YAP Kəlbəcər rayon təşkilatı tərəfindən şəhid mayor Milli Qəhrəman Şahlar Əvəz oğlu Şükürovun doğum günü qeyd olunub

Bakı:

22 °C

74 %

11 m/s

AZ RU EN

Ana səhifə / YAP xəbərləri / YAP Kəlbəcər rayon təşkilatı tərəfindən şəhid mayor Milli Qəhrəman Şahlar Əvəz oğlu Şükürovun doğum günü qeyd olunub

YAP Kəlbəcər rayon təşkilatı tərəfindən şəhid mayor Milli Qəhrəman Şahlar Əvəz oğlu Şükürovun doğum günü qeyd olunub

20.05.2025 [18:36]

Yeni Azərbaycan Partiyası Kəlbəcər rayon təşkilatı tərəfindən şəhid mayor Milli Qəhrəman Şahlar Əvəz oğlu Şükürovun doğum günü qeyd olunub.

Tədbirdə YAP Kəlbəcər rayon təşkilatının sədri Həbib Misirov və 23 saylı Kəlbəcər rayon orta məktəbin müəllim və şagird kollektivi iştirak ediblər.

Tədbir iştirakçıları şəhid Milli Qəhrəman Şahlar Şükürovun ali təhsil aldığl Dövlət İqtisad Unveristetinin ( keçmiş Xalq Təsərrüfatı) inzibatı binasında şəhid məzun və tələbələrinin xatirəsinə ucaldılan yeni Memorial-Xatirə Kompleksinini ziyarət edərək şəhidlərin əziz xatirəsini ehtiramla yad edərək, önünə gül dəstələri düzüblər.

YAP Kəlbəcər rayon təşkilatının sədri Həbib Misirov, şəhid Milli Qəhrəman Şahlar Şükürov haqqında tədbir iştirakçılarına ətraflı məlumat verərək qeyd edib ki, Kəlbəcər-Ağdərə yolundakı qeyi-bərabər döyüş Qarabağ müharibəsinin ən unudulmaz səhnələrindən biridir. O zaman savaş təzə-təzə közərirdi. Amma düşmən onu alovlandırmaq üçün fürsət axtarırdı. 11 iyul 1990-cı ildə, Kəlbəcər-Ağdərə yolundakı Otaqqayada, qeyri-bərabər döyüşdə Şahlar Şükürov və ustad sənətkar Dədə Şəmşirin qızı Çimnaz xanım şəhidlik zirvəsinə yüksəlib. Sədr Həbib Misirov dövlətimiz tərəfindən yeniyetmə və gənclərin vətənpərvərlik tərbiyəsi sahəsində görülən işlərdən, həyata keçirdiyi Dövlət Gənclər siyasətindən, gənc nəslə hərb tariximiz, döyüş ənənələrimiz, milli qəhrəmanlarımızın, şəhidlərimizin keçdiyi şərəfli həyat yolunun yeniyetmə və gənclərə daha yaxından tanıdılması barədə geniş məlumat verdi. Qeyd etdi ki, ölkəmizin ərazi bütövlüyü uğrunda canını fəda etmiş şəhidlərin ailələrinə, əlillərə və müharibə veteranlarına yüksək diqqət və qayğı göstərilməsi hər zaman dövlət siyasətinin prioritet məsələsidir. Birbaşa Azərbaycan Respublikasının Prezidenti, Ali Baş Komandan cənab İlham Əliyevin və Birinci vitse-prezident Mehriban xanım Əliyevanın diqqət və nəzarətində olan bu məsələ ilə bağlı ən ali səviyyədə müvafiq göstərişlər verilir və bu kateqoriyadan olan insanların problemlərinin həlli istiqamətində mühüm tədbirlər həyata keçirilir.

Vətən Müharibəsində və anti terror əməliyyatlarında biz bir daha gördük ki, Azərbaycanın böyük və güclü gələcəyi var. Çünki sağlam, cəsur, qəhrəman bir nəslin yetişdiyini gördük. Onların hamısı Ali Baş Komandan İlham Əliyevin ətrafında bir yumruq kimi birləşdi. Bizim gənclərimiz torpaq uğrunda, Vətən uğrunda vuruşdular, 30 illik Vətən həsrətinə öz canları, qanları hesabına son qoydular.

Şükürov Şahlar Əvəz oğlu 17 may 1952-ci ildə Kəlbəcər rayonunun Zülfüqarlı kəndində anadan olub. 1972-ci ildə Azərbaycan Xalq Təsərrüfatı İnstitutunu bitirib, hərbi xidmətə gedib. Ordudan tərxis edildikdən sonra Ucar rayonu Daxili İşlər Şöbəsində çalışıb. 1986-cı ildə Rostov Ali Polis Akademiyasını bitirib. Zərdab rayonunda rəis müavini vəzifəsində çalışan Şahlar mayor rütbəsi alıb.

11 iyul 1990-cı ildə Tərtər-Kəlbəcər yolu ilə hərəkət edən maşın karvanı Ağdərə ərazisində ermənilərin qəfil hücumuna məruz qalan zaman qeyri-bərabər döyüşdə qəhrəmanlıq nümayiş etdirərək həlak olub.
Ailəli idi. İki övladı var.

Polis mayoru Şükürov Şahlar Əvəz oğlu ölümündən sonra Azərbaycanın Milli Qəhrəmanı adına layiq görülüb. Kəlbəcər rayonunun Zülfüqarlı kəndində dəfn olunub. Zərdab rayonunda adına məktəb və küçə var.

Paylaş:

Baxılıb: 431 dəfə