Beynəlxalq məsələlərə yanaşmanın formalaşmasında Bakı Forumu vacib rola malikdir

Bakı:

26 °C

73 %

3 m/s

Əlaqə

AZ RU EN

Ana səhifə / YAP xəbərləri / Beynəlxalq məsələlərə yanaşmanın formalaşmasında Bakı Forumu vacib rola malikdir

Beynəlxalq məsələlərə yanaşmanın formalaşmasında Bakı Forumu vacib rola malikdir

17.03.2025 [14:57]

İlqar İlyasov,

YAP Laçın rayon təşkilatının sədri

Prezident İlham Əliyevin 13 mart 2025-ci il tarixində keçirilən XII Qlobal Bakı Forumunda etdiyi çıxış, özündə beynəlxalq münasibətlər, qlobal təhlükəsizlik və iqtisadi inkişaf məsələlərinə dair vacib mesajları ehtiva etdi. Onun çıxışı "Dünya düzəninin yenidən düşünülməsi: Çağırışların fürsətə çevrilməsi" mövzusuna həsr olunmuşdu. Prezident İlham Əliyev, dünya düzənində baş verən dəyişikliklər artıq yeni bir yanaşmanı tələb etdiyini vurğuladı və verdiyi mesajlar qloballaşan dünyanın üzləşdiyi problemlərdən çıxış yolu ola bilər. Azərbaycan Respublikasının Prezidenti beynəlxalq münasibətlərdəki qeyri-müəyyənlikləri, münaqişələrin artmasını və iqtisadi problemləri nəzərə alaraq, qlobal siyasətin təkmilləşdirilməsi və yeni əməkdaşlıq modeli yaratmağın vacibliyinidən bəhs etdi, həmçinin beynəlxalq təşkilatların, xüsusən də BMT və digər struktur təşkilatlarının daha effektiv olmasının zəruriliyini önə çəkdi. Çıxışında İlham Əliyev, mövcud geosiyasi mühitdəki təhdidlərə və böhranlara xüsusi olaraq diqqət ayırdı. Dünyanın müxtəlif bölgələrindəki münaqişələrin, xüsusilə Ukrayna müharibəsinin və Cənubi Qafqazdakı vəziyyətin, dünya düzəninin pozulmasına təsir etdiyini bildirdi. Prezident, Azərbaycanın bu çətin dövrdə beynəlxalq təhlükəsizliyi təmin etmək üçün konstruktiv və balanslı siyasət yürütdüyünü vurğuladı. Yüksək inflyasiya, ölkələr üzrə borc yığılması və geoiqtisadi parçalanma qlobal iqtisadiyyatın bərpasına mənfi təsir göstərir. İlham Əliyev, qlobal iqtisadiyyatda qarşılaşılan çağırışların, xüsusilə pandemiya sonrası bərpa proseslərində mühüm rol oynadığını bildirdi. Həmçinin rəqəmsal transformasiyanın sürətlənməsi və iqtisadiyyatda yeni trendlərin ortaya çıxmasının vacibliyini qeyd etdi. Azərbaycanın bu prosesə inteqrasiyasının və rəqəmsal infrastrukturunun gücləndirilməsinin önəmini vurğuladı. Dünyada cərəyan edən qlobal çağırışlar şəraitində hər bir ölkə davamlı inkişafın təmin edilməsi üçün müvafiq siyasət yeridir. Ətraf mühitin və enerji təhlükəsizliyinin təmin edilməsi üçün layihələr reallaşdırır. Prezident, davamlı inkişafın, ətraf mühitin qorunmasının və enerji təhlükəsizliyinin dünya miqyasında əhəmiyyət kəsb etdiyini bildirdi. Azərbaycan hökumətinin bu sahədə əldə etdiyi uğurları, xüsusilə “Yaşıl Enerji” layihələri və bərpa olunan enerji mənbələrinin inkişafı sahəsindəki təşəbbüslərini təqdim etdi. Bu təşəbbüslər həm regionun, həm də qlobal iqtisadiyyatın daha dayanıqlı olmasına töhfə verir. Prezident İlham Əliyev, dünya düzənindəki dəyişikliklərin ölkələrə yeni imkanlar da yaratdığını qeyd etdi. Azərbaycanın mövcud siyasi və iqtisadi vəziyyətini nəzərə alaraq, qlobal əməkdaşlıqda yeni yolların açılmasının vacibliyini bildirdi. Prezident, iqtisadi inkişafın və sosial rifahın artırılması üçün çağırışların düzgün bir şəkildə fürsətə çevrilməsinin mümkün olduğunu vurğuladı, Azərbaycan dövlətinin beynəlxalq münasibətlərdə fəal iştirakını və müstəqil xarici siyasətini təqdim etdi. Azərbaycanın müxtəlif regionlarda və qlobal miqyasda diplomatik fəaliyyətlərini, multilateral əməkdaşlığı və sülhsevər diplomatiyanı dəstəklədiyini qeyd etdi. Prezident, ölkənin enerji resurslarının qlobal enerji təhlükəsizliyinə verdiyi töhfələri və regional əməkdaşlıq sahəsindəki mühüm təşəbbüslərini təqdirəlayiq bir model kimi təqdim etdi. Multilateralizmin qlobal problemlərin həllində önəmli bir alət olduğunu bildirən Prezident İlham Əliyev, xüsusilə inkişaf etmiş və inkişaf etməkdə olan ölkələr arasında daha ədalətli və bərabər hüquqlara əsaslanan iqtisadi əlaqələrin qurulmasının vacibliyini vurğuladı. Azərbaycanın bu istiqamətdəki fəaliyyətlərini və beynəlxalq təşkilatlarla əməkdaşlıqda əldə etdiyi nəticələrdən söhbət açdı. İlham Əliyev, qlobal inkişafın əsasını təşkil edən texnoloji və elmi innovasiyaların əhəmiyyətinə də toxundu. Azərbaycanın gənclərinin bu sahədə inkişaf etdirilməsinin və elmi tədqiqatların təşviq edilməsinin, ölkənin qlobal rəqabət qabiliyyətini artıracağını qeyd etdi. Eyni zamanda, Prezident, qlobal iqtisadiyyatın rəqəmsal transformasiyasına uyğun olaraq, innovativ yanaşmaların tətbiqinin əhəmiyyətini vurğuladı. Qlobal Bakı Forumu dünyanın qarşısında duran çağırışları müzakirə etməklə yanaşı, onların həlli üçün praktik yanaşmaların inkişaf etdirilməsi baxımından mühüm platforma rolunu oynayır. Qlobal Bakı Forumu vasitəsi ilə Azərbaycan öz imkanlarını, perspektiv planlarını, sülhə xidmət edən siyasətini xarici dövlətlərə və beynəlxalq təşkilatlara çatdırdı və göstərdi ki, Azərbaycan dünyada cərəyan edən iqtisadi və siyasi proseslərə seyrçi qalmaq niyyətində deyil. Bakı yeni dünya düzənində özünəməxsus yer tutmaq istiqamətdə ciddi addımlar atır.

Paylaş:

Baxılıb: 456 dəfə