Bənövşə Əhmədova: Əhalinin içməli suya əlçatanlığına nail olunması və keyfiyyətli su ilə təminatı istiqamətində mühüm işlər görülür

Bakı:

20 °C

77 %

6 m/s

AZ RU EN

Ana səhifə / Sosial / Bənövşə Əhmədova: Əhalinin içməli suya əlçatanlığına nail olunması və keyfiyyətli su ilə təminatı istiqamətində mühüm işlər görülür

Bənövşə Əhmədova: Əhalinin içməli suya əlçatanlığına nail olunması və keyfiyyətli su ilə təminatı istiqamətində mühüm işlər görülür

26.07.2020 [14:33]

“Azərbaycanda regionların sosial-iqtisadi inkişaf proqramlarının icrası əhalinin sosial rifahının daha da yüksəldilməsinə, ümumilikdə ölkəmizin qüdrətlənməsinə mühüm töhfələr verib. Son illərdə şəhər və rayon mərkəzləri ilə yanaşı, kənd və qəsəbələrin böyüməsi, abadlaşması, yeni istehsal, emal və xidmət müəssisələrinin fəaliyyətə başlaması regionlarda həyat səviyyəsinin yüksəlməsinə ciddi təsir edir. Onu da qeyd edim ki, Prezident İlham Əliyevin vətəndaşların fasiləsiz və keyfiyyətli içməli su ilə təmin edilməsi barədə imzaladığı müvafiq sərəncamlara, həmçinin verdiyi tapşırıqlara uyğun olaraq regionlarda nəhəng layihələr icra edilir”.

Bunu Yeni Azərbaycan Partiyası (YAP) Naftalan şəhər təşkilatı Gənclər Birliyinin üzvü Bənövşə Əhmədova deyib.

B.Əhmədovanın sözlərinə görə, ölkəmizdə əhalinin içməli suya əlçatanlığına nail olunması və keyfiyyətli su ilə təminatı istiqamətində mühüm işlər görülür: “Yuxarıda qeyd etidyim kimi, bütün infrastruktur layihələrinin ardıcıl şəkildə icrası nəticəsində ölkəmiz sürətlə inkişaf edir. Bu infrastruktur layihələri arasında içməli su ilə təminat layihələri xüsusi əhəmiyyət kəsb edir. 2004-cü ildə Azərbaycanda içməli su ilə təminat 40 faiz səviyyəsində idi. Bu gün isə bu rəqəm 70 faizə çatıb. Regionlarda əhalinin içməli su ilə təminatın əhatə dairəsi cəmi 9 faiz idi. Bu gün bu rəqəm 63 faizdir”.

Prezident İlham Əliyevin rəhbərliyi ilə həyata keçirilən layihələrin vaxtında və keyfiyyətlə icra edildiyini bildirən B.Əhmədova əkin sahələrinin su ilə təminatını tam həll edilməsinin əhəmiyyətini də qeyd edib: “Son illərdə içməli su ilə təminat və meliorasiya layihələrinə böyük vəsait qoyulur. Azərbaycanda nəhəng su layihələrinin icrası vəziyyəti tamamilə müsbət tərəfə dəyişib, onların arasında Oğuz-Qəbələ-Bakı su kəməri, Taxtakörpü su anbarının tikintisi tarixi layihədir. Buradan təqribən 30 min hektar suvarılmayan torpaqlara su verilir. Digər böyük layihə Ceyranbatan su anbarının yenidən qurulması və müasir təmizləyici qurğuların inşa edilməsidir. Şəmkirçay su anbarı da əhəmiyyətlidir. Anbarın su tutumu 165 milyon kubmetrdir və qərb zonasının bir neçə rayonu bu imkanlardan faydalanır. Cənub zonasında yerləşən Göytəpə və Tovuzçay su anbarları da inşa edilib. Son 17 il ərzində yaradılmış böyük su anbarlarının həcmi 470 milyon kubmetrdir. Eyni zamanda 22 kanalın yenidən qurulması nəzərdə tutulur. Bunun nəticəsində təqribən 300 min hektara yaxın əkin sahəsinin su ilə təminatını tam həll ediləcək”.

Paylaş:

Baxılıb: 505 dəfə