Mahirə Hüseynova: Azərbaycan qlobal müstəvidə koronavirus pandemiyasına qarşı mübarizədə fəal rol oynayır

Bakı:

27 °C

48 %

2 m/s

AZ RU EN

Ana səhifə / Sosial / Mahirə Hüseynova: Azərbaycan qlobal müstəvidə koronavirus pandemiyasına qarşı mübarizədə fəal rol oynayır

Mahirə Hüseynova: Azərbaycan qlobal müstəvidə koronavirus pandemiyasına qarşı mübarizədə fəal rol oynayır

09.07.2020 [09:58]

“Ölkəmizdə COVID-19 infeksiyasının geniş yayılmasının qarşısının alınması və onun fəsadlarının aradan qaldırılması istiqamətlərində zəruri preventiv tədbirlərin görülməsi bütövlükdə vəziyyəti nəzarət altında saxlamağa imkan verib. Azərbaycan nəinki milli səviyyədə pandemiya ilə mübarizədə səmərəli tədbirlər həyata keçirir, eyni zamanda, regional və qlobal miqyasda həmrəyliyin və əməkdaşlığın gücləndirilməsinə əhəmiyyətli töhfələr verir. Ümumdünya Səhiyyə Təşkilatına 10 milyon dollar məbləğində könüllü ianənin ayrılması və 30-dan artıq dövlətə humanitar yardımın göstərilməsi məhz bu qlobal həmrəyliyin nümunəsi kimi dəyərləndirilməlidir”. Bu fikirləri Azərbaycan Dövlət Pedaqoji Universitetinin Filologiya fakültəsinin dekanı, filologiya üzrə elmlər doktoru, professor Mahirə Hüseynova “Yeni Azərbaycan” qəzetinə açıqlamasında bildirib.
Professor vurğulayıb ki, Prezident İlham Əliyevin digər təşəbbüsləri ilə yanaşı, qlobal həmrəylik nümunəsi kimi pandemiya ilə mübarizə məqsədilə BMT Baş Assambleyasının xüsusi sessiyasının keçirilməsi təklifinin 130-dan çox dövlət tərəfindən dəstəklənməsi beynəlxalq ictimaiyyət tərəfindən ölkəmizə, eləcə də dövlətimizin başçısına olan böyük etimadın və hörmətin növbəti göstəricisidir: “Bəşəriyyət yalnız bir olaraq, həmrəylik nümayiş etdirməklə pandemiyaya qalib gələ bilər. Belə çətin günlərdə Qoşulmama Hərəkatına sədrlik edən Azərbaycanın öz üzərinə düşən məsuliyyəti layiqincə yerinə yetirməsi, Prezident İlham Əliyevin müvafiq təşəbbüsünün dəstəklənməsi, beynəlxalq aləmdə yüksək qiymətləndirilməsi müstəqil Azərbaycana, onun Prezidentinə olan böyük etimadın, etibarın, inamın növbəti ifadəsidir”.
M.Hüseynova qeyd edib ki, dövlət başçısının uğurlu fəaliyyətinin, təşəbbüslərinin dünya birliyi tərəfindən dəstəklənməsi qürurvericidir və hər birimiz inanırıq ki, məhz Prezident İlham Əliyevin koronavirusla mübarizə çərçivəsində qlobal çağırışları bu problemin həllində əhəmiyyətli rola malik olacaq: “Artıq bütün dünya görür və etiraf edir ki, Azərbaycan qlobal müstəvidə koronavirus pandemiyasına qarşı mübarizədə fəal rol oynayır. Ölkəmizdə bu istiqamətdə aparılan işlər Prezident İlham Əliyev şəxsən nəzarətindədir. O cümlədən Birinci vitse-prezident Mehriban Əliyevanın bu istiqamətdə göstərdiyi dəstək əvəzsizdir”.
Müşfiqə BAYRAMLI

Paylaş:

Baxılıb: 401 dəfə