Gədəbəy sakinlərinin seçimi Prezident İlham Əliyevdir

Bakı:

26 °C

50 %

2 m/s

Əlaqə

AZ RU EN

Ana səhifə / YAP xəbərləri / Gədəbəy sakinlərinin seçimi Prezident İlham Əliyevdir

Gədəbəy sakinlərinin seçimi Prezident İlham Əliyevdir

20.09.2013 [10:39]

YAP Gədəbəy rayon təşkilatı seçicilərlə növbəti görüşlər keçirib
9 oktyabr - prezident seçkiləri öncəsi təbliğat-təşviqat kampaniyası çərçivəsində keçirilən kütləvi tədbirlər davam edir. Yeni Azərbaycan Partiyasının (YAP) Sədri, Prezident İlham Əliyevin təbliğatına həsr olunmuş növbəti tədbirlər Gədəbəy rayonunun Arıqıran, Alnabat, Daryurd, Miskinli, Çaldaş, Çalburun, Səbətkeçməz, Plankənd, Qalakənd, Əlinağılar və Arısu kəndlərində keçirilib.
İlk olaraq qarşıdan gələn prezident seçkilərinin olduqca əlamətdar bir hadisə olduğunu qeyd edən YAP Gədəbəy rayon təşkilatı aparatının rəhbəri Namiq Rüstəmov Prezident İlham Əliyevin bu seçkilərdə alternativsiz lider olduğunu dilə gətirib. Son illər Gədəbəy rayonunda aparılan yenidənqurma işlərindən bəhs edən N.Rüstəmov Prezident İlham Əliyevin rəhbərliyi altında aparılan uğurlu siyasətin nəticəsi olaraq, rayonda bir sıra sənaye müəssisələrinin, o cümlədən, məktəblərin istifadəyə verildiyini xatırladıb. N.Rüstəmov Gədəbəy rayonu sakinlərinin daima dövlətçiliyə və millətə sədaqətli olduğunu önə çəkib. O, məhz bu əsasdan çıxış edərək Gədəbəy ictimaiyyətinin Ümummilli liderimiz, müstəqil Azərbaycanın memarı Heydər Əliyev siyasətinin davamçısı İlham Əliyevə səs verəcəyinə inandığını deyib.
Daha sonra çıxış edən Avrasya Universitetinin rektoru Nazim Hüseynli, Texniki Universitetin Kimya kafedrasının müdiri Mahmud Rüstəmov bildiriblər ki, Prezident İlham Əliyevin həyata keçirdiyi uğurlu siyasi kurs Azərbaycanın inkişafının yeni mərhələsidir. Qeyd olunub ki, İlham Əliyevin son 10 ildə, Prezident olduğu dövrdə gördüyü işlər bunu deməyə əsas verir.
Çıxış edən Milli Məclisin üzvü Sevinc Hüseynova bildirib ki, yeni iş yerlərinin açılması, ölkənin valyuta ehtiyatlarının artırılması, səhiyyəyə, təhsilə, mədəniyyətə və digər sahələrə paralel qayğının göstərilməsi və diqqətin artırılması hamının gözünün önündə baş verib. Fəaliyyətinin hər anında milli mənafenin qorunması uğrunda mübarizə aparan cənab İlham Əliyev yalnız millətinin və dövlətinin rifahı uğrunda çalışır.
Bakı Dövlət Universitetinin Sosiologiya Kafedrasının müdiri, fəlsəfə elmləri doktoru İzzət Rüstəmov vətəndaşların seçkidə fəal iştirakının ölkəmizin sabahı naminə vacib olduğunu önə çəkib: “Mən inanıram ki, xalqımız 2003-cü ildə, 2008-ci ildə olduğu kimi müstəqilliyin, əbədiliyin sarsılmazlığına, inkişafa, yüksəlişə-İlham Əliyevə səs verəcək. Məhz İlham Əliyev Azərbaycanı işıqlı, inamlı sabaha aparır!”
Çıxış edən kənd sakinləri Eldar Abdalov, Ələddin Musayev, Məhəmməd Əkbərov, Fərhad Bağırov, Səməd Nağıyev və digərləri bildiriblər ki, hər bir Gədəbəy seçicisi bu gün ölkə Prezidentinin apardığı siyasi kursu dəstəkləyir. Onlar əminliklərini ifadə ediblər ki, rayon sakinləri ölkəmizdəki siyasi-iqtisadi sabitliyi dəstəkləyir və bu dəstəyi oktyabrın 9-da YAP-ın namizədi cənab İlham Əliyevə səs verməklə növbəti dəfə nümayiş etdirəcəklər.
Pərviz SADAYOĞLU

Paylaş:

Baxılıb: 1321 dəfə