Heydər Əliyev
yeni azerbaycan logo

Ana səhifə / Sosial / Yaqut Qarayeva: Aprelin ortalarından etibarən ölkəmizdə koronavirusa yoluxma faizi azalıb

Yaqut Qarayeva: Aprelin ortalarından etibarən ölkəmizdə koronavirusa yoluxma faizi azalıb

26.05.2021 [09:37]

Aprel ayının ortalarından etibarən ölkəmizdə koronavirusa yoluxma faizi 10 faizdən aşağıdır. Son günlərdə isə bu rəqəm 3-5 faizə qədər enib. Bu da çox yaxşı bir göstəricidir.
AZƏRTAC xəbər verir ki, bunu Nazirlər Kabineti yanında Operativ Qərargahın bu gün keçirilən brifinqində Tibbi Ərazi Bölmələrini İdarəetmə Birliyinin (TƏBİB) xəstəliklərin profilaktikası və kontrolu departamentinin müdiri Yaqut Qarayeva deyib.
Onun sözlərinə görə, statistik göstəricilərdə ciddi dəyişiklik qeydə alınmır. Yenə də qadınlar arasında yoluxma kişilərə nisbətən çoxdur.
Departament müdiri bildirib ki, hər zaman olduğu kimi Azərbaycanda COVID-19-a ən çox yoluxma halı Bakı, Sumqayıt şəhərləri və Abşeronda qeydə alınır: “Yoluxma hallarının 54 faizə yaxını paytaxtda müşahidə edilir. Rayonlarda statistika yaxşıdır və yoluxmaların azalması ilə bağlı müsbət dinamika var. Keçən il bu vaxtı cənub bölgəsi və digərlərində çox ciddi yoluxma halları var idi. Hətta lokal qapanmalar belə tətbiq olunurdu. Hazırda pozitiv dinamika mövcuddur və bölgələrdə yoluxma sayları azalıb. Paytaxt üzrə isə ən çox yoluxma faktları Binəqədi və Xətai rayonlarında müşahidə olunur”.
“Bir il ərzində yaş qrupları arasında koronavirusa yoluxmalarda ciddi dəyişiklik olmayıb. Ən çox yoluxma yenə də sosial aktiv olan yaş qruplarında qeydə alınır. Belə ki, yoluxma halları daha çox 30-69 yaş qrupunda müşahidə olunur”, - deyə Y.Qarayeva diqqətə çatdırıb.

Paylaş:
Baxılıb: 634 dəfə

Xəbər lenti

Hamısına bax

Mədəniyyət

Gündəm

MEDİA

Siyasət

İqtisadiyyat

Ədəbiyyat

Sosial

Ədəbiyyat

Arxiv
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31