YAP Quba rayon təşkilatının yaranmasının 20-ci ildönümü münasibətilə tədbir keçirilib

Bakı:

0 °C

80 %

10 m/s

Əlaqə

AZ RU EN

Ana səhifə / YAP xəbərləri / YAP Quba rayon təşkilatının yaranmasının 20-ci ildönümü münasibətilə tədbir keçirilib

YAP Quba rayon təşkilatının yaranmasının 20-ci ildönümü münasibətilə tədbir keçirilib

17.01.2013 [02:26]

Dünən Yeni Azərbaycan Partiyası (YAP) Quba rayon təşkilatının yaranmasının 20-ci ildönümü münasibətilə təntənəli mərasim keçirilib. Tədbirdə Quba rayon İcra Hakimiyyətinin (RİH) başçısı, YAP Quba rayon təşkilatının İdarə Heyətinin üzvü Mübariz Ağayev, YAP Quba rayon təşkilatının çoxsaylı üzvləri, rayon ictimaiyyətinin nümayəndələri iştirak ediblər. İlk öncə tədbir iştirakçıları Ümummilli lider Heydər Əliyevin rayon mərkəzində ucaldılan abidəsini ziyarət edib, abidənin önünə əklillər, gül-çiçək dəstələri düzüblər. Sonra tədbir rayondakı Heydər Əliyev Mərkəzində davam etdirilib.
Ümummilli liderimiz, Yeni Azərbaycan Partiyasının qurucusu Heydər Əliyevin əziz xatirəsi bir dəqiqəlik sükutla yad edildikdən sonra YAP Quba rayon təşkilatının sədri Ədalət Nəbiyev çıxış edib. O, qeyd edib ki, Yeni Azərbaycan Partiyasının yaranmasından qısa zaman ötdükdən sonra partiyanın Quba rayon təşkilatı fəaliyyətə başlayıb.
“Yeni Azərbaycan Partiyasının Naxçıvan şəhərində keçirilən ilk təsis yığıncağından sonra partiyanı dəstəkləyənlər sırasında Quba rayonunun ziyalıları da olub. Həmin dövrdə rayonda Azərbaycan Xalq Cəbhəsinin meydan suladığı bir vaxtda Quba ziyalıları təqiblərdən və təzyiqlərdən çəkinməyərək partiyanın rayon təşkilatının yaradılmasına hazırlıq işlərini görüblər və 1992-ci ilin dekabrında rayon təşkilatının təşəbbüs qrupunu yaradıblar. 1993-cü il yanvarın 16-da isə respublikanın rayonları arasında ikinci olaraq, məhz Qubada təsis konfransı keçirilərək Yeni Azərbaycan Partiyasının Quba rayon təşkilatı yaradılıb”, - deyə Ədalət Nəbiyev vurğulayıb.
Natiq çıxışında daha sonra qeyd edib ki, hazırda YAP Quba rayon təşkilatı sağlam düşüncəli, partiyanın amalına sədaqətli, möhkəm əqidəli, cənab Prezidentimiz İlham Əliyevin daxili və xarici siyasətini dərindən başa düşən, onu ürəkdən bəyənən və dəstəkləyən 5673 nəfər partiya üzvünü öz ətrafında birləşdirib.
Daha sonra çıxış edən YAP Quba rayon təşkilatı aparatının rəhbəri Hüseyn Kərimov, YAP Quba rayon təşkilatı İdarə Heyətinin üzvü Həsən Günəşli, Hüseynağa Baxışov, Elza Orucova, Quba RİH başçısı Mübariz Ağayev öz məruzələrində partiyanın yaranmasından, keçdiyi şərəfli yoldan danışıblar.
Tədbirin sonunda YAP-ın sıralarına yeni qəbul edilən bir qrup şəxsə üzvlük vəsiqələri təqdim olunub.
Səlim Loğmanoğlu

Paylaş:

Baxılıb: 1371 dəfə