Dərin və mənalı əlaqələr

Bakı:

31 °C

39 %

4 m/s

Əlaqə

AZ RU EN

Ana səhifə / YAP xəbərləri / Dərin və mənalı əlaqələr

Dərin və mənalı əlaqələr

22.01.2025 [16:28]

Natiq Quluzadə,

YAP Zəngilan rayon təşkilatının sədri

Bu gün Azərbaycan və Gürcüstan iki qonşu dövlət və strateji tərəfdaş ölkələr olaraq bir-biriləri üçün xüsusi əhəmiyyət kəsb edirlər. Lakin bu əlaqələr heç də son bir neçə il ərzində formalaşmayıb. Mövcud əlaqələr ölkələrimiz və xalqlarımız arasında tarixən mövcud olmuş səmimi dostluq və qonşuluq münasibətləri əsasında qurulub. Eyni zamanda da etiraf olunmalıdır ki, bu gün ölkələrimiz arasında münasibətlərin yüksək səviyyədə olmasında Azərbaycan və Gürcastanın ölkə rəhbərlərinin səyləri misilsiz töhfələr verir. Bu fakt öz əksini Gürcüstanın Baş naziri İrakli Kobaxidzenin cari ilin 17 yanvar tarixində Azərbaycana rəsmi səfəri zamanı cənab Prezident İlham Əliyevin və Gürcüstanın Baş nazirinin mətbuata bəyanatla çıxışlarında da öz təsdiqini tapıb. Möhtərəm dövlət başçımız son 10 ay ərzində cənab Kobaxidzenin Azərbaycana artıq üçüncü dəfə səfər etdiyini vurğulayaraq bildirdi ki, bu fakt özlüyündə Gürcüstan-Azərbaycan əlaqələrinin nə qədər dərin və mənalı olduğunu göstərir.

Bu səfərin xüsusi əhəmiyyətini önə çəkən daha bir məqam da budur ki, Gürcüstanda keçirilmiş parlament seçkilərindən sonra bu, Baş nazirin ilk xarici səfəridir. İlk səfərin məhz Azərbaycana həyata keçirilməsi təbii ki, Gürcüstan-Azərbaycan əlaqələrinin nə qədər yüksək səviyyədə olmasından xəbər verir.

Cənab Prezident bildirdi ki, bizim xalqlarımız əsrlər boyu dostluq, mehriban qonşuluq, qardaşlıq şəraitində yaşamışlar. Bu ənənələr bu gün də yaşayır. Bu gün Gürcüstan-Azərbaycan əlaqələri bütün istiqamətlər üzrə uğurla inkişaf edir. Ölkələrimiz arasında siyasi əlaqələr bütün qonşular üçün nümunə ola bilər. İqtisadi sahədə nəticələrin yüksək olduğunu vurğulayan dövlət başçısı bildirdi ki, Azərbaycan Gürcüstan iqtisadiyyatına 3,6 milyard dollar sərmayə qoyub. Əlbəttə, bu onu göstərir ki, Gürcüstanda çox müsbət sərmayə iqlimi mövcuddur. O cümlədən Azərbaycan investorları da böyük həvəslə Gürcüstana öz sərmayələrini qoyurlar.

Əlbəttə ki, ölkələrimiz arasında energetika sahəsindəki əməkdaşlıq təkcə Azərbaycan və Gürcüstan üçün deyil, həm də çox sayda başqa ölkələr üçün xüsusi əhəmiyyət kəsb edir. O cümlədən birgə neft-qaz layihələri bu gün bir çox Avropa ölkələrinin enerji təhlükəsizliyinin əsasını təşkil edir. Gürcüstan tranziti vasitəsilə Azərbaycan hazırda 11 ölkəyə öz təbii qazını ixrac edir, ildən-ilə ixrac artır. Həmçinin Gürcüstanın istehlak etdiyi təbii qazın da 80 faizdən çoxu Azərbaycan mənşəlidir. Yəni, bu, doğrudan da çox böyük, xüsusi əhəmiyyətə malik olan layihədir və getdikcə Azərbaycanın qaz ixrac coğrafiyası genişlənəcək.

Əlbəttə ki, ölkələrimizin birlikdə həyata keçirdikləri yaşıl enerji layihələri də xüsusi əhəmiyyət kəsb edir. Bu da Azərbaycan və Gürcüstan hökumətlərinin məsuliyyətini bir daha göstərir. Çünki bu gün yaşıl enerji qlobal istehlak bazarında böyük maraq doğurur və buna böyük tələbat var. Bütün bunlar Azərbaycan-Gürcüstan münasibətlərinin bundan sonra da yüksək dinamika ilə inkişaf edəcəyini deməyə əsas verir.

Paylaş:

Baxılıb: 513 dəfə