islahatlar müxtəlif sahələrdə paralel aparılmaqla yanaşı, vahid baxışı ifadə edir. Şübhəsiz bu, ölkə Prezidentinin Azərbaycanın inkişafı və gələcəyi ilə bağlı olan strateji konsepsiyasıdır".
Cəsarət Hüseynzadə bu istiqamətdə atılan addımlar sırasında cari ilin fevral ayından başlayaraq, Prezident Administrasiyasında siyasi partiyaların rəhbərləri keçirilən görüşləri də xüsusi olaraq vurğulayıb. "Azərbaycan hakimiyyəti ölkənin bütün siyasi qüvvələri ilə dialoqun tərəfdarı olduğunu növbəti dəfə nümayiş etdirdi", – deyən təşkilat sədri onu da əlavə edib ki, altıncı çağırış Milli Məclisin çoxpartiyalılıq prinsipi əsasında formalaşması islahatlar prosesinə öz töhfəsini verəcək.
"Məlum olduğu kimi, Yeni Azərbaycan Partiyası Milli Məclisdə böyük üstünlük qazanıb. Hakim partiya 70, bitərəflər 41, digər partiyalar isə 10 millət vəkili ilə Milli Məclisdə təmsil olunur. Sözsüz ki, çoxluq olaraq Yeni Azərbaycan Partiyası həm parlament rəhbərliyində, həm də komitələr üzrə öz üzvlərinin seçilməsi üçün kifayət qədər səsə malik idi. Lakin Prezident İlham Əliyev tərəfindən siyasi sistemi möhkəmləndirmək üçün mühüm bir addım atıldı. Ölkə başçısı Yeni Azərbaycan Partiyasının rəhbəri olaraq, parlament rəhbərliyinin demək olar ki, paritet əsasda formalaşması ideyasını irəli sürdü. Milli Məclisin rəhbərliyi YAP, bitərəflər və azlıqda qalan müxalifət partiyalarının nümayəndələrindən formalaşdırıldı".
Onun sözlərinə görə, başqa bir məqam isə YAP tərəfindən spiker postuna xanım deputatın namizədliyinin irəli sürülməsi idi.
Cəsarət Hüseynzadə Milli Məclisin komitə rəhbərliklərində də müxalifət partiyalarına və bitərəflərə böyük etimad göstərildiyini qeyd edib.
"Prezident İlham Əliyev altıncı çağırış Milli Məclisin açılış iclasındakı çıxışında xüsusi olaraq, islahat kursunun davam etdiyini bildirmişdir. Prezident hazırkı mərhələdə bu kursun iqtidar tərəfindən siyasi partiyalara yönəlmiş addımlar kimi qiymətləndirərək, onları ölkənin ictimai və siyasi həyatında daha aktiv olmağa səsləmişdir", – deyə təşkilat sədri bildirib.

Paylaş:

Baxılıb: 500 dəfə