Heydər Əliyev
yeni azerbaycan logo

Ana səhifə / Sosial / Niderland portalında Naftalan nefti barədə məqalə dərc edilib

Niderland portalında Naftalan nefti barədə məqalə dərc edilib

09.02.2021 [09:23]

Niderlandın “Volkskrant” portalında Azərbaycanın Naftalan nefti haqqında məqalə dərc olunub.
AZƏRTAC xəbər verir ki, məqalədə Naftalan neftinin aşkarlanmasının tarixi, bu neftin bronxit, vərəm, eqzema, artroz, revmatizm kimi xəstəliklərin müalicəsində istifadə olunmasından bəhs edilib.
Bildirilib ki, neft vannasının qəbulu başqa ölkələrdə qəribə səslənsə də, bu müalicə üsulu Naftalada geniş yayılıb.
Diqqətə çatdırılıb ki, dünyanın ən qədim neft yatağı və neft buruğu Bakıda yerləşir. Hələ XIX əsrdə xarici sahibkarlar, o cümlədən Rokfeller, Rotşild ailəsi, Nobel qardaşları, həmçinin “Royal Oil”in nümayəndələri böyük sərvət qazanmaq məqsədilə Azərbaycana üz tutublar.
Məqalədə bildirilir ki, 1900-cü ildə dünya neft hasilatının yarısı Azərbaycanın payına düşüb.
Yazıda, həmçinin Naftalan nefti ilə müalicə prosedurları ətraflı təsvir olunub. Qeyd edilib ki, Naftalandakı müalicə mərkəzləri ildə 80 mindən çox xəstə qəbul edir.

Paylaş:
Baxılıb: 656 dəfə

Xəbər lenti

Hamısına bax
Arxiv
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31