Yeni Azərbaycan Partiyası 20 il şərəfli yüksəliş yolunda

Bakı:

11 °C

87 %

1 m/s

Əlaqə

AZ RU EN

Ana səhifə / YAP xəbərləri / Yeni Azərbaycan Partiyası 20 il şərəfli yüksəliş yolunda

Yeni Azərbaycan Partiyası 20 il şərəfli yüksəliş yolunda

09.11.2012 [02:04]

YAP Gəncə şəhər təşkilatı yubiley tədbiri keçirib
Dünən Yeni Azərbaycan Partiyasının (YAP) yaradılmasının 20 illiyi münasibəti ilə YAP Gəncə şəhər təşkilatının qərargahında yubiley tədbiri keçirilib.
Tədbir iştirakçıları şəhərin baş meydanında Ulu öndər Heydər Əliyevin abidəsini ziyarət edərək, abidənin önünə gül-çiçək dəstələri qoyublar.
Sonra tədbirin rəsmi hissəsi başlanıb.
YAP Gəncə şəhər təşkilatının sədri İsrafil İsmayılov geniş məruzə ilə çıxış edib.
Bildirib ki, əsası Ulu öndər Heydər Əliyev tərəfindən qoyulmuş, bu il yaradılmasının 20 illiyini qeyd etdiyimiz YAP-ın strateji xətti Azərbaycanın dövlət müstəqilliyni möhkəmləndirməklə bərabər, onu inkişaf etmiş qüdrətli dövlətə çevirmək, xalqın maddi rifah halını yaxşılaşdırmaq, sosialyönümlü iqtisadiyyatın yaradılması ilə dünya dövlətləri arasında layiqli yerini tutmasından ibarətdir.
Tədbirdə YAP Siyasi Şurasının üzvü, millət vəkili Aydın Mirzəzadə, YAP Siyasi Şurasının üzvü Qafar Əliyev, AMEA-nın müxbir üzvü, Gəncə Regional Elm Mərkəzinin direktori Fuad Əliyev, YAP Gəncə şəhər təşkilatının Qadınlar Sürasının üzvü Sevda Qurbanəliyeva, Gənclər Birliyinin sədri Ramil İbrahimov çıxış edərək təməli Ulu öndər Heydər Əliyev tərəfindən qoyulan, 20 illik şərəfli mübarizə yolu keçmiş, xalqın dərin etimadını və etibarını qazanmış Yeni Azərbaycan Partiyasının güclü siyasi təşkilat olaraq formalaşmasından, inkişaf etməsindən və öz ətrafında xalqın ən fəal təbəqələrini birləşdirməklə vətənimizin tərəqqisi naminə genişmiqyaslı fəaliyyətindən söhbət açıblar.
Gəncə şəhər İcra Hakimiyyətinin başçısı Elmar Vəliyev Ulu öndər Heydər Əliyevin müdrik siyasəti sayəsində yaradılan, ölkəmizin sağlam qüvvələrini öz sıralarında birləşdirərək cəmiyyətdə aparıcı mövqe tutan, nüfuzlu umumxalq partiyasına çevrilən Yeni Azərbaycan Partiyasının 20 il ərzində keçdiyi şərəfli mübarizə tarixindən, Azərbaycana böyük uğurlar gətirməsindən, əldə olunan nailiyyətlərdən söhbət açıb.
Tədbirin sonunda şəhər fəallarından bir qrupu, YAP-ın 20 illiyinə həsr edilmiş Gəncə-Qazax zonası üzrə minifutbol turnirinin qalibi olan Gəncə şəhər təşkilatının komandası, Gəncə şəhərinin ali məktəbləri və kolleclərinin gəncləri arasında keçirilən şahmat yarışının qalibi olan ADAU-nun komandası Fəxri fərmanlar və qiymətli hədiyyələrlə mükafatlandırılıblar.
Yubiley tədbirində YAP İcra katibliyinin məsul işcisi Rafael Gülməmmədov, millət vəkili Xanlar Fətiyev iştirak ediblər.

Paylaş:

Baxılıb: 1428 dəfə