Azərbaycan xalqının qürur mənbəyi

Bakı:

25 °C

70 %

10 m/s

Əlaqə

AZ RU EN

Ana səhifə / YAP xəbərləri / Azərbaycan xalqının qürur mənbəyi

Azərbaycan xalqının qürur mənbəyi

12.12.2012 [01:26]

YAP Qaradağ rayon təşkilatında Ulu öndər Heydər Əliyevin anım mərasimi keçirilib
Yeni Azərbaycan Partiyası (YAP) Qaradağ rayon təşkilatında Ulu öndər Heydər Əliyevin anım mərasimi keçirilib. Tədbirdə çıxış edən YAP Qaradağ rayon təşkilatının sədri Aydın Hüseynov Ümummilli liderin həyat və fəaliyyətindən danışıb: “Ulu öndər Heydər Əliyevin Azərbaycan xalqı, dövləti qarşısındakı xidmətlərini sadalamaqla bitməz. Müstəqilliyin ilk illərində Azərbaycan parçalanmaq, bir dövlət olaraq dünya xəritəsindən silinmək təhlükəsi ilə üz-üzə qalmışdı. Belə bir çətin vəziyyətdə xalq üzünü xilaskarına-Ulu öndər Heydər Əliyevə tutdu. Ümummilli lider xalqın tələbinə, dövlət müstəqilliyinin qorunub saxlanmasına biganə qalmayaraq 1993-cü ilin iyun ayında Bakıya gəldi. İyunun 15-də Onun respublika rəhbəri seçilməsi ilə müstəqil dövlətçilik tarixinin ikinci dövrü başlandı. Uğurlu daxili siyasət nəticəsində ölkədə sabitlik yaradıldı. Ulu öndər Heydər Əliyev bildirirdi ki, sabitlik olmadan heç bir sosial-iqtisadi islahatdan, uğurdan danışmaq olmaz. Ölkədə sabitliyin, normal biznes mühitinin yaradılması investisiya axınının sürətlənməsinə stimul verdi. Dünyanın tanınmış şirkətləri ilə neft müqavilələri imzalandı. 1994-cü ilin sentyabrında “Əsrin müqaviləsi”nin imzalanması ilə Azərbaycanın iqtisadi inkişafında, dünya iqtisadi sisteminə inteqrasiyada yeni bir mərhələnin əsası qoyuldu. Bu müqavilədən sonra onlarla sazişin imzalanması Azərbaycanın gələcəyinə olan inamdan irəli gəlirdi”.
Tədbirdə çıxış edən Qaradağ Rayon İcra Hakimiyyəti (RİH) başçısının müavini Zəfər Əliyev, ARDNŞ-in “Azneft” İB Ə.Əmirov adına NQÇİ-nin rəisi Ramin Quliyev, Qaradağ RİH-in şöbə müdiri Munis Bayramov, YAP Qaradağ rayon təşkilatının əməkdaşı Zaməddin Ziyadoğlu Ulu öndərin Azərbaycan xalqı, dövləti qarşısındakı misilsiz xidmətlərindən söz açıblar. Qeyd olunub ki, Ümummilli lider Azərbaycan xalqının milli qürur, iftixar mənbəyidir. Dövləti, xalqı ilə qürur duyan hər kəs eyni dərəcədə Ulu öndər Heydər Əliyevlə fəxr edir. Heydər Əliyev ideyalarına söykənən Azərbaycan bu gün sürətlə inkişaf edir. Son illər Azərbaycanın bütün sahələrdə böyük inkişaf yolu keçməsi, dünyada iqtisadi artımın sürətinə görə liderliyi ələ alması Prezident İlham Əliyevin səyləri, eyni zamanda Ulu öndər Heydər Əliyevin ideyalarına istinad etməsi ilə əlaqədardır.
Bildirilib ki, Ulu öndərin fəaliyyətində diqqət çəkən əsas məqamlardan biri Azərbaycanda sıçrayışlı inkişafın təmin edilməsi ilə yanaşı, milli dəyərlərin, qədim ənənələrimizin, milli-mənəvi sərvətlərimizin qorunub saxlanılmasında göstərdiyi əvəzsiz xidmətlərlə bağlıdır.

Paylaş:

Baxılıb: 1695 dəfə